السلام عليكم
بنات طبعا هذي أول ولادة لي بكرية....للحين مصدومة ما توقعت الطلق يموت خصوصا انه كان صناعي ..
عسى الله يسهل على الجميع ولادتهم ....
وهذي تفاصيل القصة....
كان يوم الأربعاء 2010\5\12 عندي موعد بالمستشفى رحت أول شئ دخلت أسوي السونار ...دخلت غرفة السونار.. وبدأ الدكتور يشتغل عادي ....الا ينط ويقول: ؟أنتي نزلت عليكي حاقة ..قلت: لا ليش ؟ قال: مية الجنين قوليلة <<ماي الجنين قليل ...ولازم أكتب للدكتورة تقرير عشانش تشوف معاكي حل .
طلعت من غرفة السونار عادي مطنشة على نياتي ما أعرف شئ أفكر السالفة سهلة ....قعدت بالانتظار ونادوا اسمي ودخلت على الدكتورة ..وعطيتها ورقة السونار ...الا تقول :اوف موية الجنين قليلة نسبتها 4 من 10 <<لسه مطنشة على بالي أروح اشرب جيك ماي وتزيد نسبتها:2thmup: .....إلا فجاءة بين وسط كلام كثير قالت :أنتي راح تولدين بكرة بطلق صناعي...أنا:هاااااااااه :surprised شهقت من الصدمة ...وعلى طول يلبسوني اسوارة المستشفى ....وطلعت الدكتورة اوراق عشان الدخول ....وقالت:وقعوا على الورق وترى على فكرة في نسبة 20% تولدين قيصري وهذي أوراقها ..بس زوجي رفض يوقع ..يخاف يتساهلون ويولدوني قيصري...المهم الدكتورة عطتني اكبر غرفة بالقسم تقول لانك داخلة بدون رضاك ...وقلت أنا:أبي عشاء لأني ما تغديت ..الدكتورة:خلاص أخليهم يصلحون لك عشاء مرتب وحلو .
المهم شلت قشي وخذتني الممرضة بشنطتها عشان تسويلي اجراءات الدخول ..وأنا مفهية أي أحد يكلمني ما أستوعب قاعدة أفكر شبيصير بكرة بولد ولا لا ؟؟.....عاد طول الوقت أرتجف موب عارفة فاصلة ...المهم رقينا على الغرفة ودخلتها ماشاءالله كبيرة وحلوة كشخة ....حطيت عباتي وعلى طول حطولي التخطيط حق الجنين ...وزوجي قال بيروح يتعشى ببيت أهله ويقولهم مره وحدة اني بولد ...وانا دقيت على امي قلت لها ...طبعا تخرعت ....قالت:لا تخافين وخلي القران يمك ..انا:لا عادي موب خايفة <<<إلا ميته خوف مسويه شجاعة.:08:
المهم وجبة العشاء ....ما جابوها الا بالموت ماادري مين قالهم ان الاكل ممنوع عني ....تعشيت الحمدلله مكرونة وشوربة :2thmup:.
بعدين نمت وزوجي نام على الكنب مسكين....
جات 5:00 الفجر ..بسم الله ينفتح الباب وتشتغل اللمبات ....الا الدكتورة مع شلتها الممرضات ومعاها صحن اغراض ...المهم قالت بقيس الرحم كم فاتح يلا خذي نفس ....واخذ نفس وطلع واحد سم ...وتدخل تحميلة الطلق
أنا كنت أفكر على الساعه 12:00 الظهر بولد ...مادريت انه السالفة مطولة ....بدأ الطلق يشتغل وعادي ساكته ماأصرخ ....ظليت لين 8 الصبح ساكته مثل الحمل الوديع:04: .. وفجأة تدخل دكتورة ثانية وتقول يلا بقيس الرحم قلت يلا ...وتدخل يدها اخ دفشةةةةة خلتني أصارخ ...وقالت 2 سم و طلعت ...وأول ما طلعت على طول قمت أصيح وأصارخ زي المجنونة:06: ..وزوجي يقولي شفيج أقولة :الشرررريرة عورتني ..كل هالمدة بس انفتح زيادة 1 سم أجل كم يبيلي عشان أولد ...المهم رجعت الدكتورة بعد كم ساعة و طلعت قفازاتها عاد انا هالمرة حقدت عليها وسحبت يدها واهيا تصارخ تقولي: عييييييييييب ما بيعملوا الناس هيك <<والله مسكتها غصبا عني ..المهم قالت 3 سم <<قلت لها: مطولين قالت: ايه كل ساعة بيفتح واحد سم ...قلت :أنا أشوف كل 4 ساعات يفتح 1سم ...عطيني ابرة ظهر لو سمحتي:rolleyes: ...قالت لازم يفتح 5 سم ...قلت لها معليه ننطر لين يفتح بس ابيها بس بكم سعرها قالت:650 ريال ...بس للأسف زوجي كان رافض ..واهيا الدكتورة لعبت عليه ما جابتها كلما سألتها تقول التحاليل تاخذ وقت ..قالت:لازم تاخذين جرعة طلق ثانية عشان بسرعة تولدين وتعطيني اياها ..وانا اصارخ واصيح وزوجي يتفرج عليه هههههه..:arb:
.المهم جات الدكتورة بعد كم ساعة وقاسته صار 4 سم ...وكملت لين جات صلاة المغرب وانا اطلق يعني 13 ساعة تقريبا ...وقاسته وطلع 4 سم نفس الشئ ...وطلعت ...بعد ساعة جاوا الممرضات وحطوني في كرسي وقالوا يلا غرفة ولادةةة ..<<أفكر بروح هناك بولد ما كنت أدري شبيصير .....لحقني زوجي الين باب غرف الولادة و دخلت لحالي ....نقزت الدكتورة الشريرة من جديد:30: وقالت :هيدي أخر محاولة للألك ..بدنا نعطيكي ابرة طلق بالوريد وبدنا نفجر مية الجنين...ودخلت غرفة الولادة وشبكوني بالطلق مع الاجهزة ..وجات فجرت موية الجنين وقاسته كان 4 سم وكانت الساعة 7 ..المهم ابرة الطلق هذي قوية جدا والمفروض يفتح الرحم معاها بسرعة ....ظليت لين الساعة 10 الليل وجات دكتورة ثانية وقاست الرحم وكان 4 سم ..وطلعت راحت تدور زوجي عشان يوقع على العملية ....زوجي من الصدمة دخل على غرفة الولادة يصيح يقول بيسوون لك قيصرية قلت له عادي خير البر عاجله :icon18:....وينادون الدكتورة حقتي وتجي تقول بنقيس الرحم اخر مرة وانا اقول لالالالالا كفاية جننتوني كل من جا يبي يقيس ..المهم مشى كلامها اهيا وقاست وطلع 4 سم ....وقالت لزوجي خلاص الامل ضعيف ما تقدر تولد طبيعي بنوقف الطلق ...البيبي بدأ يتضايق ....ووقع زوجي على العملية ..وجاء دكتور التخدير وقعد يسأل كم سؤال ....وطلع ...وجابوا السرير وحطوني عليه ودخلت غرفة العمليات وانا اصارخ من الطلق مفعوله قوي....بس خدروني وانحولت عيوني ولا دريت شصار ....صحيت بغرفة الافاقة....وقلت :::ابي مسكن ...الا تنط ممرضىة هندية تقول :الهين في مسكن<<الحين في مسكن ....وبس رحت على غرفتي ونمت ..ما شفت ولدي مسكين ..بس اهم شئ كان بصحة ..
ولدت بالاسبوع 39 وكان وزن النونو 2900 جم ....
اليوم الثاني جات الدكتورة تشوفني ...قالت : الحوض عندك صغيررررر ...وعنق الرحم انهلك من الطلق وصار رقيق .المرة الجاية ما راح نخليك تطولين بالطلق يمكن ينفجر الرحم <<<يمة خفتتتتتتتتت . ..لاني ظليت أطلق 17 ساعة ..
وبعد ثلاث ايام طلعت من المستشفى وعطوني كيكة كبيرة <<يراضوني هههههه
بالنسبة للقيصرية كانت اوكيه ما تعبتني واجد اسبوع واحد وصرت غزال والشر زال ما شاءالله ....
طبعا الدكتورة مسويه قيصرية تجميلية من غير خيوط ....وألمها محتمل ....وبس
ادعوووولي تتسهل عليه المرة الجاية ...
خلصت القصة ...*****الله استمتعتوا
سلاامو
(Elaph) @elaph_1
عضوة نشيطة
يلزم عليك تسجيل الدخول أولًا لكتابة تعليق.
naoumah
•
الحمد لله على السلامه والف مبروك
الحمدالله على السلامه
ويتربي بعزكم
انا ولدت بالاسبوع 37 قيصري عشان ارتفاع الضغط
ويتربي بعزكم
انا ولدت بالاسبوع 37 قيصري عشان ارتفاع الضغط
الحمدلله على سلامتك
والله العالم انا متوجهه قيصري على فولة الدكتوره
بس ماقلتي لي باي مستشفى ولدتي؟!!
والله العالم انا متوجهه قيصري على فولة الدكتوره
بس ماقلتي لي باي مستشفى ولدتي؟!!
الصفحة الأخيرة