قصة ولادتي الحلوه

صباح/مساء الخير عالجميع
اخباركم ؟ ان شاء الله الكل بخير وصحه وعافيه
ودي احكيلكم عن ولادتي باحلى صبي فالعالم« بكيفي بامدح ولدي
الحين عمره الله يحفظه تسعه شهور
اول شي حبيت اقولكم انا كنت دايم اشرب زمزم بنية تسهيل الولاده وكنت فكل لحظه ادعي ان ربي ييسرها
بدأت آلام الولاده من اخر يومين فالثامن جاني مغص زي مغص الدوره بس اقوى شوي يجيني شوي ويروح طبعا وثاني يوم فالتاسع اشتد شوي ولمن يجيني المغص احس ماقدر امشي على طول اجلس او انسدح عالعصر تعبت صار يجيني ورا بعض كل خمس او عشر دقايق يجيني لكن ماجا ببالي انها ولاده ابدا وانا مطنشه المغص على قول اختي تقولي هذي مزحه بس باقي ماشفتي شي عاد انا صدقت انه بدري عالولاده رحت قلت لاختي سويلنا غدا بعد العصر وتغديت وانا اتغدا حسيت بشي ينزل مني انا مره خفت قلت اكيد دم
ماكملت غداي رحت الحمام الله يكرمكم وماشفت دم بس افرازات بس كانت غريبه كانت كميه كبيره طبعا انا ارتحت عشان ماشفت دم
تروشت وانسدحت بنام « مسكينه ابغى اريح مدري عن شي
طبعا ماقدرت انام من الالم ولا اقدر اجلس او امشي لمن يجيني المغص امي كانت تتجهز بتروح زواج قلت بانتظر الين تروح الزواج وبعدين اروح المستشفى
رحت المستشفى الساعه عشره الليل واختي تقولي لاتروحين لسا بدري
عالولاده هذا مغص عادي تحملي شافتني مصره اني باروح وجات
معي ماخذت معي شنطة النونو ولا اخذت شي على بالي اني راجعه وانا فالسياره الالم يزيد احس مقدر اجلس عالمقعده
وصلت المستشفى عشره ونص كشفت عليه الممرضه قالت ولاده مدام وانا قعدت اصيح اقول لا مابغى كأنه على كيفي
قالتلي الرحم مفتوح سبعه سم انا انفجعت اعطتني حقنه انا مدري وشو هذي قالت ياللا روحي حمام وغيري ملابس انا اقول لا مابغى
الحمام عاد الممرضه تعصب علي وتقول لازم حمام انا اعطيتك حقنه اختي فالاستراحه تنتظر رحت عند اختي وانا ابكي اقولها عندي ولاده
لبست لبسهم وسوولي التخطيط وقعدت يمكن خمس دقايق صرت احس انيابغى اتبرز الله يكرمكم واقولهم ابغى اروح الحمام عاد ينطون بوجهي الممرضات يقولون مايصير وانا مصره ماعاد اقدر اتحمل بعدين كشفت عليه وقالت هذا النونو مو براز الرحم مفتوح عشره سم ودخلوني كشك الولاده
طبعا اول مره اجلس على هالكرسي ماعرفه والممرضه كلبهتاخذ
رجولي وتحطها بالمكان حق الرجول وتلصقها بقوه وعلى طول وسعتلي وفقعت الموية وتقولي ياللا دفي سوي براز وانا مسكينه ادف بشويش مدري عن شي اول ولاده لي عصبت الممرضه عليه وتخاصم فيني تقولي بسرعه دفي في ناس غيرك هنا مافي حفله هنا ولاده بسرعه خلصي وانا قسم اني خفت منها ولولا الله ثم خوفي منها كان قعدت
للصبح وانا باقي ماولدت
لكن اول مانفخت علي وبغت تضربني جاني الخوف وادف اقوا شيواصيح باعلا صوت عندي لدرجة ان اختي تقولي صوتك مره تغير وانتي تصايحين حتى احسب انه مو انتي اللي بيولد بس المستشفى صغير وماكان في الا انا وقتها
طبعا بعد مادفيت ذيك الدفه القويه طلع الراس ولنا يوم قالتلي طلع الراس بغيت اوقف احسب انه خلاص انتهيت وتعصب علي مره ثانيه وارجع ادف الين طلع النونو والحمد لله احدعشر ونص وانا خالصه
بس بعد ماخلصت جاني برد فضيع ومافي اي شي اتلحفبه اقولهم
برد تتوقعون وش قالت الممرضه الفلبينيه اللي ولدتبي تقولي اللمبه الصفره بتدفيك لمبة الكشف المشكله انها بعيده عني عاد انا اصايح برد برد قامت هالممرضه غسلت بعد ماخلصت مني وطبعا كلها مغرقه مويه فصخت جاكيتها ورمته فوقي وينقط مويه وانا صرت ارجف اسناني تصقع فبعض احس اني باطيح من على السرير من كثر الرجفه بس
جات وحده من الممرضات وشالته عني بعد ماقلتله تشيله وفصخت جاكيتها ولحفتني فيه الله يجزاها خير
طلعوني للتنويم وودو ولدي الحضانه كلن تعبان قعد اسبوع فالحضانه وانا طلعوني غصب عني ثاني يوم
وتوبه اطب هالمستشفى مره ثانيه تعامل واخلاق زفت حتى فوطه عيو يعطوني يقولون بس نعطيكي وحده بعد الولاده ولافي محل قريب اجيب منه بس اخذت من وحده كانت فالغرفه معي لان ماجبت معي شي.
واللهم صلي وسلم على سيدنا محمد