قصة ولادتي المتعسرره

قصه ولادتي المتعسررره
بقولكم اول شي من بدايه حملي وانا تعب في تعب طبعا جاني سكر حمل وضغط حمل وتعب ي اما سكر عالي جداا او هبوووط والضغط كذالك
اكثر من مره ماعرفو يسيطرو عليه بعدها عملت حميه للسكر والضغط للاسف استخدم حبوووب تنزل الضغط الحمدالله ع كل حال
يوم وصلت الشهر السابع قالو لازم ولاده لو مانزل الضغط وبعدها زادو لي الجرعه صرن اكل حبوب الضغط ثلاث مرات باليوم حبتين النهار حبتين العصر وحبتين الليل وطلعت من المشفي والحمدالله
مرت الشهرين الحمدالله بعدها دخلت التاسع بس اخذت منه تقريبا 6 ايام وكان موعدي يوم الثلاثاء تاريخ 9-4 دخلت علي الدكتوره وتقيس ضغطي وطلع 155 على 105 مافي فاايده مع الحبوب قالت طلعوها تنويم ومن بكره تاخذي صنااعي وقلت ان شالله لان الجنين بسم الله عليه بدا يتعب من الارتفاعات المفاجئه للضغط والسكر وجا يوم الاربعا تاريخ 10-4 وبيعطوني الطلق الصنااعي لاكن الضغط والسكر مرتفعيين وماقدرو يعطووني
فاعطوني حبتين للضغط وابرة انسولين عشان ينزل السكر ويعطوني الصنااعي
جات الساعه وحده الظهر واعطوووني تحميله الطلق الصنااعي وبعد ساعتين بدا الطلق يشتغل جاو يقيسو طلع واحد ونص استاانست احسب بس كم ساعه واولد
والطلق كل ماله ويحمي وانا اصاارخ وماستفدت واخذ نفس ولافي فايده واصرخ وتجي الدكتوره تقيس تقول لسا اثنين سانتي
وانا اقرا قران واردد لاحول ولاقوة الا بالله
جات الساعه تسع ونص الليل وجات الدكتوره تقول باين من التخطيط طلق قوووي بكشف عليكي ويوم كشفت قالت بس اثنين سانتي الرحم عندك قاااسي وانا تعبت زياده ووقتها ارتفع علي الضغط وعيوني صرت ماشوف فيها تعبت حييل والطلق كل ماله يصير حااار حاااار وجات الساعه خمس واسمع اذان الفجر وانا على حطة ايدك جاتني دكتوره فلسطنيه قالت بعملك تحريض بيدي ودخلت يدها وسوت حركه اححححح بغيت انط للسقف وطلعت سدادة الرحم ماده غليظه تتمغط مخلوطه بدم ويششتد الطلق اقوووى من قبل يارب ترحمني برحمممتك يارب افرجها علي يااارب
بعدها بديت اترجاها تعطيني مسكن قالت لازم انزلك ولاده وهم يدونك مسكن ونزلووني ولاده جاتني مصريه جلست اتحسب عليها قالت امال منزلين دي وهي لسا ثلاثه سانتي انا عندي اللي خمسه واللي سته تجيبو لي دي
وانا في كرب عظيم بديت اشد شعري من حرارة الطلق
ويجوني بنات متدربات من كلية الطب واترجاهم يعطوني مسكن بس نص ساعه ع الاقل جاء اليوم الثاني وانا ماولدت احس بيغمى علي خلاص
وتعطيني المتدربه السعوديه مسكن ابره في الورك بس الطلق شغال وبعد ساعتين يشتغل الطلق
ويجون يقيسةن يقلون لسا ثلاثه سانتي ونص وانا امووت على حراره الطلوووق اللي تجيني بس الرحم مايفتح قاسي جداااا
بعدها دق زوجي علي يقول بشري ماولدتي قلت لاوالله ع حطة ايدك قال دعيت لك بين الاذان والاقامه الله يسخر لك دكتوووره زينه وسكرت من زوووجي
سبحانه استجاب دعائه جاتني فلبينيه دوامها الصباح وكان وقتها الساعه ثمان الصباح وكشفت علي قالت ماما رحم انتي قاااسي انا اذا جاك طلق بوسع لك بيدي والحمدالله وجاتني طلقه قوويه ودخلت يدها وسعت لي الى اربعه سانتي وبعدين جاتني طلقتين والطلقه الثالثه وسعت لي بيدها من اربعه لخمسه
وبعدين راحت عني وانا اطلق وطلق حااامي وجاتني قالت نفسه خمسه يلا اذا طلق بوسع لك وبفتح موية الراس ووسعته الى 6 سم ودخلت انبوب وفتحت مويه الراس واشتد الطلللق لايحتممل ابدااااا
وراحت عني تولد اللي جمبي وجاتني وحده هنديه وكمان قالت راس بيبي فوووق اذا يجي طلق دفي بقووه وانا بوسع لك وبنزل الراس شووي
وتجيني طلقه قووويه وتوسع وتنزل بطني ع تحت اح الام قووويه ومتحمله حيييل بس ابي اولد وربي يفرجها علللي وفتحته الى سبعه سم وجاتني طلقه وكمان نفس الحركه وسعته لي بيدها الى ثمانيه سم وبعدها حسيت بالدفع خلاااص طلقات ورا بعض حااارين ويشيلو مني التخطيط ويقلون خذي نفس بس ماقدرت حسيت بالدفع وادفع واح احس بحراره الراس وادفع وتقولي لاتدفعين لسا ماوصلنا غرفه الولادة ويطلع الراس وتجي طلقه ثانيه ويطلع الكتف وبعدين طلع كله يوم طلع كله وصلت غرفه الولاده يارب لك الحمد
وانفتح الجرح السابق وخيطوني 7 غرزات وبعدها جاني طلق المشيمه بغت تنفصل قالت الدكتووره الحقوني الميمه بغت تنفصل عن الحبل السري والحمدالله جاتها السستر وساعدتها وجتني طلقه ودفعت وطلعت الحمدالله
وولدت احلللي حمووودي ماشالله تبارك الله الساعه 11 الصبااح يوم الخميس يعني طلق يوووم كاااااامل حطولي الطلق يوم الاربعا الساعه وحده الظهر وولدت الخميس الساعه 11 الظهر الله يكتب لي الاجر ياااارب
بس اخذوووه طيران ع العنايه المركزه السكر عنه نااازل وكمان الصفايح الدمويه عنده اقل من المعدل الطبيعي ومعااه ثقب في صمام القلب الله يشفيه ويعااافيه يااارب

دعواااتكم لولدي الله يكتب له الشفاااء يااارب