الحمد لله ولدت وجبت احلا بنوتة وسميتها ملك والله يهون على كل حامل يارب ويهون عليكم الطلق
نبدا قصة الولادة هاد يا جماعة الخير انا عوشرت اخدت من العاشر 4 ايام ومافي اي بوادر ولادة وكتير كنت انزل مشاركات والكل ما قصر بصراحة المهم ليلة 1-1-2012 قررت اخد زيت خروع الكل لانو الي حولي نصحني فيه فنزلت مشاركة اني اخدو او لا فيه الي نصحني وشجعني وفيه الي حذرني وحكالي لا المهم اتوكلت على رب العالمين واخدت معلقتين كبار مع عصير برتقال فرش وشربتهم مرة وحدة الساعة 11 بليل ما حسيت بشي وصرت اضحك واحكي لزوجي شكلها بنتك عنيدة مافي شي زابط معها :) المهم نمنا اصحيت الساعة 3 الفجر على مغص قمت رحت بعيد عنكم على الحمام وصار معي اسهال وانتو بكرامة المهم رحت 3 مرات رجعت حاولت انام ما عرفت الوجع صار بظهري وبطني وحسيت ضهري بدو ينكسر من الوجع ما فكرت انو طلق المهم شوي وراح وصار منتظم يجيني كل 5 دقايق بعدين كل 3 دقايق بعدين كل دقيقة حكيت خلص هاد طلق صحيت زوجي:arb: على 5 ونص وانا موقادرة احكي حكيتلو شكلي بدي اولد معي وجع كتير حكالي كيف الوجع حكيتلو مغص قوي ووجع بظهري فصار يتمصخر فكر زي كل مرة مغص وبروح وصار يحكيلي بس تولدي صحيني المهم انا صرت اصرخ وابكي من قوة الوجع يا حرام قام من النوم زي الي ضربو شي وصار يتاسفلي ويحكيلي والله فكرتو زي كل مرة المهم رنيت على ماما وحكتلها معي وجع منتظم حكتلي بسرعة جيبي اغراضك وتعالي طبعا انا ماما قابلة وبتشتغل بنفس المستشفى الي ولدت فيه فرحتلها المهم فحصتني لاقت الرحم مسكر وعنق الرحم عندي مو مستقيم جاي على جنب المهم تركتني ساعتين وفحصتني لاقتو واحد سانتي ونص بس عنق الرحم لسة على جنب وقاسي المهم الطلق عندي صار يبرد والله يابنات شفت الموت صار بدل ما يجي كل دقيقة او 5 دقايق صار يجي كل ربع ساعة وبعدين كل نص ساعة وبعدين كل ساعة واحيانا يمر ساعتين ما يجي ولا طلقة وانا عظم الحوض وظهري بطلت احس فيهم المهم فتت اخدت دش دافي وطلعت الساعة 4 العصر وماما فحصتني لاقت عندي توسع 5 سانتي بس الطلق بارد وعنق الرحم سميك وجاي لسة على جنب المهم ضليت على هل حالة لساعة 12 بليل ورجع الطلق حامي بس مو منتظم رجعت ماما فحصتني لقتو 6 سانتي انا هون بطلت اقدر اتحمل قعدت بنص الغرفة اصرخ وابكي وابكي :icon33:المهم راحت ماما صحت زوجي الله يخليلي اياه ضل معي وناملو ساعة عشان ازا حمي علي الطلق ورحنا المستشفى يكون مصحصح المهم قام على السريع وانا لبست وطلعنا على المستشفى والدنيا برا هوا ومطر ما شاء الله المهم شغل زوجي السيارة وطلعنا وتجيني الطلقة واصير اصرخ على زوجي يوقف السيارة خخخخخخخخخخخخخخخ ياحرام وقف بنص الشارع لحتى راحت وصلنا بعدين المستشفى وعلى طول على قسم الولادة شفوني صاحبات ماما وعلى طول على غرفة الولادة كانت الساعة 1 بليل وضل عندي الطلق بارد لساعة 4 الى ربع انا هون خلص بطلت اتحمل وانا صابرة ومو راضية اصرخ مافيي غير اخد نفس والله يا بنات خدي نفس وقت الطلقة ما بتحسي فيها كتير المهم بس شافو انو لسة طلقي بارد اعطوني ربع ابرة طلق صناعي وبلش الوجع المزبوط وانا كسرت التخت من قوة الوجع المهم طلبت مسكن اعطوني ابرة والكمام وياحبيبي على الكمام اخدو شوي دوخني وبطلت اقدر استحمل الطلقة فرميتو وما رضيت اخدو حسيت حالي من غيرو كتير احسن المهم قامت ماما فحصتني لاقتني 9 سانتي على طول طلبت دكتورتي وفتحولي ميت الراس وانا صرت كل ما تجيني الطلقة احس البنت بدها تطلع واصير اصرخ البنت عم تدفع البنت عم تدفع بدي اطلعها واصرخ ويحولي ديري بالك تدفعي بلاش تتمزعي الدكتورة قربت تيجي المهم اجت الدكتورة واول ما شفتها صرت الصرخ واحكيلها ادفع اجت وقاست لاقت الراس بدو ينزل حكتلي ادفي المهم 4 دفعات واجت احلا ملك الساعة 5 الى ربع نزل الراس مع اذان الفجر والدنيا كابسة مطر المهم نزل الراس وعلى طول خدروني ما اصحيت الا زوجي جنبي بصحي فيي وبباركلي والدنيا مو واسعيتو من الفرحة مهو خلص صار بابا:) والله يابنات شفت الموت والله يعطينا الاجر يارب والله يابنات ما نسيت ولا وحدة من الدعاء ومتل ما وعدتكم دعتلكم انو الله يرزق كل من تتمنى توام اولاد ذكور معافين وكل محرومة
واي سؤال او استفسار انا جاهزة وهاي هية قصة ولادتي:26:
mais hosaam @mais_hosaam
عضوة فعالة
يلزم عليك تسجيل الدخول أولًا لكتابة تعليق.
الصفحة الأخيرة
مو عارفة ايش اكتب انا خايفةوخفت اكثر من قصتك الله يعين ........