قصة ولادتي اليسيرة ببنتي

الولادة اليسيرة مو معناها ما في ألم
الم الولادة معروف، مثل الزلزال الي يهز الجسم
لكن قناعتي تقول
هي ان اذا الله سبحانه اعطاكِ :
التحمل
و القوة
و التوقيت المناسب
و الوقت اليسير و القصير

فهذي علامات التيسير ان شاء الله
و الحمدلله توافرت في ولادتي الثانية ببنتي

بدأت الآلام و انا في مشوار تسوق مع زوجي بس قلت هذي مجرد تقلصات
مثل ما هو معروف الشهر التاسع لازم نحس بآلام ، و انا كنت في الاسبوع الثاني من التاسع
و كان الألم محتمل نوعا ما ، لكن الي لاحظته هو الانتظام
أتألم ..
يختفي الألم ..
بعد نص ساعة يرجع ..


في البيت و للاحتياط اتأكدت أن جميع الأغراض جاهزة
في نفس الوقت الي كان شدة الألم تزيد و الفرق يقل بين النوبة و الثانية
لكن أأكد ان الوضع محتمل و اقدر اتحرك و ادردش بعد في التلفون لما يختفي الألم

الساعة 5 الفجر حسيت الموضوع صار جدي
الألم زااااد :icon36:
الفرق بين الطلقة و الثانية ربع ساعة
بعدين صار الفرق 10 دقايق
طبعا بتسألوني هل كنت أحسب ؟ اي كنت أحسب و عندي موقّت التلفون
كنت صابرة و معتمدة على قوة تحملي
لكن زوجي أصر انه يوديني المستشفى
يقول اخاف تولدين في البيت
و لما وصلت المستشفى قالوا لي مفتوح 6 سم :wink2:
و بعد ساعتين صارت بنتي تضغط بقوة من تحت
و رغم الالم الشديد و التعب و الارهاق لكني حسيت من داخلي براحة لاني خلصت المشوار اخيرا
مشوار الحمل و مشوار الولادة :15:
و طلعت بنتي للدنيا و الحمدلله على نعمته الكبيرة :love: