نفيش بالعسل @nfysh_balaasl
عضوة جديدة
قصة ولادتي اختكم ((نفيش بالعسل))
الحمدلله تمت ولادتي في تاريح 10 يناير بطلق صناعي مع ان موعد ولادتي لازم تكون تاريخ 13 يناير وسوت لي دكتورتي تحريض وتوسعة وتوسعت 2 سانتي رحت للمستشفى يومين واهم يجربون فيني تحميلة ورا تحميلة وما صار لي اي الم في اليوم الثاني حطو ليي تحميلة الظهر ولا حسيت بشي وخلاص فقدت الامل وقعدت ابكي واقول لزوجي تعبت ابغى اروح البيت تعبت من المستشفى واتصل في امي لبغى اروح البيت وكان زوجي مداوم في نفس المستشفى اللي ولدت فيه دكتور عندهم وكان يداوم وينام عندي في الغرفة نفس الليلة الساعه 11 استأذن زوجي واخذني شوي نتمشى عشان اغير جو رحنة خذنة عشى واكلنه انا اكلت شوي بس كنت مو مشتهية وكان فيني اللم بس بسييط نفس الدورة ما توقعتة طللق وانا بكرية ما عرف شي رجعنه العرفة زوجي نام وانا قعدت اتقلب واتقلب الي الساعة 2 وبعدين رحت الحمام حسيت برطوبة وماي بس قلت يمكن عادي كنت احس ابضيق وحزينة طلعت من الغرفة ونمت جنب زوجي كنت تعبانة نفسيين وانا بقوم برد لمكاني حسيت بالماي يطلع زوجي كلم السسترات وجابو جهاز الطلق وجافو في طلق ونزلوني على العمليات حطوني على سرير وغيرو لبسي ونزلت الطابق الثاني زوجي لبس بدلته عشان يعرفوه انه يشتغل في المستشفى لانه ممنوع دخول مرافق وخلو يدخل ونوموني على السرير وبدو يحطو لي الطلق الصناعي ويقيسون عنق الرحم وانا ماسكة زوجي لا تتركني وصادني اسهال واستفراغ ورحت الحمام وكنت خايفة ما اعرف شنو بيصير فيني وكان زوجي تعبان من اللدوام مو نايم وعرفو انه مو لازم يدحل العمليات فطلعوه من عندي راح يصلي الفجر وما كنت رايده يتركتني وانا خايفة بروحي جات الدكتورة وفكت كيس الماي وزاد الطلق والالم وانا ما كنت نايمة وتعبانة حطو لي منوم عل وعسى يخف الالم وانام بس ما نمت وجذي لي الساعه 10 و 11 دكتورة تدخل ودكتورة تطلع وتقيس عنق الرحم الي ما وصلت 5 سانتي جا زوجي وانا ابكي لا تتركني وماسكة ايده والح على زوجي ابغى الابره الظهر وابغي اروح الحمام حطو لي الغسطرة وكنت استفرغ من الخوف واحس اببرد زوجي راح يصلي ورجع جافت دكتورة هندية انه الراس ما ينزل مع اني وصلت 7 سانتي وانا تعبانة من الالم تخيلو بعد 7 سانتي وما بقى قالو النبض يقل ولازم قيصيري ووقع زوجي ووقعت على العملية وانا خايفة علي جنيني زوجي راح الغرفة وقال اني دخلت الحمام وكنت ابكي موو مصدق انك بيسسو لك عملية واهم ياخدوني للعمليات ورحت فوق معي 4 دكاترة و5 ممرضات وممرضة تعرف زوجي قعدت تقرا علي وشوي شوي جافو عنق الرحم يتوسع وصلت 9 و10 زيدو الطلق وعصرت بكل ما عندي من قوة وما مره ومرتين وتوسعت وطلع الراس وانا اعصر سو لي تةسعة بالمقص واستخدمة الشفاطة وطلعو الراس والحمدلله الف شكرلك يا رب ولدت طبيعي في غرفة العمليات القيصرية الحمدلله رب العالمين الف شكر لك يا رب ولدت الساعه 4 وعشرة دقائق عصرا بعد الم دام 12 ساعة الحمدلله رب العالمين ربي رزقني بمحمد الله يخليه لي وزوجي خبر اهلي واهلي وعيونه فايضة دموع مو مصدق انه ما سوو لي عملية الحين انا في بيت امي وولدي عمره 10 ايام حاسة بتعب وضيق ونفسيتي تعبانه وابكي لما ولدي يبكي لانه حليبي ما يشبعه ومو حابه اعطيه الصناعي لكني مجبره احس اني ما استحق اكون ام بس الالحمدلله ادعو لي بنات ربي يملي حليبي في صدري واشبع ولدي اتمنى لكم التوفيق وشكرن لكل من قرت قصتي.
38
3K
يلزم عليك تسجيل الدخول أولًا لكتابة تعليق.
اول شي الحمدلله على سلامتك وسلامه حمودي والف مبروووووك ماجاك
والضيقه شي طبيعي تجي بها الفتره من النفاس بس انتي حاولي تطلعي نفس من هالجو
وصدقيني الحليب مع الرضاعه يزيد..عشان كذا وسعي صدرك واستمتعي بهالحظات الحلوه
والضيقه شي طبيعي تجي بها الفتره من النفاس بس انتي حاولي تطلعي نفس من هالجو
وصدقيني الحليب مع الرضاعه يزيد..عشان كذا وسعي صدرك واستمتعي بهالحظات الحلوه
الصفحة الأخيرة
ومبروك ماجاك
والحمدالله الى ربى خلصك على خير دون عمليه
اسمك عجزت انطقه
اعكسه
عشل بالنفيس
هههههههه
لا تبكين وامسحى ددموعك
انتى ام واحلى ام
ورضعى النونو
المص يزيد الحليب
موفقه خير ياماما