قصة ولادتي القيصريه مدري اللي سارلي طبيعي ولا لا + نصايح و تحذيرات عن تجربه

السلام عليكم ورحمة الله وبركاته كيف حالكم ياحريم وياكروشات ياحلوين
الله يعينكم عالثقل حاسه بمعاناتكم الحمدلله ولدت يوم ٧-١٢-١٤٣٣
واليوم كملت شهر بالتمام
جبت آحلى واغلى بيبي بالدونيا ( باسل )
ولدت بمستشفى الوطني بالمدينه المنوره الدكتور هشام عمليه قيصري بنج كامل


اللهم ارزق كل محروم ومحرومه بالذريه الصالحه امين يارب
اتاخرت بكتابة قصة ولادتي بالعاني لاني كنت كل ما اتذكر ابكي من الالم والتعب
ااه الحمدلله بس .. صحيح ولدت قيصري لكن مين قال ان القيصري مريح !! والله تعب
والطبيعي كمان تعب مارح ناخد الاجر من فرااغ الله يكتب اجر امهاتنا يارب ويأجرنا اجمعين
البكريات لايقرو تجربتني نصيحه ما ابغاكم تخافو :(
حلو تكونو على عماكم زيي عشان ماتتفجعو ههه
لكن مو شرط اللي سار لي بيسير معاكم الحمدلله على كل حال :redface:


قبل ولادتي ب ٣ ايام كان عندي موعد عند الدكتور وقرر لي عمليه بعد عيد الحج قال عيدي وتعالي وانا كنت حاسه اني رح اولد قريب
والدكتور كان بيطلع اجازه
المهم اتوكلت على الله وقلت ان شآءالله مايجيني الم الا بعد مايرجع الدكتور من اجازتو

بعد يومين في الليل بدأت معايا الام زي الدوره وكنت احسب لها ماكانت منتظمه وكنت اقول عادي زي كل مره يجيني الم ويروح
وجلست سهرانه لوحدي على سريري اتعصر من الالم وانام فجأه وبعد نص ساعه تقريبا اصحى وارجع اتالممممممممم وبعدها انام وارجع اصحى على هدا الحال الين اذن الفجر
وصليت ورحت جلست عالتلفزيون اسمع قرآن واخيط بالكروشيه بطانيه لولدي القادم :kiss2:

والالآم استمرت للصبح الين سارت الساعه ٩ ..رحت صحيت جوزي وديني المستشفى
قام فز مفجووع ايش فيه بتولدي .. قلت لاء ،، بس موعدي اليوم يسوو تخطيط قلب الجنين
اخدت شنطتي العاديه ورحت
ودخلت غرفة المخاض وحطو الجهاز على بطني وانا مازالت الالام تجيني وتروح واشوف الجهاز التخطيط يرررررررتفع ل ١٠٠ وينزل تاني
جاتني النيرس وسالتني في الم قلت ايوا
راحت نادت الدكتوره انا هنا قلبي طربق طربق
يدي علا قلبي خايفه مررررره من كل شي وبس عيوني تدمع
جات الدكتوره وشافت التخطيط قالت لي يابنتي انتي حالة ولاده دلوقتي
وكلمت الممرضه قالت حندخلها ولاده بعد شويا
انا هناااااا دوروني ماتلقوني وجهي قلب ٥٠٠ لون :icon810:
سالتني حاسه ب الم من الخوف قلت لا
قالت الا فيكي الم خخخ
كان جوزي موجود ومفجوع خايف عليا
قالت اكشف عليكي انا هنا علا طول لالالا مابغا
لانه قبلها كشفت عليا الدكتوره ويدوب دخلت نص صباعها وانا اتالمت مرررررررره واتعقدت اصلا انا ضيقه مره كان جوزي يقول لي مستحيل تولدي طبيعي وفعلا قالت لي الدكتوره صعبه تولدي طبيعي
وقلت للدكتور كلام الدكتوره وقال لي بعد الحج نعمل لك العمليه
المهم قلت لها دكتوري فين قالت عنده عمليه لاتخاافي رح يشوف اوراقك وهوا يقرر
جلست انتظر في غرفة المخاض وجهاز التخطيط على بطني ويرتفع وينزل كل خمس دقايق
قلت بس يابت شكلها ولاده ياوييييييييييليييييييييك
كلمت نونتي اللي ببطني يابسولي شويا راح اشوفك يابسولي ^^ دايما اكلم جنيني عشان يتعود على نبرة اسمه بصوتي
اتصلت على ماما وانا عيوني كلها دموع من الخوف ماما قالولي ولاااده تعالي
كانت الساعه ١١
جا الدكتور وشاف التخطيط واتفاجأ قال انتي مش حاسه بألم ؟
وانا بتقطع من الالم بس ماكان جامد كنت متحملته وتدمع عيوني بصمممممت
قلت الا حاسه
ابتسم لي وقال خلاص اتجهزي عشان نعمل لك العمليه
قلت طيب اروح البيت وارجع العصر
قال لا طلقك قريب من بعض رح تولدي :(

وحمدت ربي انو دكتوري موجود لانه كان اخر يوم له بالدوام وبعدها اجازته تبدا
جات الممرضه واعطتني لبس العمليات شفته جاتني قشعريره بجسمي
لبست الروب وانا ادعي اللهم استرني فوق الارض وتحت الارض ويوم العرض كل شوي ادعي
حطت لي الممرضه ابرة المغذي بس كانت فاضيه
بعدها قلت لها بروح الحمام الله يكرمكم وشوف عاد المشيه ماسكه الروب من كل مكان
قاست وزني وكان ٥٥
رجعت عالسرير وجلست استنا وانا دموعي اربع اربع خايفه مرررره واحاول اقوي قلبي بس الدموع تطيح من نفسها
وجاتني النيرس بالسرير وطلعت عليه ومشتني وجو الممرضات يتكلمو ويقرقرو وانا انفض زي البسه البردانه
سالني دكتور التخدير عملتي عمليه أبل كده
قلت عملية لوز لما كنت صغيره
قاللي طيب دنتي لسا صوغيره !!
مدري ابتسم ولا ايش اسوي
جروني دخلوني غرفة العمليات كنت احاول اتجاهل وما ابغا اشوف اي مشارط او سكاكين او اي شي
بس عيوني عالسقف
شوي الا حطو ستاره قدام وجهي وسار دكتور التخدير فوق راسي وبعدها انا بكاااااا
حط لي الاكسجين وقاللي البيبي محتاج اكسجين اتنفسي وسرت اتنفس وانا عارفه انو تخدير مو اكسجين
اتنفس وادعي اتنفس وادعي ووووووووووووووو خششششششش



سمعت صوت يناديني .. جبتي بيبي حيييلوووو << النيرس
فتحت عيني شفت النيرس سارت اتنين والدكتور سار ٤ اشخاص نفس الشكل ويتبخرو قدام عيني ويرجعو
كأني سكراااانه وحسيت ببطني زي السكاكين
اتالمت منها وسرت اشهق ودمووع واقول تعبانه تعبااانه ابغا انااام ابناااام
الدكتور طل فيا وقلي يلا نامي ونمت

فتحت عيني على صوت جوزي واشوف ممرات واسمع صوت السرير وهم يجروني فيه ويناديني
ويقلي انتي طيبه انا جنبك

نمت

سمعت صوت ماما حاولت افتح عيني ابغا اشوفها وكانت جفوني تتسكر بالقووه
واول كلمه قلتها مامااا وانا اشهق وابكي
قالت ماما خلاص لاتبكي
يلا نامي

نمت

سمعت صوت ابو جوزي يقول مبرووك يابنتي

كنت من التعب فعلا ميته ماني قادره افتح عيني ولا قادره اتحرك والم بطني كان مو طبيعي

شوي ماما جاتني تقلي جبتي ولد زي القمر
وجوزي يقلي يشبهلك مره
وجابوه وشالته ام جوزي وحطته جنبي عالسرير
قدام عيوني

هنا انا رفعت يدي ومسكت خده وكان ناعم مرره وقلت ولدي بسولي كان محمر وابيض ومغمض عيونو ..
ودموعي شلال
و نمت

بعد مدري كم ساعه فقت وراح عني مفعول البنج والحمدلله لاجاتني كحه زي مايقولو ولا استفراغ ولا شي

جاني الدكتور يتطمن عليا وقال لي انا ليا ٣٠ سنه بأمارس مهنة الطب عمري ماشفت طفله تولد طفله

وجلست ٣ ايام بالمستشفى


( رحلة المعاناه
اول يوم جاتني الدكتوره بعد ماخرج االدكتور في المغرب وكانو عندي ناس كشفت بطني عشان تشوف الجرح وفجأه بدون اي مقدمات بيدها الاتنين ضغطت على بطني بقوه وانا نفضت من الالم وصرخت وهيا تقول ااسفه سامحيني معلش
من التعب ماقدرت ارفع راسي ولا كان نفسي ارفزها اااااااه ااااااه توي صاحيه من العمليه مالي يوم وكدا سوت لي
طبعا شي غريب معقوله كل اللي تولد قيصري يضغطو على بطنها ؟:icon810:
طبعا انفجر الدم من تحتي
شوي جات الدكتوره التانيه وكشفت عليا من تحت شوي الا تسحب شي قاسي من تحت وانا صرااااااااااخ والله الم الم الم مو طبيعي
شالت يدها وانا اسالها انتي ايش بتسووي قالت اتحملي فيكي دم متحجر لازم اشيلو ولا رح يتحبس فيكي
واتحملت وسحبتو وانا صرااااخ وانفجر الدم من تحتي كمان
وقالت لي انتي حوضك ضيق جدااااا
اااااااه هادي الحركتين لوحدها خلت نفسيتي سيئه للآن كل ما اتذكر ابكي :(
بعدها بشوي النيرس جات تقلي افك لك القصطره وانا ما ادري ايش القصطره هادي وكيف تتفك سالت اختي قال ماتعور عادي
وقمت اشوف كيف تفكها دخلت ابره في انبوب في فخذي و سحبته وانا صراااااخ

الله لايعيدها من الام

كل ساعتين يركبو لي مغذي ويشيلو مغذي ويحطو مع المغذي مسكن عشان يخف الالم
ماجابو لي اكل ل ٣ ايام بس عصير برتقال طبيعي
عشان الغازات تطلع من بطني

طبعا مشتاقه لولدي وفرحانه فيه وماخليت الحضانه تاخدو خليته معايا ل ٣ ايام مافارقني الا لما تجي الممرضه يفحصو دكتور الاطفال وترجعه ليا

اوقات لما تجي تاخده يكون يبكي وانا اكلمه بسولي حبيبي لاتبكي انا جنبك ويسكت
والممرضه تقلي عارف صوت امووو عشان كدا بيسكت
واقلها لاتطولي وانتبهي له امانتك
ويرجع لي هادي ويطالع في السقف

كان هادي وطول الوقت نايم حاولت ارضعه اول يوم ماقدرت اجلس من الالم

حطت لي مااما مخده تحت يدي ونام ولدي عليها ورضعته بالعكس ( طريقه لازم اللي مسويه عمليه تتعلمها لانها مهمه للرضاعه ) حبيبي كان زي العصفور العطشان نمت وانا جالسه طبعا وكل شوي اصحا من
صوت الباب ممرضه داخله وممرضه خارجه

‫<<<‬ اتنهد

اليوم التاني حاولت اقوم اغير لبس العمليات والبس روبي
يا الله ياكانت القومه صعبه صععععععععععبه والمشي اصعععععععععب كنت امشي حبه حبه واللللممممم في بطني كل ماتحركت

وكل شوي الممرضات يقولولي امشي لانو المشي كويس ويقولولي انتي مره بيبي

طبعا تعبتهم في المغذيات لانها مره المتني وغير كدا كل ماخرجو المغذي بيركبو جديد يتوسخ اللي بيدي بالدم ويخرجو اللصقه ويركبو جديده والابره تتحرك واتالم :(

وكم مره خرجو الابره ويرجعو يدخلو وحده جديده لانها بتكون خربانه والمحلول مايمشي فيها :( اتسدت من الدم

تاني يوم قمت حاولت امشي بالمي حبه حبه لكن كل مامشيت كل ما اتحسنت وامشي بعد مايعطوني ابرة المسكن عشان الالم يخف وامشي دقايق وارتاح

ان جلست ماقدرت اوقف وان وقفت ماقدرت اجلس

والباقي تفاصيل حلوه ومره


مهم انك تشفطي الحليب ان اتحجر بصدرك عشان مايسير فيه احتقان او التهاب مثل ماسار لي وعذبني مع الرضاعه للآن
مهم تاخدي لك ملابس داخليه اكبر من مقاسك بنمرتين لانه بعد الولاده رح تتجمع مويات بجسمك وتسيري دبببببه
مهم تاخدي معاكي روب فضفاض
مهم تشربي كل يوم ملعقة من المر صبح وليل عشان الجرح
المستشفى اعطتني كلوتات كأنها شاش او مطاط خفيف تتوسع بسهوووله
مهم قبل ماتروحي للعمليه تسوي تنضيف بالموس لبطنك انا عمليتي فجأه وسوت لي الموس الممرضه
مهم انك تاكلي لو شي بسيط عشان يجيكي حمام ولاتغلطو غلطتي ٣ ايام بس سوائل عشان تخرج الغازات بجسمي واخدت ٣ تحاميل و كم دوا وبالنهايه ماخرج شي الا لما اكلت
لانه شي طبيعي كيف …. وانتي ما اكلتي ؟!
بس الدكتوره كانت …… الله يسامحها بس
بالنسبه للامساك اشتريت حبوب نيو كربون من الصيدليه ومره ريحتني

اسبوعين انام على ضهري والبيبي جنبي ينام ما اقدر انومه على سريره بعيد عني عشان ما اقدر اقوم كل شوي

ماخليته عند ماما الا بس وقت ماتغير له الحفوضه عشان اخاف اغير له والسر موجود

و بس الباقي رح اكتبه ويكون ذكرى بالنسبه ليا ما ابغا ازعجكم يكفي قرقره



فضفضت لكم لكن ودي اعرف هل يضغطو على بطن اللي مسويه قيصري :( ؟؟
وان شآءآلله اكون افدتكم


اختكم احلى صبيه