قصة ولادتي المعقده حييييييييل

سلام عليكم حلوات


انا طبعا ولدت قبل 12 يوم بتاريخ 16 مارس

المهم ولادتي بدات من تاريخ 13 الفجر قمت الله يعزكم للحمام .. وعادي مافيني شئ يعني طلعت السرير حطيت راسي الا شويه احس كانو بسبوس مويه انفتح وانا طبعا بكريه وانفجععععععت مرررررررررررررررررررررره وصنمت في مكاني وكنت عند اهل زوجي قعدت انادي وابكي وانا في مكاني لين جات عمتي وهدتني وكدا

المهم قمت دقيت عالمستشفى وقالولي تعالي بعد 12 ساعه وانا طبعا مافيني لا طلق ولا وجع ولا اي حاجه ومبسوووووووووطه كنت على بالي كدا الولاده مافيها شئ المهم بعد ماعدى 12 ساعه كان الساعه 6 المغرب رحت المستشفى وسوولي تخطيط القلب والطلق وماكان فيه طلووووووق ابدا
قالولي خلاص روحي وتعالي بكره الساعه 3 الظهر

رحت البيت ونفس الشئ مافي اوجاع ابدا واخدت عسل وقرفه وكل شئ ونفس الشئ مافي الام اليوم التاني الساعه 3 رحت عندهم نوموني في المستشفى وقالولي طلق صناعي لازم لانو مافي طلق المهم الساعه 2 الليل دخلولي تحاميل ونفس الشئ تخيلووووو مافي طلق ابدا جا الساعه 11 الصباح قالو لازم نعملها طلق صناعي اقوى اللي هو الابره وودوني قسم الولاده واخدت الابره هناك كانو معايه زوجي وعمتي ام زوجي

اخدت الابره الساعه 12 الظهر بيدي طبعا زي المحلول الابره مجرد ماخدتها الطلوق والرعب والهوس كلو بدا مع بعض اخدت الاكسجين اللي ماستفدت منه غير فقدان للطاقه مافادني باي شئ والله المهم الطلوق ورى بعض كل دقيقه تقريبا جا الساعه 5 وقالو ينشيك عالرحم وانا اتوقعت اقل شئ بيكون مفتوح 5 سم بس التحطيييييييييم النفسي جا ومانفتح غير 2 سم تخيلووووووو انا هنا جن جوناني جا الدكتوره وقال لازم نزيد مفعول الابره وزادوها والله يابنات الم يجننن ويخبل بعد المهم قررت اخد الابره الي تناخد عن طريق الفخد واخدتها ونوعا ما ريحتني شويه المهم مفعول الابره راحت والام زاد وزاد جا الساعه 9 شيكو على رحمي وتحطيم للمره التانيه انفتح 3 سم بس المهم يابنات الدكاتره والنيرس كلهم مستغربين ليش الرحم مو راضي يفتح بالرغم من انو مفعول الابره كبييير والمفروض يفتح بسرعه وقامو زودو المفعول اكثر لين الساعه 12 شيكو علي والرحم تخيلو كم فتح .............


الرحم نفس الشئ 3 سم وانا خلاص والله بغيت اموت وزوجي وام زوجي يهدون فيني جا الدكتوره وقال اعطوها اقصى حد من مفعول الابره وقالي الالم ماراح يحتمل لين ماقنعوني بابرة الظهر وجا بروفيسور وكلمني عنها ووافقت اني اخدها بعد تردد كبير مني ومن عمتي كمان كانت مره خايفه اني اخدها من كثر ماسمعنا عنها اخذتها المهم وريحتني مرررررررره جا الساعه 2 شيكو عالرحم انفتح 4 سم يعني كل ثلاثه ساعات ينفتح رحمي 1 سم بس جا الدكتوره وقال اعطوها فرصه الين الساعه اربعه لو مافتح الرحم اقل شئ 6 سم عالطول عمليه قيصريه هنا خفت مررره والله يابنات وقعدت ادعي ربي اني اولد طبيعي وكدا جا الساعه 4 شيكو عالرحم الحمدالله والشكر لله فتح الرحم 6 سم المهم جات الساعه 8 وكان رحمي خلاص مفتوح كاااااااااااامل وبديت ادف دفه ورى دفه

صار مالم يكن في الحسبان بعد كل التعب والطلوق نبض البيبي ضعففففف وكان وضعيته غلط نايم على ظهره تقريبا جو اعطوني مخدررررر كاااااااااااااااااامل وقالولي لازم سحب واذا مانفع السحب عالطول قيصريه وخلونا نوقع عالاوراق
وخلاص بديت ابكي واخاف وقعدت ادعي ربي يسهل علي وان البيبي يطلع بخير لانو السحب سمعت انه مو كويس المهم اخدت المخدر وودوني غرفة العمليات وصرت بااااااارده يابنات كاني جثه والدكاتره كلهم حوليني وانا مو حاسه بشئ شويتين قالولي دفي وانا طبعا مو حاسه لا بام ولا بطلق ولا شئ دفيت اول مره طلع راسو وشويتين دفيت مره تانيه وطلع البيبي ورموه في صدري وسبحان اللله نفحه من نفحات الله نزلت على صدري ونسيت كل شئ وضميت جنيني وبكيييييييييييييييييييييييييييت لين اخدوه مني ومسحوه من الدم اللي كان فيه وكدا وشفت فرحة زوجي وعمتي فيه وكلنا بكينا والحمدالله يارب طلع بخير وصحه وعافيه كان وزنه 2.8 صغير شوي والحمدالله ربي عوض صبرنا خييييييير
الطفل هذا جا بعد تعب خمس سنين وبعد اربع اجهاضات وكان فرحتنا كبيييييره الحمدالله

وسميته عمار فديته ماشاء الله ..... الرجاء الانتباه للفظ الجلالة والمشيئة.. عالم حواء عليه يجنننننن

وخلصت الحكايه