قصة ولادتي اللهم لك الحمد حتى يبلغ الحمد منتهاه

بكتب لكم قصة ولادتي وكيف الوحده لازم تتكل على ربها وأنها مهما سوت مالها الا المكتوب
انا شهري خلصته ب 21 /9 وكنت ادعي بصلاتي أني ربي يرزقني الولادة السهله وداعي ربي
يجيئني الطلق لان كل ولاداتي طلق صناعي المهم كان عندي موعد ثالث العيد وكنت أتصدق بنية تسهيل الولادة ثاني يوم العيد كنا بستراحه ولا رحت الا الساعه 12 في اليل للاستراحة لان كان ضايق صدري زوجي بيسافر ويخليني ولا ادري وش وضعي بيصير عليه وانا تعبت من الثقل والتعب والوعد كان اخر مهله لي يعني طلق صناعي المهم جلست بالاستراحة لين 2 ورجعت لبيت أهلي وأهلي كملو سهرتهم بالاستراحة انا من دخلت بيت أهلي رحت صليت استخاره ودعيت
ربي ان يكتب لي الي فيه الخيرة لي ولجنيني واستودعت الله نفسي وجنيني والله فيها حكمه وفائدته عظيمه الي يستشير ويستودع الله في كل شي بعد ما خلصت الصلاة رحت امشي بالحوش ومعي عنب وعند أهلي أرانب جلست اعطيهم بنية الصدقة وتفريج الكربه بعد ما مشيت
تقريباً نص ساعه رحت جلست وجو أهلي وجلسنا نسولف لين صلاة الفجر وانا كان معي من دخل
التاسع نغزات من تحت رحت الحمام الله يكرمكم ابتوضى لصلاة ولا ألقى شي اخضر يطلع
مع بني وكان كثير انا فرحت أني بولاد مع خوف ليه اخضر انا اسمع بالمويات انها زي المويه لاني أولد طلق صناعي هم يفتحون المويه فامتصورتها خضرا ناديت أختي وسئلتها قالت هذي المويات
انا صارلي كذا وهي تكذب علي تخاف أني أتأخر مااروح للمستشفي المهم انتظر أمي تنام علشان اروح للمستشفي مانامت ولا نام اولدي وانا قد قريت عن وحده هنا تقول الاخضر براز الطفل وخف أتأخر بعد الصلاة جا اخوي وقلت لمي انا رايحه خلاص ولاده مع أني مافيني الم
وطبعاً راحت أمي معي ودخلت عليهم وأقولهم ولاده قالو روحي شوفي الضغط واروح للغرفة الاثانيه مليان حريم وارجع لهم وقولهم انا ولاده أكسو علي اول شاف نئ نافخت على طول اكشفو علي ويوم شافت الاخضر بسرعه شافت قلب الطفل ةاخذت مسحه من تحت وقلت لا تمشين اجلسي
قلت لمي هذا براز مؤ مويات الله يستر وطلعوني للكشك وأقولهم حوط لي تحميله مابي بالوريد انا مافيني طلق قالت أستني لين الاستشاري يقرر يمكن ماتحتاجين تحميله وانا ادعي رب العالمين
حطو لي الأوكسجين وتخطيط دقات قلب الطفل وكل اشوي ويوفون نبضه جاءت الدكتوراه اكشفت من تحت وقالت عنق الرحم بعيد ومفتوح 3 بس بن شوف الاستشاري وجاء الا هو يقول وقتي بسرعه يا أختي على عمليه الطفل تضعف دقات قلبه وقعت ومن دون تردد لان سبق صار لي حالة وفات وبسرعة صلحو لي العملين وجبت ولد الله يخليه لي ويوم صحوت قالي الدكتور انه تبرز والحمد لله انه طلع على برا ولا كان توفى والي ماخلاه يشرب من البراز الحبل السري ملتف عليه
اللهم لك الحمد تذكرت صلاة الاستخارة والصدقه وان الوحده تستودع الله في كل شي
سامحوني على الاطاله والله يهون على كل حامل ولا تتأخر تروح للمستشفى اذا جتها بوادر زي كذا وأشكركم كلكم لأنكم ماقصرتو كنت استفيد من نصايحكم