قصة ولادتي الطبيعية بعد القيصرية

مرحبا\

بكتب لكم قصة ولادتي الثانية ببنوتتي ولدت الساعة 1 الفجر يوم الجمعة تاريخ 28-1-1433

ولادتي الاولى كانت بعملية قيصرية والفرق بين الولادتين سنتين تقريبا

تاريخ الولادة الي عطوني وياه 3 صفر

بدأت اعراض الولادة من يوم الاربعاء الظهر كنت اشوف افرازات صفراء ثقيلة مع خيوط دم خفيفه ولونها فاتح بس ماكان عندي الم او فيه الم لكن مو منتظم وخفييييف .. وظلت الافرازات ليوم الخميس الظهر زادت بقوة وصار الدم واضح فقلت لازم اروح للدكتورة اتطمن والالم كان خفيف ومش منتظم .. صبرت لأذان المغرب صليت وبعدها حسيت ان الالم بدأ ينتظم كل ربع ساعة وكانت الساعة 6 فقمت رحت المستشفى (مستشفى خاص) وكشفت علي الدكتورة قالت فاتح 4 سم وكانت بتكتب لي تنويم بس قلت لها بطلع اروح مستشفى حكومي ووقعت على مسؤوليتي وطلعت رجعت البيت جهزت اغراضي ووديت ولدي حق امي ورحت المستشفى الساعة 8 ونص وصلت وقاست لي الدكتورة قالت لسه فاتح 4 .. اعطوني حقنة شرجية .. قمت للحمام ورجعت وركبوا علي جهاز التخطيط والمغذي .. والالم كان منتظم بس لسه مو قوي حتى الدكتورة جت تراقب التخطيط ومستغربة اني اقول اليها ان عندي الم وصار الوقت يمشي بسرعة والالم يزيد بس انا قوية ماصرخت :35: لين جت الساعة 12 ونص حسيت بكيس الماي انفتح وصار ينزل مني الماي زي الشلال والاحساس مررره مو عدل :09: وحسيت فيه شي يبي يطلع دقيت على الممرضه اقوول لها خلي الدكتوره تجي احس اني بولد وهي تقول الدكتوره مشغولة .... مرتين وثلاث انادي عليهم لين جت الدكتوره كشفت علي وقالت فاتح 10 وخلاص على غرفة الولادة ... نقلوني لغرفة الولادة الساعة 1الا ربع .. ومع الدفع مرتين والثالثة طلعت بنوتتي الساعة 1 والاحساس جددددددا جميل وبعدها بدت الممرضه تطلع المشيمة والدكتورة جت تخيط الجرح وخلصت من كل شي الساعة 1 ونص


بصراحة شعور الولادة يجننننن والحمدلله على السهالة توقعت باشوف الموت واشياء اعظم وانا اقرأ من قصص البنات سوالف الخياط والتوسيع ووو

بس الي شفته انك ماتحسي بشي كل همك في طلوع الجنين :)