ابتدي معكم قصة ولادتي ..بتاريخ 2/12/1432 يوم السبت..
هذا حملي الثالث الاول طبيعي والثاني قيصري لانو راس بنتي فوق ويوم صار عمر بنتي سنه و3 اشهر حملت مع انوو كنت امانع (( الواقي الذكري )) يعني هالمانع مو مضمون بس الحمد الله على كل حال هاي نعمه صحيح اني زعلت مو على اني ما اريد اطفال لاء خايفه انوو اولد قيصري وهذا الوسواس ظل يلاحقني من اول حملي الين ساعة ولادتي .. الله يكفيكم الشر ..
المهم انا باخر خمس ايام لي من التاسع الطلق يجي لي ويروح يعني يظل فرق بساعتين واكثر وبيوم الجمعة من جلست من النوم والطلق قام يجيني كل ساعتين . رحنا الكورنيش تغدينا وقمت تمشيت مع حمياتي لكن مامشيت كثير وبصراحه الايام الاخيره من التاسع تركت المشي لانوو يأست قلت خلهاا على الله .. رجعنا البيت عالمغرب وبدى الطلق يزيد كل ساعه قلت مالي الا حبيبتي الاناناس صارلي انتظرها تنضج 4 ايام اكلت نصهااا .. تكرمون بعد ما اكلتها بساعتين جالي اسهال لكن خفيف وقام الطلق يجيني كل نص ساعه وعلى الساعه 12 قام يجيني الطلق كل ربع ساعه وعساعه 2 بالليل قام يجيني كل عشر دقايق لمشيت اوقف من الم الطلق قلت يالله ازهب العده لرحيل للمستشفى وانا حدي خايفه كله متخيله انوو مع الطلق راح تنفجر العملية ؟؟
رحت المشفى قالت لي مفتوح 2 او نص تنويم ..وعالساعه 10 الصباح دخلوني غرفة الولاده لكن علق عندي 4 مفتوح الين 3 العصر وصل 6 اونص حسيت اني طولت كأني توني بكريه سئلت القابلة قالت يمكن لانك اخر ولاده لك قيصري فطولتي .. والحمد الله عالساعه 6 المغرب وصل 9 فقام يزيد الالم وانا مسويه فيهاا من الاجانب اللي بس تاخذ نفس عميق وتزفره وامسك نفسه عن الصراخ لكن بالاخير ماقدرت كسرت ايدي من كثر الضرب في السرير واطلقت العنان لصوتي بالصريخ هههه اقولكم طلعت اصوات غريبه عجيبه ...ومن صوتي على طول عرفت لي القابله انهاا ولاده وعلى طول نادت الدكتورة ويجي بعدهاا جيش لزوم يحضرون المسرحيه ويشجعون بصراحه حماس وانا تحمست معهم وبدو يعدلون السرير من شان لحظات الولاده وقامت تصرخ يالله دفعي وادفع وادفع والله ظليت فتره وانا ادفع الين انكتمت ماحسيت الا بالمويه البارده تنكب على وجهي والقابله تقولي اصحي وشربتني مويه بااارده الله يبرد على قلبهاا فديتها وقالت لي اخذ نفس واكتم الصراخ وبعد محاولات عديده طلقت اقوى صرخه حسيت حلقي انشق والحمد الله طلع ولدي بالسلامه وحطته على حظني ... وترى جرحتني لكن ماحسيت بالم الجراحه كثر الم الطلق ... والحمد الله على كل حال ...واللي حبو يعرفو هل العمليه تتأثر بالطلق بصراحه ماحسيت بشي ناحيه العمليه سبحان الله لدرجه ظليت ساعتين بعد ماولدت مو مستوعبه اني ولدت طبيعي لاني كنت عايشه وساوس انوو العمليه تنفتح والا يصير فيني شي ...
والفرق بين ولادتي القيصريه او لادتي هذي سنه و11 شهر بالضبط ...
ويالله بنات شوفو معي صديقكم الحميم اثناء الولادة ..
التخطيط ياحلات صوته بس ..
وهذي نافذة الغرفه اللي جلستهاا مابعد الولاده ..
وهذا التبي في ..مدري ليش مصورته
وهذا الغدا .... نسيت ماصورت الكم العشا والفطور ..
لزوم اكشخ بهالصوره ههه
حتى سرير الولاده كنت بصوره لكن خساره دخت وجوال بعيد عني وماقدرت اصوره ...
وهذي الصورة تراها بمستشفى الولادة والاطفال بالدمام بصراحه كل شي فيه حلوو حتى معاملة الممرضات حلوه حيل والاحلى انهم اقلبهم سعوديات ... وعقبال كل وحده فيكم حامل تولد وتحط لنا قصة ولادتهاا .. ادري نفخة روسكم بالهذره ســـــــــــــــــــــــــــــــــــــــــلام ..
أدعي لي بالطفل المعافا السليم