السلام عليكم و رحمة الله وبركاته
أبشركم ولدت و جبت أجمل ( زياد ) بالدنياااا لينضم لأخوه ( فارس ) ربي يحفظهم لي و يرزقني برهم :icon28:
طبعا صار لي 7 ايام والده
وهذي قصة ولادتي :
موعد ولادتي كان 27_7 اللي هو يوم الاحد لاكن عدى بهدوء و سلام و لافيه اي بوادر يوم الاثنين قلت خلني اروح اسوي تحرض احسن ورحت لعيادة قريبه من بيتي وحرضت لي الدكتوره قالت مفتوح 1ونص وبعد التحرض فتح الى 2 وقالت شربي زيت خروع و امشي اليوم كثير ان شاء الله مايجي بكره الا تولدين .. قلت لها شووووورج وهداية الله وشربت الخروع الثلاثاء الضحى الساعه 11 وماجات 2 الظهر الا تطيح السدادة قلت احمممممممممممممدك يارب جا الفرج خلاص :7_5_131:
وبدت معاي طلوق خفيفه جدا والدكتوره قالت لي اصلا تعالي لي بكره اشيك على الرحم بعد التحريض اشوفه فتح اكثر او لا ومارحت الا الاربعاء الصباح صحيت على الساعه 10 ورحت قلت خلني اشوف وش التطورات كشفت علي قالت لسه 2 سم بس بحرض للمره الثانيه و ان شاء الله يفتح اكثر المهممممم انا بس نزلت من السرير وتنفتتتتتح الموياااااااااااااااا علي :o
وشافتني الدكتوره قالت يلا طيراااااان على المستشفى ورحت ونوموني كانت الساعه 11 الظهر و الطلوق كانت جدا بااااارده
المهممم ضليت على هالحال الين الخميس الساعه 11 الظهر لان من عادتهم المستشفى اذا نزلت موية الجنين يصبرون عليج 24 ساعه اذا ماولدتي يتصرفون ويبدون شغلهم معاج جاتني الممرضه وقاست لي وهنا الصدممممممه تخيلوا لسه 2 سم :23: انفجعت و تحطمت و حطوا لي طلق صناعي عشان يحمى الطلق عندي لان خلاص مافيه وقت الموية نزلت كثيير .. لما جات الساع 4 العصر جات قاست لي لاني بديت اصارخ و يشتد الطلق عندي وصار متواصل وبكل ثقه تقول اتوقعه وصل 6 او 7 خلاص حبيبتي هانت وانا اقول يااااارب المفاجاه انه صار 2 ونص بسسسسس قالت مستحيل تبقين كذا يلا غرفة الولادة وودوني و ركبوا التخطيط و المغذيات وزادوا جرعة الطلق الصناعي وانا مييييته وضليت على هالحال الين 9 فالليل صاح جهاز النبض ان نبض البيبي بدى يضعف مع كل طلقه و جوا اكثر من دكتتورة تجمعوا حوالي و بدوا يتكلمون برموز طبيه طبعا مافهمتها و شكوا بجهاز التخطيط نفسه وغيروه و الوضع نفسه النبض يضعف و جات دكتوره سعوديه و فصلت التخطيط عني و ركبت لي تخطيط داخل الرحم من تحت مؤللللللللم جدا جدا اااخ بس :06: قالت لازم نتاكد اذا النبض زين او لا بعد ما شافت التخطيط و تاكدت منه راحت بكل قوتها فصلت الاسلاك تخيلوا و الطلق الصناعي مركب بيدي سحبت الابره مني بكل قوتها و انا ميته الم قامت تصارخ عليهم وهم بسرعه توزعوا كل وحده راحت تسوي شي و انا مدري ايش تقول كلامها مو مفهوم لي مع اني اعرف انجليزي لاكن كلامهم مع بعض طبي بحت وهذا لمصلحة المريض طبعا
شوي وجابت لي ورقة رسميه لاكن مو مكتوب فيها اي تقرير او شي قالت بصمي قلت خييييير ابصم على شنو قالت يابنتي بصمي وبعدين حنا نعبيها مافيه وقت قلت لها ماراح ابصم الين تعلموني ايش صاير قالت لو تاخرنا بنفقد الجنين وانتي برضوا وضعج الصحي يتدهور بسبب ارتفاع الحرارة توصل لـ40 و الضغط 130 فـ قررنا لج عملية :08:
هي بس قالت عملية انا صرت كذاااااا >> :23:
وفووورا ودوني الغرفه سبحان الله لها هيبه والله كانها مصلخ مو غرفة عمليات نشف دمي وانا اسمع المقصات و اشوف السقف المخيف حقها باللمبات الكبيره يالله رحمتك بس شعور لا يوصف المهم بدوا يجهزوني و يغسلون بطني و جات الدكتوره ماسكه المشرط قداااامي تخيلووووووا وفجاه قمت اصررررخ تراني وااااعيه لا تسوين شي وبس حطوا لي الكمام 3 ثواني وانا بعالم الاحلام و صحيت على تصطير الممرضه لي خيييييييير
مداااام مداااام وتسطر فيني اثاريهم خايفين من الحرارة و الضغط فما يبوني اطول بالبنج اكثر :laughing:
وبس ركبوني لغرفتي :11retcher
وضليت 5 ايام بالمستشفى وطلعت الحمدلله و ربي يعين و يسهل على كل حامل ان شاء الله
بس والله ان اللي ماجرب العمليه يجيه وقت يتمناها اصلا بس بالنسبه لي لو بدعي على عدوتي بقول
( عساها تولد قيصرية ) :06:
الله لا يوريكم ما شفته من الم قومه و الم رضاعه و الم النوم حتى كان لي حسره بس الحمدلله على كل حال
اتمنى اكون ما طولت عليكم
بالمختصر المفيد
ابتعدووووا عن الخروع و التحريض و خلوه على الله وقت ما يطلع يطلع شوفوني انتهى فيني المطاف لقيصريه بسبب فتح الماي من التحريض و الرحم عيا يفتح من الخروع و اكثر من وحده صارت لها هالسالفه بس ياليت سمعت الكلام ..
استودعتكم الله
.. آلطرف آلكحيل .. @altrf_alkhyl_2
محررة ذهبية
يلزم عليك تسجيل الدخول أولًا لكتابة تعليق.
الصفحة الأخيرة
والله ييسر لناااا