قصة ولادتي

اخيرا الحمدالله ولدت

وجبت ولد زي القمر أكيد على امة الحمدالله حمدا كثيرا

بدا أ الساعة عشر صباحا يوم الاحد ينزل معي افراز لونه احمر فاااتح وصراحة خفت بس قمت اهدي نفسي وماكنت احس بطلوق ذاك الوقت فقمت امشي وادعي وشربت مويه قاريه فيها الادعيه تبع الولادة وشربت كوب كمون وقرفة وامشي وبعدين حاولت انوم وماقدرت كلمت زوجي وجاء من الدوام بدات الطلوق تزيد اسفل ظهري انتظرت حتى الساعة 2 ونص الظهر والدم صار كثير مثل الدوره رحت المستشفى الملك فهد للحرس الوطني ودخلوني على التقييم

لقوني مفتوحة 3سم والطلق يزيد ونبض الجنين يضعف وانا خايفة ويوم قلت ابي اروح الحمااااااااااااااااااام قالت الدكتورة ممكن ولادة وفحصت لقته 8سم نقلوني لغرفة الولادة والم ظهري يزيد مره وعطوني اكسجين مره حلو يدوخ بس الدكتورة تقولي يالله نعمل قيصريه عشان نبض الجنين وانا اقووول لا خلاص يوم وصلت 8 قالت لازم ناديت زوجي وشافني بحاله تكسر الخاطر يوم جاء قمت اصيح واقول خايفة من القيصريه شجعني وودوني لغرفة العمليات واقول بسرعة عطونب البنج لان الطلق يزيد بعدين صحيت لقيت نفسي والدة واحس بثقل في بطني ودااايخة وجاء زوجي وتطمن علي بس ماشفت البيبي الا الساعة 2 الليل وصحيت من العمليه الساعة تسع والحمدالله على كل حال وسميته عبدالملك بس هو تعبان شوي بكرة بروح المستشفى نعمل اشعة ادعو له مايكون فيه شئ هم مشتبهين ان كليته فيها شوي تضخم ان شاء الله يكون بسيط

وعقبال كل الحوامل الولادة السهلة الميسره الطبيعية ويشوفون اطفالهم بصحة وعااااااااااااااااااااااافيه ياأكرم الاكرمين ويرزق كل محرومه