& قصة ولادتي &

بسم الله الرحمن الرحيم

بدون مقدمات انا كنت من متابعات هذا القسم من بدايه حملي انا عندي 3 اولاد الله يخليهم الصغير عمره 10سنوات

وماكنت مقررة الحمل مرة ثانية لاني عندي مشاكل صحية ومقررين لي عملية وكانت عمليتي في شهر رجب الي فات

طلع الجراح مسافر وبعدها بااسبوع اكتشفت اني حامل في البداية حفت والدكتورة زعلت وقالت لازم ننزل الجنين ورفضنا

والحمدلله مرت اشهر الحمل بسلام مع المواعيد اسبوعياً


في الاسبوع 38 قرروا تنويمي وتوليدي وتنومت يوم الأحد 26/3 والأثنين جتني طبيبة القلب وطبيبة التخدير

والمفروض يبدأون يعطوني الطلق ورفضوا الى صباح الثلاثاء

المهم الثلاثاء الفجر دخلت علي الممرضة ومعها لبس المستشفى انا من شفته :44: مغصني بطني

ورحت قسم الولادة ودخلوني وحدة المتابعة غرفة كبيرة فيها 4اسره وحطوني في الزاويه واعطوني تحميلة وقالوا

مفعوله 6ساعات وبداء الطلق بس خفيف الساعة 1 الظهر دخلت الدكتورة قالت مايحتاج تحميله ثانية فية طلق

قلت خفيف ورفضت المهم العصر كشفت طلع مفتوح 1سم انا تحطمت طلبتها تحط تحميلة وكمان رفضت

واجلس الى 11بالليل ونفسيتي زفت من الحالات الي تدخل ومحجوزة بزاويه حتى الحمام مشترك ولازم البس عباتي

اذا بااروح الحمام قعدت اصيح وتروح امي تهاوشهم قال لها واحد الدكتورة بتجيك بعد نص ساعة

تخيلوا جتني 4 الفجر وكشفت طلع الرحم مفتوح 1ونص سم قالت بااعطيك تحميلة 6 الصباح طبعا مافية طلق ابدا

الساعة 6 الصبح اعطتني تحميلة والله ماسوت شي مافية طلق

وانا بس اصيح تعبت نفسيا وجسديا لانوم ولا اكل وتجي ممرضة بريطانية وتشوفني اصيح كسرت خاطرها وتجيب لي

ملابس وادخل الحما اخذ دش ارتحت شوي

الظهر جتني دكتورة باكساتنية قالت بااحط لك تحميلة واهب في وجهها قلت هذي اخر تحميلة اخذها اذا مافتح الرحم سوا

لي عميلة وريحوني قالت بااكشف واشوف

وتكشف طلع 1ونص بسسسسسسسسسس قالت تتحملين اذا فتحت الرحم ؟؟؟؟؟؟؟؟؟؟؟؟؟؟؟

قلت سوي اي شي المهم اولد وتدخل يدها وتفتح الرحم بغيت اموت وتكشف بعد شوي وتلقاه 3سم قالت باادخلك كشك

الولادة انا فرحت وبداء الطلق الساعة 2 كشفت قالت 5سم وااااااااااااااااو موت طلق حااااااااااااار

4ونص العصر اعطوني ابرة الظهر والله رحمه من ربي وفتحوا لي موية الراس وركبوا الطلق الصناعي الي في

المغذي والساعة 7ونص قلت للقابلة حاسة بشي بيطلع وتشوف الا راس البيبي وتنادي الدكتور لان الدكتورة الباكستانية

خلصت مناوبتها ويجي هو والقابلة يطلبوني ادفع وانا مرهقه وتعبانه بس ربي يسرها الساعه 8 طلعت

احلى( جووووووووووووود )

انا ولدت في مستشفى الملك فيصل التخصصي طبعا السعوديات تعاملهم زفت الا مارحم ربي

طبعا دعيت لكل حامل ان ربي ييسر ولادتها


الحمدلله رب العالمين