بسم الله الرحمن الرحيم
انا كنت ادخل تجمع يوليو
ووعدتكم بذكر قصتي المهم انا طولت ماولدت دخلت الاسبوع 42
وقبل ولادتي كنت اراجع بمستشفى المصانع بالخرج
وقالوا لي يوم تميت اربعين اسبوع ترى الاسبوع الجاي موعد ولادتك بطلق الصناعي
ماتتخيلون فرحتي بالفرج رغم الخوف اللي فيني طبعا انا بكرية وطبيعي الخوف
وغير الكلام اللي اسمع من الحريم في المستشفى يزيدني خوف:o
ورحت المستشفى عالموعد وقالوا لي مافي سرير:22: كان يوم الثلاثاء ماتتخيلون الكابة:06::angry2: اللي صابتني وقالوا تعالي يوم الاحد تنويم قلت مو مشكلة الاحد قريب بس على انه قريب بس الثقل وغيرالعصبية اللي صابتني اخر الايام على الحالة النفسية اللي زادت وتوكلت على الله وقلت مو مشكلة
جيتهم الاحد قالو مافي سرير ماتتخيلون الصدمة اللي صابتني وقالوا تعالي الثلاثاء نفس الحالة رحت الثلاثاء قالوا مافي سرير بس اجلسي بنكشف عليك قلت لزوجي لاتروح بروح معك للرياض
طبعا اتكلم وانا اصيح اقرب مستشفى اهلي
الله يعز الدراهم
ورحت مستشفى المواساة(نجد حاليا) طبعا رحت العشاءوقالو تعالي بكرة الصباح رحت لهم خذوا تحاليل واشعة لاني اول مرة ادخل عندهم وماجت 2 الظهر الا معطيني تحميلتين حقت الطلق الصناعي وقالت ممكن ماتنفع معك ولاتسوي شي اذا مانفعت حطينا لك ابرة علما اني كان الرحم مفتوح 2سم
وناديت واحد من اخواني على اذان العصر طبعا بدى معي الطلق جاء يجلس يسليني ويلهيني وكنت اقوله سولف من حر مافيني والله انه كان كل ماله يشتد اصرخ واقوله جاني الفرج سولف ماعليك مني لاني اتذكر امي تقول ترى مو من يجيك الطلق تنادينهم على طول
المهم قبل نص ساعة من الاذان المغرب صرخت في وجه اخوي اطلع خلاص
وهو ياحرام راحمني يقول لا عادي بجلس قلت خلاص بس :06:روح للبيت
وادق على زوجي قلت له تكفى تعال بسررررررررعة مااقدر اتحمل لاني خفت ادخل للغرفة الولادة وهو مو موجود
المهم اذن المغرب وجت الدكتورة بتكشف كم سانتي وانا اصارخ لاتكشفون واصيح مابعد جاء زوجي ماني رايحة للغرفة الا بابرة الظهر
وكشفت شافت انفتح 7 قالت ماينفع
الابرة وقالت للسسترات بسرعة على الغرفة وجلست اصارخ بقوووووووووة يارحمن ارحمني ياربييييييييه وهم يدفوني دخلت الغرفة لقيتها باااااااااااااااااااااااااردة المهم دخل زوجي علي ومسك ايدي تدرون يشوفني اصارخ وهو يتبسم ويقول ببرود قولي لااله الا الله حزتها ودي بجزمة وحده من السسترات وملزقتها بوجهه
وكنت ارفع ظهري واخبط بنفسي من قوة الطلق
واقولهم اشفطوها طلعوها :06:تكفوووون ماعاد اتحمل ياربييييييييييييييييه بسرعه بسرعه وكانوا يحوسوون فيني افتحوا المويه ويخلون ايديهم واذن العشاء وانا الرحم مفتوح عشرةوعطوني ابرة في الفخذ وقفت علي الطلق وقالوا ادفعي الحمدلله ماجت الاقامة الا انا والدة وجبت احلى بنوتة والحمدلله على كل حال واللحين بنتي لها 2 يوم من الرابع بس الى الان مانسيت بس اضحك على نفسي واللي سويته
اتمنى يفرج ربي لكل الحوامل
كل وحده تدخل اتمنى تضيف رد
والله يهون عالجميع
يلزم عليك تسجيل الدخول أولًا لكتابة تعليق.
ام الحلوه ليلاس
•
الحمدالله على سلامتك وتتربى بعزكم
الحمد لله على سلامتك
اتمنى بعد تجربتي الاولى انه يكون هناك تثقيف للأمهات الجدد مثل مااشوف برى من ندوات وشرح مفصل وتمارين للحمل
هنا عساهم بس يكشفون عليك ولو بغيتي استفسار ماعندها وقت
مساكين حنا اول تجربه تكون صعبه مانعرف اكثر القواعد اللي منها عدم الدفع لتحت ولكن اخذ نفس عميق حتى يجيك التوجيه بالدفع
انا كنت ادفع والمفروض لا ماعندي خبره
الله يهون علي وعلى كل حامل ياااارب ويرزق كل محرومه
اتمنى بعد تجربتي الاولى انه يكون هناك تثقيف للأمهات الجدد مثل مااشوف برى من ندوات وشرح مفصل وتمارين للحمل
هنا عساهم بس يكشفون عليك ولو بغيتي استفسار ماعندها وقت
مساكين حنا اول تجربه تكون صعبه مانعرف اكثر القواعد اللي منها عدم الدفع لتحت ولكن اخذ نفس عميق حتى يجيك التوجيه بالدفع
انا كنت ادفع والمفروض لا ماعندي خبره
الله يهون علي وعلى كل حامل ياااارب ويرزق كل محرومه
الصفحة الأخيرة