السلام عليكم ورحمة الله وبركاته..
انا رجعتلكم بقصة ولادتي ابدا..
انا بكريه اول طفل لي وشهري تاسع ينتهي بتاريخ 16/06/2012طبعا انا خلصت تاسع وخذيت من العاشر عشر ايام عوشرت يعني :06: وكنت اعالج بمستشفى ارامكو الظهران كان ممتاز جداااااااااااااااا المشكله الوحيدة ان الغرفة مشتركة فقط ..
كان موعدي يوم السبت لما دخلت على دكتور سالني في طلق قلت اية بس يروح ويجي المهم قال يالله بكشف على الرحم اشوف كم سانتي لما كشف ولا سانتي :angry2: انا هنا دنيا قفلت بوجهي دخلت العاشر ولا سانتي انهرت فقال الدكتور خلاص مقدر اخليك طولين اكثر من كذا بعطيك مهله بكرا اذا مافي شي تنويم بعد بكرة الاثنين مر الاحد ولا شي بس الالم تروح وتجي ..
جاء يوم الاثنين :(
رحت الصباح انا وزوجي ساعة 8 طبعا خلصو الاجراءت ودخلوني قسم الولادة بغرفة الطلق طبعا غرفة الطلق غير عن غرفة الولادة ..
دخلت ولبست لبس المستشفى وبعدها جاتني الممرضة وقالت الحين راح احط لك تحميلة ولها خيط بيكون نازل تشوفينه طبعا علشان نسحبها اليوم ثاني انا كل هذا جديد مادري وش سالفه بس يكفي الخوف اللي فيني والصياح فادخلت تحميله وكانت مولمة جدآآآآآ ..
جاء دكتوري هو سعودي استشاري اسمة خالد الزهراني مررررررررررررة ممتاز ..
قالي مدة تحميلة 24 ساعة بعدها نشيلها ونشوف رحم كم سانتي فتح ..
وجلست الظهر وجابو غداء لي وانا ولاالم ولاشي وناس تدخل وتطلق وانا جالسه مااحس بشي احبااااط مو طبيعي :icon36: وجلست الين ساعه 3 الفجر اليوم ثاني جاني الم خفيف وبعدها اختفى :icon36: وجاء الصباح ساعه 10 قالو خلاص بنشيل تحميلة وشالوها وقاسو الرحم ولاسانتي فتح احبباط مو طبيعي بس رحم صار لين ..
بعدها جا دكتور وقالي خلاص بنوديك غرفة الولادة نعطيك طلق صناعي بالمغذي راح بتكونين الحالك غرفة خاصة بس معك مرافق زوجك هنا يوم حسيت بالجد جلست اصيح وزوجي يهديني مافي فايدة ..
دخلت غرفة الولادة وجلست على سرير وجاني دكتور التخدير وسالني اذا ابي ابرة ظهر وافقت من الخوف قلت مابي احس بشي انا خوافة وجلست ابكي فقال لاتخافي مراح تحسي بشي ..
عطاني ابرة الظهر وحطو المغذي وعطوني طلق هذا ساعة 4 بعد ماعطوني بساعة بديت ادوخ واحس بالالم تروح وتجي اليين ساعة 8 شافو الرحم وطلع فتح معي 3 سانتي تعذبت مرررررة وصارت الالم تروح وتجي وجلست الين ساعة 2وقاسو الرحم صار 5 هنا خلاص تحطمت طبعا مايت الراس مانفتحت فجاني دكتور اجنبي وقال لازم نفتح مايت الراس هنا جلست اصارخ وابكي ويمسكني زوجي والممرضات وفتحو مويت الراس بعدها حلست 5 ساعات الااحس الممرضات جالسين يقولون لي بوووش بوووش انا مااحس احاول ادفع بس موقادرة لان يغمى علي وقت الدفع سبحان الله ربي سهلها الا البيبي طالع بعدها على طوول حسيت بااحساس غريب كان دخلت بداخلي روووووووح جديدة احساس لاينسى والحمدلله خيطوني وبعدها طلعوني للغرفة كان يوم الاربعاء ساعة 8 صباح 27/6/2012 ثالث يوم ولدت :33:
نصيحة لكل اخت مقبلة على الولادة انا انسانة خوافة لدرجة لاتوصف والولادة كانت سهلة والالمها تروح وتجي بس والله هي كلها تساهيل من ربي اتوكلو على الله وهي تتسهل ..
nooony heart @nooony_heart
عضوة جديدة
يلزم عليك تسجيل الدخول أولًا لكتابة تعليق.
متجر هاجر
•
ما شاء الله مبروك ما جاك ... :)
حمدلله ع سلامتكـ ,,, ومبروكـ مـآ جآكـ ...
والله يسهل ولادتي ... آنآ ميته خوف لاني زيكـ بكريه ,,,
والله يسهل ولادتي ... آنآ ميته خوف لاني زيكـ بكريه ,,,
الصفحة الأخيرة