قصة ولادتي انا (حــــــــلا)

هلااااااااااااااااااااااا بنووووتااااااااااااااااااااااااااااااااااات

ادري اني تاخرت كثيييييييييير بكتابة القصة بس لظروفي ولكسالتي طبعااااااااااااا

المهم اغلب البنات كانوا يدرون اني احاول اولد نفسي بالغصب ...
لما فات الموعد لولادتي بثلاث ايام ... رحت المستشفى وكانت تجيني تقلصات خفيفه
فحصتني وقالت 1 ونص سم ........ وقالت انه لو مر 10 ايام وماولدت بيسوون طلق صناعي
وان شاء الله مايحتاجون ولازم اجيهم باقي الثلاث ايام يسوون تخطيط ... طبعا سوو لي تخطيط بهاليوم وطلع طلق خفيف .....

لما رحت الشقة علم زوجي اهله وتوقعوا اني بولد بنفس الليلة وتسوي حماتي بيض مشوي وبصل مشوي ودارسين ............ شربت كاسين من الدارسين خفت اكثر .......
ولما جاء الصباح شربت كاسين ومشاني زوجي مشوار .... ورحت بيتنا ... جاني مثل التغلصات ...
وزادت عالظهر ... رحت الحمام وينزل مني زي الماء كثر البول ... مرتين بالمره الثانية نزلت قطعة دم صغيرة ......... انا شكيت وقلت لزوجي ...... وصبرت شوي ونزل اكثر ..........
كلت تمر وخذت ادعية الولادة قعدت اقراهم ووداني زوجي مستشفى الولادة ووصاني اعلمهم بكل حاجه وقال شكلهم بيرجعونك ...

فحصوني ولقو مفتوح 3 سم ومسكوني عندهم .........
قلت ابرجع قالوا لا مشكله على البيبي ..... انتي تعديتي يوم الولادة
وتوي بكر

وودوني التنويم .... طبعا انا رحت 4 العصر ... وطلوق خفيفه وكنت سهرانه يومين .....
حاولت انام ماقدرت وجع طلق

وجات امي ووصتني وكانت خايفة وراحت ...لان وقت الزيارة خلص وكانت صايمه
وزوجي ودعني وقال لاتخافين .....!!!!!!!ومبين بعيونه انه يحاتيني
صليت العشاء ......
رحت تمشيت مع الحوامل بالطريق والطلق يزيد وانا اقرأ الادعيه وادعي لاخواني واهل زوجي وكل المحرومات .......واعيد وازيد ......... حتى لما يقوى الطلق ........ وزاد حيل الساعه9 صار كل 5 دقايق ...... انا اسنجنيت ابي انام وماني قادرة اهمز ظهري وادلكه ... لما جات 12 وصار اقوى ... لما جاء الصبح الساعه 9 ومت ماقدرت اتحمل ...... قلت لها شوفي ينزل مويه كثير وانا خايفة عالبيبي ومعاه دم كل ماكشفوا زاد الدم ..........

وكشفت وطلع 4 ونص سم
وقالت يالله عالولادة .......... ووحده نصحتني ماروح لانهم بيبهدلوني ولو تاخرت بيسوون عملية
قلت انا مو كيفهم ...... ورحت ... نوموني وحواليني حوامل لفوا علي شريط التخطيط ودقات القلب وجات ووحده تكشف 6 سم ونص ...... ودخلت مثل المسطره وانكب الماي ........
وانا اتقلب وادعي لكل من وصاني وللكل واعيد وازيد ......... وابي ربي يهون علي
لما وصلت 8 سم ونص زاااااااااااااااااادت موووووووووووت تخيلوا هذا يمكن رابع يوم مانمت مواصلة وطلوق فيني من اليوم السابق ,....

اخذت الممرضة ابرة وطعمتني بها وانا اسالها وش له تقول لي بيتادين ومهديء ومدري وش السالفة
بعدها استجنيت احس بيغمى علي ومخنوقة ومجنونه هههههههههههه
قلت لها ماقدر اتنفس ........
االمهم راحت عني للي جنبي وانا اتقلب وادلك بظهري وابي اصيح بس ماسكه نففسي .....
واسجد على ركبتي واتحرك فوق تحت بقوه ابي اخفف واتقلب والممرضات يهاوشون يقولون مب زين
وانا ماهتم فيهم وهم مشغولات وماقدروا يمسكوني ........طبعا هالشي خفف عني ....
بس والله مووووووووووووت طبعا غير البلاوي اللي صارت لي كل شوي ابي اقضي حاجتي بس منعوني طبعا سويتها :) ......... وقالت لي اروح الحمام رحت اغسل بس حاولت اطلع الباقي
دخلت على الممرضة وهاوشتني انه ممكن اولد وخذت انبوب الماي ورشت علي وتقول غسلي من هنا ومن هنا ......... وتصب بيدي صابون وانا كلش مفتشلة .......... مابيها تشوفني
ولما خلصت قعدت ارجف لان الماي بارد ......ضحكت هي وقالت معليه عشان انا خوف انتي في ولادة
وجابت ثوب ثاني وقالت افسخي ستيانك ... وطلعت برى
بدلت وطلعت وقعدوني بكرسي متحرك
وودوني قرفة التوليد طلع 10 سم مفتووووحه

شافتني اللي تولد وقالت كوووويس اذا حسيتي بالم ادفعي
طبعا رجل يمين ورجل يسار ...............
وانا ادفع بكل قوووووووووووتي ......... وتقول ايوووووووووووووه ايووووووووه الراس اشوفه
يالله بعد وانا اتعب وتقول لي تنفس ....... ويالله ادفه ونفس الحاله بس بعدين قالت لاتدفعين برقبتك ادفعي على قدام لاتسحبين الحديده ادفعيها .......... المهم قبل ماكانت تدري اني طول الوقت اسحبها ...:)
كملت ونشف حلقي ودخت حدي احس اني بمووووت وبيغمى علي خفت يولدوني عملية اذا اغمى علي
واحس اني ضايعه ودايخه وعطشانه ابي مااااااااااااااااااااااي
قالت مافيه ... وجابوا قطعه ثلج .... والله مانفعت بس ريحت شوي
تخيلوا نشفت مرررررررررررة..... ودفتع ودفعت وطلبت ثلج ... واحاول بس والله مووووووووووت
بالنهاية قالت لاتوقفين عشان ماتخنقينه ... وبديت بالدفع وطلولت وهم ايوه ايوه احس بشي قاسي
بس تعبت وابي اوقف قالت لاتوقفين خلاص وصل ..(انا اقول بقلبي لازم احاول ادفع بعد باي طريقة عشان افتك واشوف حبيب قلبي مومصدقة انه بيطلع)
وتندمت اني فكرت اولد :)
المهم ........ وكملت بس مافيه هواء اصلا خلص وصلت اخر الدفع بس حاولت اني مااترك
وقالت اخيرااااااا ايوااااااااااااااااااااااا ايووووووووووه خلااااااااااااااااااااااااااااااااص

طلع الراس ويمسكونه وتشجعت ادفع زيادة وقلت خلاص سحبوووووووووووووووووووه بسررررررررررررررررررررعه
وهم يسحبوووونه حسيت براااااااااااااااااااااااااااااااحه عجيبه .........طبعا وهو يطلع شي يبلبط
ههههههههههههه شي يتزلق
المهم وانا ماغير اطالع فيه مستانسه ولدته 1 الا عشردقايق تقريبا 5/2/1428هـ
وهم يشفطون اللي فيه ... ويقولون ولد ....

وعذبوني بالتنظيف بعد ماطلع المشميه والحبل السري بيديها
قعدت تدخل وتطلع بهالشاش ... وانا اصيح وتضغط ببطني وهذيك تنظف
وانا اقول خلاص........على مسؤوليتي
قالت لاااااااااااا هذي مشكله انتي في نزيف
وصبرت نص ساعه خياطه وتنظيف طبعا دخلت شي يطلع الدم اتوقع ...
وخيطوني ماحسيت بوجع الا لما وصلت عند الشرج ...

وبالموت ودوني ارتاح بغرفة مفتوحه قريب من التوليد وجنبي وحده والده سودانيه قعدت اتكلم معها وانا دايخه .... واحس بكوابيس واتذكر ولادتي والتضغط والطلق ... واصواتهم
حاولت انام بس ماقدرت اسمع صياحهم وكلامهم وهم يقولون ايوا ايوا بعد بعد
اسد اذاني واحاول انام على بطني

ااااااااااااااه من زمان مانمت على بطني ....يازين نومة البطن

المهم ريحت نص ساعه وقمت كلت برتقالة وسلطه بس لان اكلهم شين اكل مستشفيات تعرفونه
وابي اروح غرفة التنويم عشان اهلي وابي ادق عليهم ابشرهم
وسمعت اخوي وامي وخواتي واخواني عند الباب يبون يشوفوني
جاتني ممرضة وخلتني اغير ملابسي وجلست بكرسي وودتني عند الباب وهم فرحانين اني بخير
طلعوني لهم وسلموا علي وتحمدوا لي بالسلامة
وجاوبوا هديا ولحقوني لغرفتي
طبعا قعدت اشكي لهم واسولف عن الولادة
وزوجي الله يهديه بس اتصل وقال مبروووووووووووك بعديه والله سويتيها
وسمعت انه كان يحاتيني ايام الطلق ويسأل امي عني وبنت اخته اللي هي صديقتي
كان مايبي يتصل ويسمعني اتوجع مايدعيه قلبه

المهم كان يتشرى لاهله فواكه وقدوع للحريم اللي بيباركون
لما فضى جاء زارني وسولف معي
وبعدين ... رحت ابشوف ولدي ... بس جابوه لي وكان هادي بس بدأ يبكي وماعرفت وش اسوي له
وامشي وانا اتوجع تخيلوا ... اشكي الحال للمرضات وماهمهم ...اخر شي خذته وجابته ساكت
قلت شفيه قالت جيعان يوم كامل مارضع ...
المهم حاولت انام بس ماقدرت الممرضات داخلات طالعات
وكملت سهر للصبح وصاح من جديد وطلبت رضعه ..
لانه الحلمه توقف شوي وترجع ابتلشت ...

ورحت البيت مع وزوجي ومانت بعد لان امي يجوها حريم وواصلت لليوم اللي بعده وبعده يمكن 8 ايام قبل وبعد الولادة واحس بيغمى علي ........مدري شلون صبرت وتحملت
وثاني يوم غص علي واختنق بالموت انقذته بالشفاطه ... نصيحة اشتروووها
كان مسكر فمه ويحرك وجهه يمين ويسار يدور الهواء وفاتح عيونه المهم شفطت من انفه وفتح فمه دخلت لبلعومه وسحبت من الرغوه اللي بفمه اتوقع بلغم وبدا يصيح ويتنفس ثلاث مرات صارت..
توي الحين قمت انام احسن

بس بعد كل هذا تحمدت ربي على النعمه ........
صدق الولادة مووووووووووووووووت