** قصة ولادتي السهله بفضل من ربي شوفو الطريقة **

السلام عليكم ورحمة الله وبركاته

كيف حالكم ياكروشات

بفضل من الله ورحمته ولدت ولاده سهله

شفت خلطة هنا مادري من كتبها لكن تستخدم فالشهر التاسع تحديدا بعد اسبوعين من التاسع

المهم :::
ولدت 3 ولادات واجهاض كلهم بطلق صناعي والرحم مايفتح عندي طبيعي
ركزو معي حتى الاجهاض بطلق صناعي عمره 3 شهور

ويوم دخلت الموقع الرائع عالم حواء لقيت عنوان والله ناسية

لكن عزمت وتوكلت على الله قلت ماني خسرانه شي الطلق الصناعي فيني فيني

واشربها مو بانتظام المهم انه كوب فاليوم ويوم انساها وهكذا بعد يمكن مرتين او ثلاث جاني العيد

العيد وشو تباشير الولاده بدون طلق صناعي فرحت فرحة ماتوصف ابي اجرب الطلق الطبيعي

ورحت للمستشفى قالت ماعندك نية ولاده بس هذي تباشير من اسبوع وزياده يمكن تولدين

المهم استمريت على المشروب واستمرت الافرازات

ويوم جا الفجر الساعة 5 ونص الا و تنزل المويه على دفعات ويجيني الطلق الصدق

**** استخدمت المشروب تقريبا 6 او 7 مرات كل يوم كوب

بالعاده اولد في 12 ساعه لانه طلق صناعي ومايستجيب رحمي بسهوله

المره هذي مامداه يجيني المغص وفطرت عيالي وجهزت اغراضي ووصلت للمستشفى

الساعه 8 الاربع الا وبرحمة ربي تقول لي مفتوح 7 وولاده بسرعه

طلعوني غرفة الولاده على طول وجلست تقريبا 3 ساعات او اقل وجبت ولدي وطلع بسرعه ماتعبني

ولدت قبل موعد ولادتي بحدود 10 الى 7 ايام قبل ادخل العاشر

ادعو لولدي بالشفاء فيه ثقبين فالقلب



المشروب هو :::
ملعقة كبيره من كل المكونات ( نونخه + حلبه + محلب + حبه سوداء + شمر + يانسون)

بس ماضفت كمون ....

تحطونهم في علبه غير مطحونين طبعا وكل يوم تاخذون منها ملعقه صغيره فقط على كوب ونص مويه تطبخونها الين تنقص وتصير كاس او اقل وتشربونها بالعافيه

طبعا جاني مغص خفيف عادي يعني ونزلت مني افرازات بنيه جلست معي اسبوع تقريبا وولدت بعدها

الله يغفر لي ولوالديني والجميع المسلمين والمسلمات

اللهم صل على نبيك محمد كماصليت على ابراهيم وال ابراهيم انك حميد مجيد