قصة ولادتي

السلام عليكم 
كيفكم كروشات الله يهون عليكم وتولدون ولاده سهله طبيعيه بخير انتم والنونو
بالاول انا بكريه ومره خايفه من القيصريه اشوف بنات خوالي يتعذبون من القيصريه وخواتي ماشاء الله ماكنهم ولدوا لانهم طبيعي
انا لي بالعاشر 3ايام بس والدكتوره عطتني موعد اروح لها يوم الي حددت ولادتي فيه وقالت بنومك واعطيك طلق سفهتها ولا رجعت المهم يوم 3من العاشر توضيت وصليت ومافيني شي الا واشوف شي نزل مني كنه جلي كثير وثقيل لونه اخضر ع زيتي مع دم الله يكرمكم خفت ورحت للمستشفى قلت لهم نزل دم وماقلت لهم ع الاقرازات الا اصادف دكتورتي جت تولد وحده قيصري وقالت لازم انومك واعطيك طلق انا هنا خفت وجلست ماعاندت عطتني الطلق الساعه 9ونص الصبح ويديت امشي واذكر الله والالم يزيد يزيد يوم جا ع 3العصر قالت مفتوح 3سم وبعد ساعه صار 4قالت لازم افك المويا قلت لها لا قالت من دكتوره انتي ولا لا طبعا هذه مو دكتورتي دكتورة الطوارئ المهم فكت المويا وهو 5سم قامت تصارخ مشكله مشكله الجنين تبرز يالله قبصري وانا اقول لالا وابكي ماابي ونادوا دكتورتي وترجيتها وابوس يدينها خليني اولد طبيعي قالت بعطيك فرصه وقامت توسع وتقول لي اذا جا الالم دفي وادف وهي توسع طولت شوي قالت خلاص الجنين بيشرب موية برازه وانا ابكي اترجاها قالت مابيدي شي الراس كان قريب وراحت لزوجي وقع وشالوني قيصري وانا مقهوره مررره لو صبرت شوي ووسعتني وضغطت ع بطني كان ولدت بس يالله امر الله الحمد لله ع كل حال والله القيصري مووووت لاتقدرين تهتمين بطفلك والرضاعه صعب واشياء كثيره الله يكتب لي الاجر بس اه يبنات نااااار بصدري احسهم بس يفتحون ع بطوننا ع اتفه سبب يعني خلاص الراس بان وش باقي مااقول الا حسبي الله ونعم الوكيل ان شاء ماتذوق ن القيصريات والبكريه لاتخاف من الولاده انا تحملتها عشان ماابي بهذلة القيصري توكلن ع الله واصبرن دام كل شي تمام انا ماكان عندي اي وسيله اتصل بها ع زوجي اقوله لاتوقع وبالاخير ماعاد قدرت اتكلم ولا اتهاوش معهن ماحسيت الا وانا بالعمليات