قصة ولادتي الجميلة

عزيزاتي عدت لأكتب لكن عن ما عانيته بسبب الولادة ....
طبعا لما دخلت الشهر التاسع كنت متوقعة أولد من أوله وبلشت أمشي وبنصه صرت أشرب قرفة وأكل تمر وأدل امشي لما انهد حيلي وطبعا انا طول الحمل كنت امشي واتحرك كثير ...
دخلت شهري ب 13/7 وكان أخر موعد 13/8 ... وبلشت التعب يزيد ويزيد وأنا لسه بداومي ومو قادر أخذ إجازة عشان اكسبها بعد الولادة ... ويوم 6/8 كان أخر يوم دوام عندي بعديها تعبت كثير ومو قادري لا أنام ولا أجلس أدل رايحة جاي وكنت خايفة أروح عند الدكتور عشان يعملي فحص داخلي ولما اتعبت كثير وزهئت من الإنتظار روحت وأه على الوجع إلي شفته ... :icon33: ما بقدر أوصفه ... حكالي عندك توسع 3 سم وشوي .. بس ما بدي أدخلك المستشفى هلا خليكي لحد ما يجيك وجع وبتراجعني بعد أسبوع ... ودليك امشي ...وامشي وامشي وما في فايدة وبالأخر نزلت مية الراس بس على مراحل والدكتور حكالي ما تروح المستشفى بس دلت المية تنزل ويوم 10/8 خلصت إلبست وبدي اروح الدوام ماخذة إجازة وما ولدت .. رجعت المية نزلت مرة ثانية فحكيت مع الدكتور ... حكالي روحي على المستشفى وهناك بتشوفك القابلة وبنقرر اندخلك أو لا ..
وروحت على المستشفى وما حكيت لزوجي عشان قبل بيوم خليتو ياخذ اجازة وما رحت أولد ... ولما عملولي الفحص الداخلي حكتلي لسه التوسع نفسه بس الميه نازلة كتير ... حكت مع الدكتور فحكالها دخليها على المستشفى .. لما حكتلي خفت سألتها طيب انا مو موجعة وما في طلق فحكتلي راح انحطلك طلق اصطناعي وهاد إلي كنت خايفة منه وإلي بخاف من شي بطلعلو .. وراح مشي على الفاضي ...
وحكتلها بدي أروح احكي مع زوجي وبرجعلك حكتلي ما اطولي .... وانا طلعت من غرفة الولادة ودليت امشي برة المستشفى وخايفة ارجع على غرفة الولادة ... وبعد ما اجى زوجي دخلت ... كان ماضي ساعة وهون عصبت علي الممرضة حكتلي وين روحت كل هاد ايش بتعملي وإجا الدكتور عشان اشوفك وما لائكي وروح زعلان .. وطبعا كانت معصبة وأنا خلقة ميتة خوف ....
وبعد ما اعطتني ابرة الشرج وحضرتني للولادة حطولي الطلق الصناعي بس ما كنت بعرف ايش عم بيصير لحد ما الألم زاد وزاد وصرت أصرخ وأصرخ من وجع الطلق ... حسيت اني راح أموت وكرهت كل حياتي ويلي الخوف وويلي الطلق وويلي الوجع وكلما ما اتوجع احكي لسه إلي جاي أكثر ودليت من 11:20 لحد 4:50 لما دخلوني على أخر مرحلة بالولادة وفحص داخلي رايح وفحص داخلي جاي لما صرت اترجاهم يعملولي قيصرية أو يعطوني ابرة الظهر بس كان خلص مو دايل شي التوسع صار 8 سم ودخلت غرفة الولادة وانا بصرخ وكل ما تحكيلي شدي اصير اصرخ ما في حيل اصرخ ولا أعمل شي ولا عارفة اشد زي ما بتحكي وبالأخر اطروي يشقو العجان ويشفطوا البيبي وصرت ويلي الشفط وويلي الطلق ووالوجع وبالأخر نمت وما صحيت إلا على 5:30 كنت ولدت ولما عرفت ما صدقئت حالي .. اني خلصت أخيراً..
وبعدين بكملكم ايش صار بعد الولادة اتعبت من الكتابة
وسلامتكم :icon28: