قصة ولادتي الصعبة الحمد لله على كل حال

كيفكم بنات وامهات وكروشات الكروشات الله يقومكم بسلامة يارب ويجعلها ولادة سهلة عليكم والامهات الله يخليلكم اولادكم يارب والبنوتات الله يبعتلكم نصيبكم يارب والي متزوجة ولسة ما حملت الله الله يرزقها الحمل عاجلا غير اجل يارب
نفوت بلموضوع المهم احملت وانا بنتي الاولى عمرها 8 شهور انصدمت بس حمدت ربي على النعمة الي غيري بيتمناها بصراحة شهور الحمل مرت بسرعة ما حسيت فيها بس التعب والثقل اكيد لابد منو وخصوصا انو حملي ورا بعضو اتعبت كتير بحملي من نقص كالسيوم وغيرو والحمد لله مرقت على خير وفتت بشهر التاسع وحسيتو سنة بصراحة لانو التعب الي تعبتو بحملي ما سدقت وانا افوت بشهري المهم بنص التاسع رحت عند الدكتورة حكتلي انو الرحم بعدو مسكر ومافي اي بوادر ولادة والراس لسة عالي المهم ما خليت تمر الا اكلتو ومشيت مشي لحتى اتكسرت كل يوم امشي ساعتين واشربت ميرمية وينسون وعلى الفاضي اخدت ملعقتين صغار زيت خروع مع عصير اناناس ولاعملو شي سبحان الله لا طلق اجا ولا رحم فتح ولا راس نزل للحوض منيح المهم رحت لدكتورة كان ااموعد المتوقع لولادتي ومافي اي بوادر حكت معي وحكتلي تعالي افحصك ازا الرحم عندك بتقبل طلق بدي ادخلك اليوم طلق صناعي المهم رحت على المستشفى وكشفت علي والرحم بعدو عنق الرحم سميك ومسكر وكمان الراس عالي وانا بصراحة الي عمل فيي هيك خوفي كنت كتير خايفة من الولادة والله خوفي وداني بداهية وعسر ولادتي المهم اعطتني اسبوع ازا ما ولدت راح ادخلني طلق صناعي المهم مرق الاسبوع وانا مافي غير طلوق كتير باردة يعني ما بتولد وخلال الاسبوع اعملت خلطة الزيت زتون مع حبة البركة ومسحت فيها ضهري وبطني وصرت اقرا الرقية على المي واشرب وادهن بطني وظهري ريحني شوي بس الطلوق كتير باردة المهم اجا موعدي عند الدكتورة رحتلها للعيادة فحصتني شافت عنق الرحم طري شوي المهم حولتني تاني يوم الصبح على المستشفى والله ليليتها مانمت رحت عند اهلي عشان بنتي وضليت طول اليل اقرا الرقية واوراد الولادة على بطني وبعدين قراتها على المي وجهزتها واخدتها معي على المستشفى المهم الصبح اتوكلت على الله واخدت اغراضي وزوجي ضل معي ونام عند اهلي صحيتو وجهزنا حالنا وطلعنا على اامستشفى راح زوجي وماما عملولي دخول وبلشو يجهزو فيي عشان الولادة كانت الساعة 8 ونص اجت السستر وحطلتي تحميلة والله متت وهية بتحط فيها لانو لازم تمسك عنق الرحم وتفوتو فيها وهون بلشت رحلة العذاب معي التحميلة ما دابت اجت الممرضة مسكت عنق الرحم وصارت تظغط عليه عشان ادوب التحميلة وانا والله لا اراديا صرت اصرخ التحميلة ما جابت طلق منتظم اجا طلق بس مو منتظم راحو اعطوني ابرة طلق بلمغذي بس عنق الرحم بعدو سميك وصار الطلق حامي ومنتظم راحو حطولي ابرة ملين لعنق الرحم لانو كان سميك ومش مستقيم لسة وما جابت نتيجة ورجعو اعطوني كمان ابرة ملين والله شفت الموت وصار عندي توسع 7 س وهون بلش العذاب الرحم وقف على 7س والراس بعدو عالي والوجع مو قادرة اتحملو اعطوني ابرة بيثادين لانو اعصابي كانت مشدودة كتير وحكتلي الدكتورة طالما اعصابك مشدودة عنق الرحم ما راح يستجيب وراح اطولي وصارو يعطوني بلكمام انا هون دخت على الاخر وصرت اصرخ فيهم انو مو قادرة اتحمل الكمام لانو دوخني وبطلت قادرة اقاوم الطلقة المهم هون صار التوسع 9 بس الراس لسة عالي راحو وعنق الرحم صار على جنب يعني مو مستقيم وصارو يفحصو فحص داخلي كل دقيقة ومتت منو وحيات الله هلكوني وراحو جابولي الرجل تبعت الولادة الي بربطو الرجلين عليها وخلوني انام على جنبي ورفعولي رجلي اليمين عليها عشان يعدل عنق الرحم هون صارت البيبي تدفع وانا اصرخ واحكيلهم في شي عم يدفع وصارت الدكتورة تفحص داخلي وتحكيلي اول متيجي الطلقة ادفعي عشان الراس ينزل الحوض وايدها جوا واجت ااطلقة وادفع وادفع على الفاضي الراس مو قابل ينزل والله وقتها شفت الموت ورجعت عملت معي هلحركة اكتر من مرة والراس لسة عالي وصرت 10 س وانا صرت كل ما احس بدفع ادفع لحالي كل ما اجت الطلقة ادفع لحتى بلاخير وااحمد لله نزل الراس للحوض واجت فحصت داخلي لاقت الراس قريب وعلى طول جابولي الرجل التانية وربطو رجلي عليها والكل التم حولي وانا صرت احكيلها ما بدي احس براس بس يطلع انو اعطيني مخدر بدي انام والله ما ردت وهون شفت الموت بعيني بلش الدفع وصرت ادفع والراس يطلع وصرت اصرخ واصرخ موبئيدي والله غصب عني وما اعطتني لابرة الا لما طلعت كل البيبي وانا روحي طلعت وبعدين نيمتني اتاري الراس كان كبير واسم الله ما شاء الله وزنها كان 3750 يعني قريب 4 كيلو عشان هيك الراس ما نزل للحوض بسهولة وما اعطتني لابرة لانو ما كانت راح تعرف اطلع البيبي والحمد لله ولدت بسلامة وبس اصحيت من البنج القيت زوجي فوق راسي والله بلا شعور صرت ابكي بكا هستيري واحكيلو انا قمت من موتة والله شفت الموت وابكي والله يا حرام امي وهوة صارو يبكو معي والحمد لله على كل حال اولدت وجبت احلا ميرا والله بس جابولي اياها وحملتها اني انسيت كل الوجع والعذاب الي تعذبتو ورجعت ابكي وبهدلوني عشان خياطي خافو تنفتح والحمد لله على كل حال وجرحي كتير كبير لانو الراس كبير وتغلبت فيه كتير بس روحت والحمد لله لحم وكل اموري هلا تمام وصارلي والدة 12 يوم ادعولي اخلص نفاسي على خير
ونصيحة لكل بكرية ولكل حامل ما تخافي من الولادة والله خوفي هوة الي عمل فيي هيك والدكتورة حكتلي انو الرحم ما بفتح الا ازا كانت الوحدة نفسيتها مرتاحة واعصابها هادية والحمد لله الف مرة على كل الي شفتو والحمد لله على احلا هدية ربنا اعطاني ايها والله اني بموت بلبنوتات وهاي بنوتي التنية وسميتها ميرا