قصة ولادتي اللي تحولت لقيصريه> بكريه خووووافه

السلام عليكم
أدري أني متأخره بس شسمه النونو أشغلني ههههه

بسم الله نبدأ

كانو محددين موعد ولادتي 25/12/2009
ومآولدت إلا 7/1/2010 بيني وبينكم آنا ماكنت أمشي كثير كنت أنتظر السنه الجديده ههههههههههههه
بعد ماخلصت مواعيدي مع دكتورتي وأعطتني ملفي رحت لأهلي بتاريخ
15/12/2009وجلست عندهم ولاعندي طاري ولاده أبد وتمر الأيام ولآأحس بشي بس
طآيحه بالأكل خخخخخخ
مدري وش جاني مع أن في بداية حملي مآكنت أكل أبد ولما وصلت السابع مريت بظروف صعبه ومرض الوالد الله يخليه لنا ويطول بعمره دخل غيبوبه 10 أيام كانت صعبه حيل علينا ماكنا نآكل خصوصا أنو كان بآخر رمضان والعيد كان حزن الله يبعد عنا الأحزان أجمعين
وأبشركم هو اللحين بصحه وعافيه يارب لك الحمد
نرجع لموضوعنآ > أحلفي خخخ
شسمه والولداه الله يحفظها كل يوم تحسب لي وتقول ليه مآتولدين لأني أول بنت بتفرح فيني
لكن الدعوه طولت هههههههههههههههه
وبيوم الثلاثاء 5/1 أصرت أنا نروح المستشفى وأكشف المهم رحنا ودخلنا ع الدكتور وطالع فيني
قال عايزه إيه > يوم قال كذا ويطير قلبي بغيت أهرب وتمسكني ماما
وتقوله السالفه وياخذ ملفي ويجلس يحسب مدري وش يسوي وبعد ربع ساعه وهو يرفع راسه > بدري خخ
قال لا لا ماينفعش
قالت ماما وش
قال ضروري أكشف رفضت وقلت أبي دكتوره قال أوك ويطلعنا فوق للكشف وتجي الدكتوره تكشف
آخ يغيت أموت من يدها :icon33: > قالت مفتوح 2 ونص قال الدكتور حلو يالله تنويم أن شاء الله تولدين بكرا
قلت بنطلع للبيت بس رفض الدكتور يقول أنتي بالعاشر لازم كل ساعتين نراقب نبض البيبي
المهم دخلنا وجلست أمشي كثير بالممرات ويوم جت الساعه 9 إلا ويجيبون لنا حرمه بنفس الغرفه
وسألتها الوالده وشفيك قالت أنها رايحه تتعشى عند حماتها وتقول على العشى إلى شي ينزل مني تقول
ماي كثير بلل كل ملابسي طلعت موية البيبي هههه من جد موقف يفشل المهم يركبون لها المغذي
ويحطون فيه أبره سألتهم وش الأبره قالو عشان الألم يخف وبعد شوي إلا وتقوم تصارخ طلعوا حاطين
لها طلق صناعي حسبي الله عليهم ياحرام من قو الألم قامت تستفرغ وربي رحمتها حيل تعذبت وصراخ
لين الفجر وأخذوها لغرفة الولادة عاد نمت أنا يوم صحيت الظهر وأسأل أمي عنها قالت للحين مآجابوها
ونروح نسأل الممرضات قالوللحين ب الولاده تعذبت حيل ولا طلعت للغرفه إلا 1 الظهر وهي تبكي
تقول شفت الموت وبعد 7 ساعات من العذاب قررو يشفطوا البيبي بالكهرب > آنا هنا طار قلبي وحسيت
أني متضايقه حيل وماعاد أبي أولد > ليه بكيفك هو :icon33:
المهم نادوني للكشف وكشفوا 2 سم شكله من الخوف :icon33: وسوت لي تحريض الله ياخذها وآنا أصارخ
وسوو تخطيط وقالت لي أمشي كثير إن شاء الله بعد التحريض تولدين اليوم وأمشي وأمشي يوم جا المغرب ويجي الدكتور
قال إيه دا أنتي لسا ماولدتيش قال راح أكشف عليك رفضت لكن أصر المهم وكشف وقال بكرا الصباح
إذا ماولدتي بنحط طلق صناعي رفضت لكن ماما تقول خليهم يحطون شكل مآعندك طاري ولاده ههه
تعقدت جلست أمشي لكن كنت أحس بخووف وكنت أقول يارب مافي مفر:icon33: وطول الليل أبكي وأدعي:icon33::icon33:
صباح الخميس الساعه ست جو الممرضات أعطوني اللبس الأخضر وآنا أرجف من الخوف قالو أفطري
وتعالي المهم مارحت لهم لين جو يسحبوني من الغرفه خخخخ
ودخلوني وركبو التخطيط ورجولي وربي ترجف بعد شوي إلا يتجمعون الممرضات ويعيدوا التخطيط
قالوا مافي كويس مدام شكله من الخوف ويطلبون الدكتوره وتجي يوم شافت التخطيط قالت يمكن تبرز
الجنين تفتح الماي قالت لونه كويس وتروح تتصل ع دكتوري وهو في بيته وربع ساعه إلا هو عندي
شكله توه صاحي من النوم :icon33:
ويشوف التخطيط قال لازم ندخلك الحين ل العميله وأجلس أبكي قال يله بسرعه وقعي الجنين تعبان وقعت
وقلت لحظه بروح للحمام أضحك عليهم وأروح أركض أخبر ماما كانو بيدخلوني بدون ماتعرف
المهم رجعت وجت الممرضه بتركب القسطره قلت مابي إذا خدرتوني ركبوها قال الدكتور لا مافي وقت
بسرعه ويجي ويركبها ويسحبوني ع غرفة العمليات وآآآآآآآآآه يالخوف كانت الساعه 8
حطو الكمامه بسرعه ويجي الدكتور يغسل بطني وآنا أصارخ جلس يضحك يقول لسا دنا بغسل بس
بعدها ماأعرف وش صار بعدين صحاني الدكتور وقال خلصت لكن ماكنت أشوفه الدنيا كانت تدور وتخيلوا ماقال وش جبت
سبحان الله ماكنت أردد إلا ماما وين كنت خايفه عليها لأن فيها سكر ويوم شفتها ع راسي أرتحت وأسمع
صوت أذان الظهر بعدها نمت تخيلوا يوم كامل ماصحيت إلا من بكرا إلا وماما تقولي جبتي بنوته تهبل
بس من قو الألم ماقلت بشوفها :icon33:

تعذبت حيل بالعمليه وماكنت أقدر أتحرك وأقسى شي مر علي النزول من السرير بعد العمليه
لكن أجر أن شاء الله
للحين قصة ولادتي تدور في بالي مستحيل أنساها :icon33:


وأنتهت القصه واللحين معي أحلى بنوته باقي شهر وتكمل سنه فديتها :35:

دعواتكم لها بالصلاح ولي أني أنجح بإختباراتي