قصة ولادتي + أسباب التسهيل ولله الحمد والمنه

بسم الله الرحمن الرحيم



اللهم لك الحمد حتى ترضى ولك الحمد إذا رضيت ولك الحمد بعد الرضا


ولدت بتاريخ 4 رمضان وجبت ولد يدنن بسم الله عليه

بالأول كان التاريخ المحدد لولادتي 3 رمضان وطبعا بكريه ولا ادري عن علامات الولاده ( طبعا الي يجرب غير الي يسمع ) كثير كنت اسمع اذا صار كذا وكذا معناها ولاده وكل ماحسيت شي لو خفيف قلت ولاده ليما مليت

المهم جا يوم ولادتي ولا فيه اي جديد وقلت شكله مافيه ولاده وشكلي بعوشر واشبع عوشره وشلت الولاده من راسي

ودبكت لكم دبكه ذاك الليل نقزت البيت لا وعلى اناشيد الثوره السوريه حمسوني بدبكتهم

ونمت ذاك اليوم بعد صلاة الفجر وصحيت الساعه 8 الصبح على ألم بالظهر زي كل يوم بس اقوى شوي لكن ماتوقعت فيه ولاده المهم طار النوم وقمت تهاوشت مع اختي شوي < القصه بذمه وضمير

وقلت خلني اقوم اجهز اغراضي دامني فاضيه يمكن تجي الولاده مين يدري ؟؟

بعد شوي الا ينزل دم يوم شفته عرفت أن الولاده جت رغم اني ماحسيت بشي الا اني طقيتها بكوه من الخوف والرهبه

ولاني من أول ماعطيت نفسي مجال افكر في طريقة الولاده أو الم الولاده كل ذا خليتها لوقته


واروح ركض لامي وابكي واعلمها قالت يالله جهزي وامشي للمستشفى وبدا الألم يشد علي وتقريبا الساعه 10 وانا بالمستشفى

كشفت علي قالت 1 سم يالله روحي بيتكم ورحت وفيني تعب بس محتمل


وجلست ساعه فالبيت وكل ماله الألم يزيد صح كان قوي بس مازال محتمل << كل شي صار عندي محتمل بعد الطلق الحقيقي

المهم ساعه ورجعت للمستشفى وتضحك علي حقة الطوارئ تقول ترى الي تحسينه ولا شي والولاده ياماما مو كذا انتي يبي لك ساعتين ونص لكل سم والبكريه تطول ومدري وشو وانا الي انخرع يعني كم يبي لي وانا اتحمل هالألم لا وبعد للحين ماشفت شي
ورجعتني للبيت وكانت الساعه 1 الظهر



واروح احط لي فراش بالمجلس عشان مااخرع خواتي مسكينات يتعقدون من الولاده

واقعد على فراشي ابكي واتلوى واصارخ خلاااااص بدا الطلق الحقيقي :icon36:

والحمد لله الله الهمني اذكره وادعي

وتذكرت طريقة التنفس وأقعد اتنفس شهييق من الأنف عمييييييييييق وزفير من الفم وسويته المهم الطرريقه الي بالنت تقول الزفير بطيييييييئ لكن انا والله كنت اسوي شهيق وزفير ورا بعض ورا بعض بس مو سريع مره


المهم هذي الطرييقه خففت علي الم الطلق بالذات لما تشتدد الطلقه كأني كنت اجاريها واتحداها وكنت أغلبها


وعلى هالحال


واخواني واخواتي صاحيين وساكتين وكل شوي يطل علي واحد منهم وكلهم محزنين علي<< اول وحده تولد فالعائله :love:

وكان معي حلتيته من تجارب بنات هينا جبتها وقعدت اشممممممها من قلب


وسوت لي امي كوب كف مريم وشربته


وخلااااااااااااااص وصلت حدي من الألم

ورجعت للمستشفى على الساعه 4 العصر


وكشفت علي الا 5 سم :love: ويالله ركض على غرفة الولاده اول مادخلوني الا تجي دكتوره ثانيه تكشف اسمعها تقول سفن يعني 7 << لا والله ياشيخه

وبعد كم دقيقه يجي دكتور يكشف الا يقول 9 ( اول كنت اقول مستحيل اخلي دكتور يولدني ومدري وشو ومستحيل اخلي احد يدخل يده وكل هالعلوم خرطي بس يجي وقت والولاده تنسين كل شي يوم شفت الدكتور بغيت احب على راسه بس هو يخلصني )

ويالله يبدا التشجيع يالله يالله دوفي دووووفي يالله كمان كمان يالله يالله ليكوووو طلع يالله يالله شدي

وانا اتعصر واتعصررررر والكمامه على وجهي وانا اشد بذيك الدفه قلت والله مااوقف لين يطلع واشد وامغط الدكتوره تطالع بوجهي شكلها انخرعت من عيوني الي بغت تنط من راسي

ويالله يالله الا اشوف وليدي شايلينه بالمقلوب وتقعد الممرضه تدلدله قدام عيوني كنه بتسوي لي تنويم مغناطيسي يالله مدام ايش بيبي يالله قول ؟؟ قلت وانا فاااااااقده ولد وحطته على بطني وانا اقوم وابكي دموع الفرح واقول ياحبيبي قال الدكتوره مو هسا مو هسا وانا زي الي اغيب عن الوعي أصلا سبحان الله كنت اغيب بس مو اغماء مدري كيف من التعب والسهر والجوع لا وكنت صايمه بعد بس احيان بعض الاجزاء من ولادتي كانت زي الحلم اتذكرها بس ناسيه المها سبحان الله زي طلوع الراس اتذكره واتذكر يوم كنت ادف بس نسيت ألمه زي الحلم


المهم ياخذون وليدي وتروح امي معه


وقعدت الدكتوره تنظف الرحم من داخل وخيطتني ونمت في سبات عميييييييييييق وهي تخيط وعلى كلامها سوت لي تجميلي وانا مااعرف التجميلي من غيره

وكانت ولادتي الساعه 6 ونص المغرب الحمد لله ماطولت ساعتين من وصلتهم على ماحضروني للولاده على ماولدت


وتوته توته خلصت الحدوته



الزبده ,,,الي خفف علي الطلق التنفس والدعاء

الي فتح الرحم بسرعه ,,, الحلتيته , كف مريم

وكلها بيد رب العالمين


اي سؤال ياحلوين انا حاضره