قصة ولادتي المروعه خخخخخ

اولا ابي اقولكم شي مهم جدا لا للخروع لا للخروع لا للخروع:42:
اولا انا ولدت بالأسبوع الـ38 جا يوم السبت بالليل وانا بي اوجاع بسيطه انا احسبها سواليف الليل
المهم جلس معاي الوجع خفيف الى يوم الأحد وقلت لزوجي يسوي لي موعد اليوم لازم
ادخل على الدكتوره ما ودي اروح للطوارئ وانا ما دخلت على دكتورتي
ورحت لدكتورتي وقالت بسوي لك فحص وسوت لي فحص وتحريض للولاده لأنها لقت
الرحم مفتوح 1 سانتي او اقل وفتحته لي 2 سانتي ورحت للبيت وجلس بي وجع ويوم جا بالليل
طفح الكيل الطلق مو راضي يحمى ورحت شربت خروع شوي مررره يمكن ملعقه صغيره
والله لايوريكم اسهال يموت انا شربت الخروع الساعه 9 بالليل وبدأ معاي الإسهال 12 بالليل
وزاد الم الطلق وتسبحت ووديت بنتي هي والخدامه عند الجيران وتوكلت على الله المهم دخلت عليهم
والممرضات فاضيات ماعندهم غيري حطوا لي جهاز التخطيط وطلع معاي طلق خفيف
جلست على هالوضع الى الساعه3 الفجر كلمت زوجي وقلت له تعال خذني شكلي ماراح اولد
اليوم ويوم سكرت من زوجي السماعه حسيت بشي يطقطق كأنه باب خخخخ:22: والا تنزل علي
المويه انا استانست وتشققت من الوناسه قرب الفرج قرب الفرج:icon28:
والا دخل علي زوجي يبي يطلعني على مسؤوليته طبعا بطلب مني قلت لا ما ابي اطلع خلاص الحين بولد
والله انا مصدقه عمري على بالي الولاده بدقايق وانا خالصه بدأ الطلق يحمى يحمى والرحم 3 سانتي
بغيت اموت من الطلق تقولون واصله والطلق حامي والرحم ما انفتح وكل شوي كشف وتحاول
الدكتوره توسع لي بس مافيه فايده مو راضي يفتح الرحم جا الساعه 7 الصبح وقلب البيبي بدأ
يضعف ويتعدل يضعف ويتعدل قالت لي الدكتوره اي احب لك طلق صناعي او عمليه:( قلت لها طلق
صناعي وياربي حطوا لي الطلق واعوذ بالله تقولون شفت الموت بين عيوني طبعا لولا الله ثم الكمام
اقصد الأكسجين اللي يعطوني اياه كان سويت فيهم شي ما احد يسويه طبعا بديت اتكلم كلام
ما ادري وش اقول فيه اقول للممرضه ان الأكسجين هاذا مثل الخمر والممرضه تضحك تقولي
انتي فيه يشرب خمر قلت ايه قبل لأتزوج يعني انواع الخذاريف والخبال ما ادري وش صار لي
اصلا ما ادري عن الكلام اللي بديت اقوله جا الساعه 9 ونص بديت ادفع طبعا محد يدري اني
خلاص وصلت لأن غرفة المخاض غير عن غرفة الولاده ويوم سمعوني الممرضات جو طايرين
ويوخرون عن الشرشف والا يشوفون راس البيبي وركضه بالسرير على غرفة الولاده ويصرخون
علي يقولون لا ما في ادفع وانا ما ارد عليهم وادفع باقوى حيلي وجت الدكتوره طايره
ودفعت دفعتين وطلع خالد حبيبي ونور عيوني وقلبي على هالدنيا ونورها وزينها بعد
وبعدها رحت بآخر نومه وما قمت الا بعد الولاده بساعتين والحمدلله تسهلت هالولاده بس طبعا
اصعب من ولادة بنتي البكر بمليوووووون مررره
فأنصحكم نصيحه لا تشربون خروع ولا شي لأنه يحمي الطلق ولا يفتح الرحم ابد
واتمنى انكم استفدتوا من تجربتي:26: