بسم الله الرحمن الرحيم
السلام عليكم
راح اكتب لكم قصة ولادتي السريعه ..
في اخر يوم رمضان طلعت من بعد صلاة المغرب اتقضى باقي اغراضنا للعيد وللمدرسة ..
وبعد مارجعت بليل تقريبا الساعه 11ونص اخذت بناتي وسبحتهم وقعدنا انضبط اغراضنا للعيد ..
ومع صلاة العيد قمت اجهز بناتي .. استشورت شعورهم وحطيت لهم مكياج خفيف ولبستهم .. وطبعا كنا مواصلين مانمنا وانا ما ريحت نفسي كل هالمدة ..
سلمت على اهل بيتنا ورحت بعدها اسلم على جداتي وخالاتي واخيرا رحت بيت اهلي سلمت ورحت نمت انا وعيالي ..
الامووور الى الان طبيعية .. قعدنا على المغرب وطلبنا عشا من المطعم وتعشينا .. وسوالف مع اهلي وحلويات وقهوة وكل الامور طبيعية ..
صليت الفجر وانا ابي انوم عيالي شوي امبجر بس لهيت شوي عنهم .. وحسيت بالم اسفل البطن فوق المنطقة الحساسة .. كأن فيني اسهال وانتو بكرامة .. رحت الحمام ماكو شي .. قلت يمكن من اكل المطعم .. تكرر علي هالالم بس كان يحتمل وكان فيني ثقل برجولي .. توقعته بداية طلق ..
اتصلت على زوجي وعلمته اني احتمال احتاجه طلبت منه ينتبه لتلفونه ..
ويمر علي الالم ويروح عااااادي ماكان يتطلب مني اروح للطبيب .. مثل اي مغص في شهور الحمل الاخيرة ..
اتصل علي زوجي وانا انوم عيالي .. بلغني انه يبي ينام وسالني اذا محتاجة الطبيب .. قلت له لا .. الالم خفيف ..
سكرت التلفون ورجعت لفراشي عشان انام .. سمعت صوت يطلع من الرحم وكان شي انفجر .. توقعت ماي الجنين .. قمت اركض للحمام .. وماشفت غير الدم الغزير اللي ينزل مني ..
ناديت بناتي وطلبت منهم تلفوني واتصلت على زوجي طلبت منه يجي باسرررع وقت .. وناديت خواتي يلحقوني بملابس ..
ملابسي اللي كلهاا دم قطيتها بالزباله لان منظرهااا يخرع .. الحمام وانتو بكرامة صار لوونه احمر .. ممرات البيت كلهاا دم ..
جا زوجي بسرعه .. رحنا المستشفى .. من رحمة ربي ان الشوارع فااااااااضية .. المستشفى مكانه دائما يكووون زحمه لان حوالينه مجمعاااات واسواااق ومعااهد وكليااات ..
بس رحمة ربي واااااااااااااااسعه ..
وصلت تقريبا الساعه 7 و25 دقيقة الصبح .. دخلت بسرعه على الطوارئ .. وطبعا رفضت انهم يفحصوني من تحت لاني كنت مسكرة رجوولي بطريقة لا ارادية لان الدم يصب بالحييل ..
الدكتورة بلغتني انها ماراح تفحصني لان الفحص بحالتي ما ينفع بس بتشوف الدم .. وشافت الدم وسوت لي سونار ع السريع .. وخذت التلفون عشان تطلب دكتورتي اللي اراجع عندهاا وطلبت من السستر اتدور نبض الجنين ..
والله يا بناااات نبض الجنين اللي دااايم اسمعه بمراجعاتي هالمرة سمعته ع الخفيف ..
جهزوني للعمليات بسرعه وانا حيييل كنت خااايفه وابجي .. وزوجي يهديني ..ومن كثر النزيف حسيت نفسي كاني بدوخ ..
دخلت غرفة العمليات تقريبا الساع ثمان الا ربع .. واشوف الكل يركض صوبي .. والكل يسحبني من كل صوووب .. وعطوني الكمام وتخدرت تقريبا خلال دقيقتين ..
الساعه 8 وربع صحيت وانا اصارخ من الالم اللي في بطني .. ولما سألت السسترات .. عن الولادة وانا شنو وضعي الحين ..
بلغوني اني ولدت خلاص وجبت بنت ..
النزيف كان سببه انفصال بالمشيمة ..
والحمد لله ربي اكرمني بنعم كثيرة .. اولهاا وصولي للمستشفى بسهووله ووصول دكتورتي بسرعه وولدوني بسرعه لان حالتي خطرة ..
والحمد لله رزقني في بنت مثل القمر .. صحيح اتعبت اول ما ولدتهاا واحتاجت انعاش واكسجين .. بس الحمد لله حالتها بتحسن ..
هاذي قصة ولادتي يا بناااات ..
وتعتبر اول ولادة قيصيرية لي ..
دعواتكم تطلع بنتي من المستشفى باسرررع وقت ويتم عليهاا ربي الصحه والعافية .. ويبارك لي في عيالي ..
رمانة الكويت @rman_alkoyt
محررة برونزية
يلزم عليك تسجيل الدخول أولًا لكتابة تعليق.
الصفحة الأخيرة
والحمدلله على سلامتك