قصة ولادتي

بسم الله الرحمن الرحيم
السلام عليكم ورحمة الله وبركاته
الحمدلله ولدة بتاريخ 5/10/1432 بمستشفى الولادة
اقولكم قصة حملي الى الولادة
كانت دورتي شهر 12 ايام العيد وكانت ملخبطة لا وقتها ولا عدد ايامها
المهم لما جا 10 شهر واحد صابتني نزله معوية حادة ورحت للمستشفى واعطوني مضاد حيوي وبعض الادوية طبعا الغثيان وانتم كرامة استمر مع سبوعين وانا اكل بالمضاد الحيوي لمدة اسبوع بعدها تركته وثاني اسبوع اختفى الغثيان وذبحني النوم بس ما جا ببالي اني حامل ونحفت بشكل مو طبيعي خسرت اكثر من ثلث وزني
وعدت الايام ورحت عند اهلي باخر اسبوع من ربيع الثاني وكل اللي شافوني قالولي انتي حامل وانا ايمان واديان ماني حامل
وفي يوم من الايام حسيت بحاجة زي حركة البيبي وشكيت >>>>>>تو الناس
المهم جبت التحليل المنزلي وطلع خطين واول مارجعت لبيتي رحت لدكتورة وقلتلها على المضاد الحيوي ولما كشفت قالت انتي بالخامس ومايضرك ان شاء الله
وعدت الايام ولما وخلصت التاسع وصرت اراجع عن الدكتورة بشكل اسبوعي ويوم27 رمضان قالت ميصير كذا انتي بدك تظلي طول عمرك حامل وحولتني على المستشفى وقالت لي راح يعطونك طلق صناعي علشان تولدين
وقاست لقته فاتح 2 سانتي وبعد العيد بيومين ومع زن زوجي علي رحت للمستشفى وجلست فيه ست ساعات والنفسية خايسة حدي
واتصلت على زوجي وايمان واديان ما اجلس وطلعت على مسؤوليتي وبعد يومين صحيت من بدري بدري ورتبت البيت و رحت للمستشفى وتنومت فيه ومروووووووقه حدي وسوالف مع الممرضات ورايقة ورايحين جايين تخطيط
فيه الم وارد عليهم خفيف المهم لما جت الساعه 3 الفجر جت الدكتورة قالت انتي لسا وسوت لي تحريض وبعد ربع ساعة قمت امشي واتركتني نص ساعة بعدين جت قاست قالت فاتح اربعه يلا على الولادة
ونزلت بالولادة وكل شوي يقيسون ولسا ما فتح لما جت الساعة سبع الصباح كنت نايمه ما صحيت الا اللي تقولي مرور دكتور تغطي وتغطيت وجو تقريبا ست دكاترة وكل واحد يسأل سؤال متى اخر ثلاث دورات ومتى كشفتي على الحمل وراحواوقالت الدكتورة نبي نفتح موية الراس وفتحوها الساعة ثمان ونفس الوضع رايحين جايين يقيسون ولسا موقف على الاربع وعلى الساعة وحدة ونص تقريبا حطو لي طلق صناعي بالبداية كان خفيف بس كل ماله يزيد مو زي الطبيعي شوي شوي لا زيادة بسرعة على فكرة حطوة لي مع المغذي ولما جت الساعه 2 الظهر زاد الالم وصرت اجلس من قوة الالم وهم لالا ويرجعوني على ظهري ولما تخف الطلوق عني اغفي ولما تجي احس اني بموت من الألم والممرضة تحط الاكسجين وانا ارميه وهي تحط علشان بيبي ماما لازم وانا بموووووت ولما جت الساعة ثلاث الا ربع حسيت البيبي بدا يدف واناديه وتجي تقيس قالت خمس بس
بغيت ابكي لسا خمس وكل هالالم ولسا والله العظيم وربي يشهد ثاني طلقه بعدها اوالثالثة بالكثير واحسه يدف اكثر واناديها قاست وقالت ثمان بصراحة ما صدقتها قلت يمكن تواسيني لانها راحت وجت بدالها ممرضه ثانيه كانت تبي تقيس الا اسمعا تنادي باسم الدكتورة وصارت تقولي خوذي نفس وانا ولا كان احد يكلمني وجت الطلقه اللي بعدها وقالت خوذي نفس حاولت بس حسيت نفسي مكتوم صرت اتنفس بصوت مسموع غصب عنيالمهم قالت دفي بشويش علشان مانسوي توسعه وانا ادف الا اشوفا تاخذ المشرط وتشق ما حسيت يمكن من الالم لانها ما حطت بنج خالص المهم سحبت البيبي وطق على ظهره الا دخلت الدكتورة قالت خلاص خلصتوا قالت ايوة باقي المشيمة
ترى كل هذا خلال دقيقتين بس من راحت الممرضة الاولى الى ان جت الدكتورة
ولما كانت الدكتورة تخيط قالت الممرضة اللي اخذت البيبي مبروك ولد ووزنه قالت بس بصراحة مااتذكر كم قالت بس عندها وحده شهقت بقوة وقالت معقول ما ياهل شكله ترهن سعوديات هذولا الثنتين
وجابته لي قالت خوذيه بوسيه وحطته على صدري المهم بسته وقلت خلاص خليه قالت لا اشبعي منه بناخذه منك قلت ليش قالت ناخذه للحضانة نطمن عليه علشانه فوت التاسع
بصراحة انا جا ببالي انه اما شارب مويا او انه تبرز واكل منه
ولما جا زوجي قلت رح شوفه لما جا قالي الدكتور قال سمع صوت بقلبه وبيتاكد وبكرة راح يرجعونه
ولما جا ثاني يوم خرجوني والبيبي باقي دخول وسالهم زوجي قالوا عن تصوير بمستشفى خالد علشان نتاكد احتمال فتحه بالقلب ورجعت للبيت وقلبي عنده وبعد ثلاث ايام اعطونا تحويل لتخصصي بخالد عند استشاري قلب
تصوير
ورحنا وقالت مو فتح المشكله بالصمام عنده وحولتنا على العسكري عند استشاري قلب اطفال ورحن وقال عنده صمام رؤوي ضيق شديد ولازم ضروري تسوون قصدرة فورا واعطانا موعد بعد خمس ايام ورحنا سوينا اشعه وتحاليل والذي منه ودخل للقصدرة في يوم الثلاثاء والله جلس ثلاث ساعات علشان يتبنج مزبوط ولا يتحرك نهائي بس القصدرة ما طولت ساعه وحدة بس
وطلع الدكتور اللي مع الاستشاري وقال بنوديه للعناية الى ان يصحي من البنج خلال اربع خمس ساعات ويفوق ان شاء الله
راحنا معه للعناية وحطوله اكسجين واجهزة القلب وصراحة كان شكله يبكي
وقال الاستشاري المسؤول عن العناية خلوة عندنا 24 ساعة علشان نطمن عليه
وثاني يوم جينا وقال الئتين عنده رفضت البنج وصارت تفرز بلغ وصار عنده ضيق بالشعب الهوائية وصاروا يعطونه منوم ويسحبون البلغم من صدرة وبعدها بيوم جينا قال لازم يرضع من امه علشان نشوف الوضع كيف نخاف عليه يشرق لو شرق راح يتسبب له بمشطكلة كبيرة ورضعته والحمدلله ما صار شي
وقال ان شاء الله بكرة نودية لقسم الاطفال ومن بكرة طلعوه معي بس بصراحة كنت احس انه موطبيعي المهم جلسنا يومين والحين الحمدلله بالبيت
لكن معطيني الف تنبيه وتنبيه عليه
لا يبكي ولا يشرق ولا ترتفع حرارته وانتبهي على حرارته مجرد ترتفع تعالوا على طول واعطونا موعد له بعد شهرين من موعد القصدرة
واهوه نستنا الموعد وانام عين فاتحة وعين مغمضة
ادعوا ان الله يشفيه تكفون يمكن بينكم وحدة مستجابت الدعوة
بس الصراحة والحق يقال
مستشفى الولادة والاطفال بتبوك مو زي ما سمعت عنه بالعكس اهتمام وشي راقي فعلا من التعامل والخدمة والنظافة
اما المستشفى العسكري خدمة خمس نجوم روووووعة وخاصة قسم القلب مرة اللي فيه محترمين ممرضات حتى عاملات النظافة اللي فيه
وهذي حكايتي كله
وعقبال ما تبشرونا بولادتكم وانتم واطفالكم سالمين ومعفيين