آه .. اللهم لك الحمد ..
انا البكريه الي كلمتكم السبت الصباح قبل دخولي غرفة الولادة بساعتين.. وقلت تكفون ادعوا لي..
ولدت يوم السبت 4/6
رحت الأطباء المتحدون موعد ولادتي الي حددته الدكتوره ب 1- طلق صناعي الساعه 8 الصباح
والطلق ما حمي الى العصر
اخذت 2- ابرة الظهر لأن الدكتورة قالت لي ان ماعندي قدرة على تحمل الألم ..
المهم انا لاحظت بالاجهزة اضطراب دقات قلب البيبي فديت قلبه وروحه.. فقلت لأمي تنادي السستر ونادتها ..خافت :32:ولمت حوالي السسترات وجات الدكتورة ودكتورتي حنان.. وقالت لي الدكتورة لازمى نفتح المويه عشان نشوف اذا لونها اخضر معناها خطر على حياة البيبي وفعلا كان الي في بالها
المهم نقلتني غرفة العمليات وانا انهيار عصبي وبكى فضييييع :06:
والدكتوره حنان تقرا عليه وتقول اقري ورايه.. ودخلت الغرفه وهي تشجعني وتقولاصلا في بنات صغار زيك يجوني يطلبون العملييه عشان ازواجهم ينبسطون معاهم..(هي بعالم وانا بعالم)انا خايفة عالبيبي..وهي..هههههه
المهم دخلت غرفة العمليات وهي برضو تشجعني وتقول الحين ماراح نعطيك بنج لأن ابرة الظهر تكفي .. راح تشوفي البيبي وهو يطلع كأنك ولدت طبيعي..
المهم حطوا لي الستارة على بطني.. وقلت للدكتورة وانا ابكي(كويس اني تذكرت) قلت لها ترى انا احس شويه ببطني وارجولي احس ان ابرة الظهر مانفعت معايا
فعشان تصدقني الدكتوره كبت مويه باردة على بطني وقالت اش تحسين قلت لها احس بمويه باااااردة على بطني.. قامت عملت لي اختبار ثاني وقلت لها احس ابره تتحرك على بطني.ز فتأكدت اني صح.. وعلى طول اعطتني 3- بنج كامل
صحيت واناابكي واقول كيف ولدي حي او لا بخير اولا .. وامي تفتح جوالها عشان اشوف صورته وتقولي شوفي ولدك ماشاء الله بخير.. بعدين اقول : الحمد لله وادخل تحت تاثير البنج بنوووومه واصحى على نفس الموال وامي مسكينه بجوالها عند راسي
وياليل ماطولك..آخر شي ما صحصحت الى وزوجي عندي بعدها جابوا لي ولدي:04: حبيب قلبي
اول ماشفته قلت لزوجي : يالله فمه يشبه فمك
قالي : وعيونه نفس عيونك
ولمى شفنا خشمه الأفطس قلنا : خشمه نفس خشم آسيا >>>>>الشغالة
ههههههههههههههههههه
اللهم لك الحمد حتى ترضى
صدق الولاده هم وتعب وكرب عظيم.. والأمومة مسؤولية كبيييره:39:
~عيون الريم~ @aayon_alrym_11
عضوة نشيطة
يلزم عليك تسجيل الدخول أولًا لكتابة تعليق.
آميره بدنياي
•
الحمدلله على سلامتك ومبروك البيبي
الصفحة الأخيرة