قصة ولادتي ☺☺

قصة حملي وولادتي
تزوجت بشهر 6 وكان مره زوجي متحمس ع الحمل وبعد شهر رحنا وكشفنا قالت الدكتوره بدري عليكم
بس دام مستعجلين بنسوي تحاليل وكشف ونشوف وطلع عندي كسل في المبايض وعطتني حبوب بداية رمضان اخر رمضان جبت جهاز وحللت طلع سالب اليوم الثاني حللت بسرعه وطلعت قالي زوجي بشري قلت سالب وراح هو شاف الجهاز وطلع يناقز يقول والله فيه خط خفيف وجابه وطلع فيه رحنا المستشفى وحللنا طلع ايجابي
انبسط مره وانا كنت خايفه احس نفسي صغيره وبدري علي
المهم بشرنا الناس وجلسنا نستنى
الولاده
وكنت امشي بالشهر التاسع واشرب مسهالات وكملت التاسع وجاء يوم 18 قلت شكلها مطوله ابقوم وارتب بيتي ترتيب وتنظيف عميق لين متى التبطح والكسل وقمت المغرب وبديت بالشغل الساعه 9 ويبدا ينزل معي المويا باخر شغله بالبيت وكان زوجي بالحمام ودقيت عليه وقلتلله فيه شي ينزل ابي الحمامم
وطلع دخلت وانها مويا تصب ع رجولي تروشت ولبست ومشينا مستشفى الولاده وطلع مره زحمه
وحولنا ع مستشفى خااص وع ماخصلت الاوراق صارت الساعه 3 ورحت الخاص وكشفوا طلع نص سانتي مفتوح قالت فوق يلا تنويم
وطلعت وحطولي
اشياء كثيره تحميله وبيدي اشياء وجهاز التخطيط وبعدين حطولي قسطره من تحت
المهم وشويه شويه ويزيد الطلق
كنت ابموت منه
وجت الدكتوره تفحصني وطردتها وقلت لحد يلمسني خلاص ماابي كشف ابرجع البيت قالت كيف البيت مايصير وقالتلي تحملي شايفه ليش الضنا غالي عشانه مايجي الا بتعب قلت خلاص ابي عمليه قالت وايش اقول لوزارة الصحه بعدين اذا قالت ليش عمليه
قلت خلاص ماابي الجهاز ولاابي الابر خلاص ابمشي قالت ابكشف عليك وبعدين امشي وخليتها وطلع 3 قالت خلاص فكوها وقمت امشي شويه وماقدرت طبعا بغرفه لوحدي
بكريه ومامعي احد
كنت ابي اسويها لهم مفاجاءه قلت اني قويه وابتحمل واكيد انها شي بسيط وكل الحريم ولدوا
بس وقتها غيرت كلامي 😂😂
واتصلت ع امي وجتني وجت اختي معها ودخلوهم
وجت امي وتمشيني بالغصب وابكي واقول لا ويمسكوني ويمشوني بالغصب واقول يمه ابموت خلاص ابموت
مره كنت احزن واقولها انا تعبانه
ومسكت بطني ورجته وتحاول تدفه تحت وامشي وتقريبا ربع ساعه واشوف تحتي والا دم ينزل واقول دم يمه دم وتروح اختي وتناديهم وجت الدكتوره شافت قالت ولاده خلاص واخذوني
واخذت جوالي معي 😂☺✌🏿اهم شي
وحطوني بسرير الكشك وعطيت الممرضه جوالي


وحطولي اللمبه الكبيره زي اللي بالمسلسلات 🌝
ويلبسون كلهم
وربطوا رجولي كل وحده بجهه وتقولي دفي دفي اذا جت الطلقه لاتضيع ساعدينا دفي
حسيت نفسي بالحمام وفيه شي كبير مو راضي يطلع 🙈🙊😬🌚
المهم وتعصب علي الدكتوره دفي البيبي بيموت دفي وخفت
ودفيت ذيك الدفه وعطيتها ذيك الصرخه
وطلعت بنتي
وشفتها من بعيد
كانت 2 وخمس دقايق الظهر
وتقولي بقي شي قلت خلاص ماابغى ابنام
قالت بقي شي اسمه المشيمه
بسيط يلا دفي ساعديني ودفيت وطلعت ويجي واحد ويحطلي كمامه وكانت يده بارده
حسيت بقشعريره عشانه رجال ويمسك خدي لما يركب الكمامه
ونمت وصحوني الساعه ثلاثه ونص
وطلعوني من الكشك وانا مدري ايش سولي نظفوني ولبسوني لبس ثاني ومشطولي شعري
كان كشه وقت الطلق 🌝
وودني غرفتي بس مره كنت تعبانه مره وتجي امي تقول بنتك بالحضانه قلت ماابغاها
قالت طيب يلا كلي قلت ماابغى
وعصبت مني قلتلها ابموت يمه ابموت😂🏃🏻🌝
قالت موتي بتلقين امي قدامك 🌚
قلت طيب خلاص اباكل وكلوني وتجي وتوكلني وتشربني
وبعدها قمت لبست ملابسي وتروشت وجاء زوجي لما جاء حب راسي وجلست ابكي ويقولقلتله تعبوني مره وكله منك وامي واختي واخوي يطالعون فينا 🙈☺استحيت مره منهم وحب راسي مره ثانيه قال سلامتك متشوفين شر وخلاص اخر مره 🤔
وقام وطلع عشان يطلع البنت من الحضانه لازم المولود يستلمه ابوه ماجابوها لي
وطلع ورجعت ابكي اقول يمه ابمووت انا تعبانه حتي تجيني الممرضه اقولها سستر انا تعبانه والله تعبانه وتمسح ع راسي بعدين جابتلي هديه شكلي حزنتها😂😂😂🌚
وامي قالت يلا بنرجع البيت عشان اهل زوجي بيجون قلت طيب قالت اجيك بالليل
وراحت شويه وتجي عمتي ام زوجي واقولها انا تعبانه كله من ولدك خلاص زوجوه خلاص


وتضحك وتقول طيب ☺😂
وتجي الممرضه وتعطيني مسكن ابره وارتاح من الالم هو كله الم الخياطه والشق
وشويه ويجيبون بنتي اول مره اشوفها وزوجي دخل معهم واخذها وع طول لا اراديا ودموع كنها مطر ويشوفني زوجي وحتى هو بكى وطلع من الغرفه
وبس ☺🌝😢ذي كل القصه وبعدين بدت الزيارات والناس جوني وطلعت واليوم لي شهر ونص مع بنت