سلاااا م حبيباتي..
بدون مقدمات.. أنا ولدت قبل كم شهر بأول مولود .. الله يخليه لي ولا يحرمني منه..
المهم..
لما حسيت بالولادة رحت لمستشفى خاص بعد ما نصحوني به كثييييييييييير..
ما كنت مهتمة بالدكتورة .. لأني أعتقد ان الدكتورة مجرد مساعدة نفسية لا غير.. والتيسير بيد الله..
وعشان كذا قررت أروح لمستشفى خاص مع اني كل فترة حملي كنت اتابع عند مستشفى حكومي..
بس قلت اول ولادة خليني عند خاص أحسن.. ودي مرة بدكتورة حنونة تداريني .. كنت مرررررة خايفة
....... رحت للمستشفى.. قالت لي الدكتورة اللي كشفت علي : الرحم مفتوح حوالي 4 سانتي ..
لازم أحولك عالتنويم ..رح يعطوك تحميلة البراز _الله يكرمكم _ بعدين يودوك لغرفة الولادة... وان شاء الله بالكثير 6 الصبح بتكوني ولدتي.... لأن الطلق حامي معك..
المهم رحت لقسم التنويم .. وخلصت أوراقي..
بعدين دخلوني غرفتي (انا طلبت لوحدي) كانت الساعة تقريبا 12 ونص بالليل.. المهم الطلق يزيييد معي ويزييييد..
صبرت وصبرررت وبعد ساعتين تقريبا.. انادي السستر وأقول لها متى توديني لغرفة الولادة ؟؟
<< البنت أول مرة تولد ما تدري وش السالفة :)
المهم تقول لالا ما راح اوديك.. وماراح اعطيك التحميلة ..لأن نظام المستشفى ما يسمح .. لااااازم بعد الساعة 6 الصباح.. قلت لها يختي انا بولد قبل 6.. !!!! رفضت .. وانا سلمت بالامر وقلت بصبر..
المهم جتني بعدها ممرضة تشيك عالاجهزة وحست اني اتالم كثيير وحسبت .. بين الطلقة واللي بعدها 10 دقايق..
قالت للمرضة السؤولة (اللي رفضت تحولني).. وخبرتها اني مقربة.. وماراح أنتظر أكثر..
المهم جتني وسألتني كم سؤال.. (هي تشكك في كلامي لأني على قولتها بكريه ما دري وش السالفة)..
وبعد كم سؤال جابت التحميلة وعطتني اياها.. ثم رقتني لقسم الولادة.. ..
وهناك .. هاوشت مرررة السستره المسؤولة وقالت هي بكريا ليه ترقونها أكيد توها...
بالأخير قالو يالله ما عليه انتظري هنا.. جت الدكتورة (الأخصائية) المناوبة ذاك الوقت _ حسبي الله عليها إلى يوم الدين_ ومن ذاك اليوم لليوم وأنا أتحيسب عليها.. المهم دخلت قالت خليني أكشف قلت طيب..
جلست على السرير .. هاوشتني والله من قلبها تهاوش..و أنا والله مدري وش تهاوش عليه والله والا وش المفروض أسوي.. قالت لي والله لو ما تصلحين وضعك رح ارجعك للغرفة اللي كنت فيها!! أنا والله مدري وش السالفة!!
حتى اني كنت أقولها .. الله يسعدك شوي شوي.. الله يعافيك.. ... ...!!
المهم.. الممرضة ساعدتني شوي ورحمتني الله يجزاها خير قامت تعلمني.. وتساعدني .. المهم الحرمة كشفت..
أسألها كم فتح؟؟ وكم بقالي؟؟
ما ترد تسفهني وتمشي!! المهم غسلت وجت تطلع .. !! قلت دكتورة كم فتح؟؟ التفتت وهي طالعة وقالت 6 ونص..
ومن غير نفس ترد..
مشيتها.. وسكت ولما طلعت بكييييييت من قلب والله .. مرررررررررررة بكيت وقعدت أدعي عليها.. غير انها عورتني .. بس اسلوبها وهواشها مرة ضايقني..
المهم.. الممرضة ظلت تتابعني ... الحمدلله وبتيسير من ربي .. بسرعة انفتح.. كل شوي تجيني السستر وتسألني وتقول ان شاء الله باقي شوي..
خلاص ان شاء الله انت ولادة قبل أنا روح.. سألتها متى بتروحين قالت 7.. قلت يااارب آلد بعد 7 عشان الدكتورة الخايسة هذي تخلص مناوبتها.. صح اني بخسر هالممرضة بس المهم أفتك من هالدكتورة..
على الساعة 5 ونص.. خلااااااااااااص انتهيت جت الممرضة وكشفت قالت خلاص ولادة ماما.. :(
على طول نقلوني لغرفة الولادة.. دخلت و دخلت الدكتورة.. هي نفسها ... لالالالا ماااااااااااااااااااااا ابي..
المهم .. ما قدرت أقول شي..
المهم قالت: إذا قلت لك ادفعي ادفعي..
تخيلو تجيني الطلقة أمووووت منها.. والاخت ما تقولي ادفعي... !!!.. أمووووووووووووت والله وانا ما أدفع
بعد ما خفت الطلقة قلت لها دكتورة متى آلد.. خلاص والله ما أقدر.. قالت انت بس سدي حلقك وادفعي وتولدين!!!!!!.. (طبعا وهي تنافخ وتهاوش) ... سكت..
لما جت الطلقة أحاول ادفع بس ما أقدر.. لأني أشوف وجهها وهي ودها تعطيني كف.. والله اني كنت خايفة منها والله..
المهم بعد فترة ابتسمت الممرضة وقالت ماما خلاص باقي شوي بس.. يالله ادفعي ألحين تجي طلقة ادفعي والحمدلله كانت الطلقات تجيني ورا بعض .. قلت طيب ألحين ما فيه طلقه.. اذا جت رح أدفع (مره الممرضة عطتني عزيمة وساعدتني نفسيا) .. المهم .. ناظرتني الدكتورة قالت ما فيه طلق ألحين ؟؟ قلت لا شوي بس..
قالت للمرضة روحي جيبي طلق صناعي .. تخيلووووووو.. قعدت أزاعق والله وأترجاها .. تكفييييييييييييين لا .. تكفيييييييييين.. والله بدفع إذا جت ألحين.. حاسة فيها..
ما ردت علي.. جابت الممرضة ابرة ودخلتها..!!!!! ... قسم بالله اني ابكي لما أذكر ضعفي بين يديها..
المهم.. ثواني وجت الطلقة ودفعت .. والحمدلله ولدددددددددددددددددددددددت أخيرا.. وفرححححححححححححت..
ودمعت وابتسمت في نفس اللحظة.. شوي وطلعت المشيمة..
والدكتورة طبعا ساكتة وماااااااااااالها نفس!!
المهم.. جاو قت الخياطة.. أبدا ما أبيها .. بس ما اقدر أقول شي .. لأن نظام المستشفى يقول ان الدكتورة المناوبة هي اللي تقوم بكل شي ومالي حق أتشرط!!
المهم.. قلت لها الله يعطيك العافية.. كنت مررررررررررررة فرحانة اني ولدت..
طبعا ما اترد.. قلت لها دكتورة رح تخيطي لي؟؟ طبعا سفهتني.. راحت.. سألت الممرضة من رح يخيط قالت الدكتورة نفسها!!
جت بعد كم دقيقة .. وجت بتبدا.. سألتها.. دكتورة وش رح تخيطي؟؟ داخلي والا خارجي؟؟؟
طبعا ما ترد.. قلت دكتورة الله يسعدك أنا وش احتاج داخلي والا خارجي.. وماردت!! وبعد ما عدت السؤال قالت: انتي ما تحتاجين شي بس خلك ساكته!!! :( :( :(
والله اني كنت أمووووووووووووت منها.. حسيت انها رح تلعب فيني.. وانها رح تضرني.. وانها خبيثة.. وانها مجرمة.. وانها.. تستغل ضعفي.. كل الأحاسيس حسيتها هذي اللحظة وخفت منها أكثر من كل شي..
آآآآآآآآآآآآه والله احساس مؤلم..
خلصت خياطة وهي تهاوش ونفسها خاااااااايسة كعادتها ..
وخلتني السستر شوي انتظر لما تجي تكشف علي.. عشان يودوني لغرفتي..
بعد تقريبا ساعة الا جت وكشفت وقالت خلاص نزلوها..
نزلت .. بس كيف ووشلون..!!؟؟ ... بنفس ربي الواحد أعلم بها.. أنتهيت نفسيا أكثر من كل شي..
والله والله .. أني كنت.. أفكر بتعاملها وأبكي للحيييييييييييييييييين ..
الله لا يسامحها إلى يوم الدين..
سبحااااااااااااااان الله.. المكتوب مكتوب.. أنا كنت بمستشفى حومي وخليته وتخسرت بس عشان أبغى معاملة حلوة.. وهذا اللي لقيته..
قولو آمين.. الله لا يوريكم اللي شفته.. ويكون بعوني لأنسى..
شكرا لقرائتكم سطوري.. وتحملكم لكلماتي... و لفضفضتي..
:) :)
يلزم عليك تسجيل الدخول أولًا لكتابة تعليق.
evenstar
•
اي مستشفى هاد؟؟؟
والله اني اسمعك واتالم لاني في الشهر الاول تذكرت ذيك الحظات الي نكون فيها تحت رحمتهم ودنا بلمسة حنيه المهم انك قمتي بالسلامه الحمدلله الله يخليلك طفلك ويساعدنا يارب
أولا الحمدلله على سلامتك أختي
ثانيا أنتي من أي منطقة لأنك بصراحة أرعبتيني أخاف يصير لي زيك الله يستر :icon33:
ثانيا أنتي من أي منطقة لأنك بصراحة أرعبتيني أخاف يصير لي زيك الله يستر :icon33:
اناعن نفسي ولدت في العسكري قبل 4سنوات لقيت اسؤامعامله لدرجة السكيورتي حق البوابه قال لزوجي ليش تجيبها هنا طلعها اذاباقي مطوله الحمدلله على كل حال
الصفحة الأخيرة