قصة ولادتي الميسره بفضل الدعاء ....

السلام عليكم ورحمة الله


كيف حالكم اخواتي .. اعذروني عالغيبه ويعلم الله انكم في بالي وادعيلكم

حبيت ابشركم اني ولدت الحمدلله ونزلت الاثقال ورزقني الله في بنوته قمر وعمرها 18 يوم

ولدت يوم 20 رمضان اول يوم بالعاشر وماشاء الله كانت ولادتي سهله

وقبل لااقولكم وش سويت انصحكم يااخواتي بالدعــــــــــــــــــــــــــــــــــــــــاء في كل وقت بهون الطلق وحسن الخلق

قصة ولادتي كأنها حلم بالنسبة لي لاني عانيت بولادتي الاولى يومين بالمستشفى لكن هالحمل غير

كان عندي موعد مع الدكتوره يوم 16 رمضان وقالت الرحم لسه 1 سم بس راس البيبي حيل نازل للحوض

ونصحتني بالمشي ..واستمريت اربع ايام وانا امشي خطوات متباعده وسريعه وظليت اشرب قرفه مع كف مريم

ومنقوع الزعفران بماي زمزم ...وفي صباح 20 رمضان حسيت بمغص خفيف وصبرت و قعدت اقرى سورة مريم

واوصي الحوامل بقرائتها بالشهر الاخير ..

واستمر المغص الخفيف كما هو وكنت دايم اقرى عن الحلتيته ومفعولها في فتح الرحم وترددت كثير في استخدامها

لكن باخر لحظه قلت بشمها ان نفعت لعل وعسى وان مانفعت الشكوى لله

وشميتها وريحتها كريهه:09: ورحت للمستشفى الساعه 8 وقالت لي الدكتوره توك 3 سم وطلقك بااارد :44:

قالت بحطلك طلق صناعي لجل يحمى الطلق وحطولي طلق صناعي الساعه 10 ونص وكل شوي يزيد الألم الين

صارت الساعه 12 ونص وانا صرت خلاص ماعاد اتحمل الالم وطلبت كمام مخدر والحمد لله خفف عني كثييير

وبعدها انفجر كيس المويه من نفسه والدكتوره تقولي ماشاء الله رحمك بسرعه انفتح << واتوقع هالشيء من الحلتيته


وجبت بنتي الله يخليها لي عالساعه 1 ونص ... والحمدلله والشكر على التساهيل

وعقبال يااارب جميع الكروشات بالولاده السهله و

والله يرزق كل متاخره بالحمل السليم يااااااارب


ومانسيتكم يابنات حواء من الدعاء :)

واعذروني عالغيبه وعالتاخير ..:26: