بسم الله نبدأ
من اولها كان موعد ولادتي 2014/11/10
يومها كان يوم سبت صحيت الصبح بدون اي وجع زوجي الحنون خاف لأنه سلفي حكاله خدها ع المشفى بلاش يتأخر ف بطنها ويتشوه البيبي هههه رحت المشفى وفحصوني داخلي توجعت شوي بس مو متل ما حكولي أنه بموت وأصعب من الولادة لا لا اهم شي الاسترخاء وما نشد ع حالنا المهم مالكم بالطويلة حكت الممرضة ما في توسع بدك شي أسبوع روحت عند امي كملت يومي وبلشت أحس بوجع خفيف بشبه وجع الدورة وصار يزيد الوجع لكنه محتمل المهم وليلتها ما نمت من الوجع وصرت احسب الوقت إجت الناعوسة ع ال7 الصبح نمت وصحيت ع ال10 امي الله يحفظها فطرتني وتحممت ورنيت ع زوجي اجا اخدني المشفى الساعة 12 فحصتني نفس القابلة حكت توسع 1سم وبهدلتني قالت مو كل شوي تنطي بوجهي بدك شي 10 ايام أنا سمعت هيك وتعبت نفسيتي روحنا نمت الساعة 5 طبعا مع وجع ونكد من كلام القابلة ومو قادرة اتحمل الوجع رنيت ع زوجي وما رد علي بناء ع حكي القابلة عصبت .حكيت لأمي انا رايحة مشي مو قادرة استنى مشيت شوي الا امي وراي وحاملة اغراضي واجا زوجي ورحنا كان متغير الشيفت فحصوني كان 4 سم وبعدها عملولي فحوصات ودخلت غرفة الولادة الساعة 11 ع الساعة 1و4 دقائق نزل علاء ونسيت الوجع .نسيت الدنيا كلها وفرحت اكتر لما طلعت ولقيت أهلي و حماتي وسلافي بالانتظار طولت عليكم سامحوني استنوني بقصة ولادتي التانية
سمرة وعيوني عسلية @smr_oaayony_aasly
عضوة جديدة
يلزم عليك تسجيل الدخول أولًا لكتابة تعليق.
🌺baby face 🌺
•
الحمد لله على سلامتك عن جد كل الالم ينتسى بس تسمعي صوت طفلك وتشوفي وجهه الحلو .
الحمدلله على سلامتك وسلامة علاءالحمدلله على سلامتك وسلامة علاء
الله يسلمك
1414 :
الحمدلله على سلامتك 🌸🌸 احلا لحظه شوفة البيبيالحمدلله على سلامتك 🌸🌸 احلا لحظه شوفة البيبي
الله يسلمك
الصفحة الأخيرة