قصة ولادتي بأحلى معوذة زي ما وعدتكم

السلام عليكم كروشات
كيفكم عساكم بخير
الله يرزق كل محرومة ويهون على كل حامل يارب يامجيب الدعاء
المهم مالكم بالطويلة بحاول اختصر قصتي قد مقدر

ولادتي كانت بمستشفى الهيئة الملكية بالجبيل مع دكتورة باكستانية و 3 قابلات وصدفة كانو كلهم هنديات تعاملهم راقي واكثر من ممتاز كانو يسلمون على راسي ويسوون لي مساج وقت الطلق والبيبي عنايتهم فيه روعة لان ولدي جا 2 كيلو ونص حطوه بالحضانة وكل شوي يعدلون درجة الحرارة لين توصل الطبيعية حقت الغرفة عشان يتعود البيبي

بالبداية هذي صورة معوذي
http://forum.hawaaworld.com/<img title='' alt='20101228141' src='https://d2s63a22uzwg40.cloudfront.net/hw-uploadcenter/up/sites/up.hawaaworld.com/files/links/28807f70c962b75d8273aa38cdd58603.jpeg'/>

طبعا تذكرون يوم اقولكم اني عديت التاسع واخذت لي كم يوم بالعاشر وكتبو لي على موعد للتنويم الاربعاء عشان اخذ طلق صناعي اللي صار انه يوم السبت 19/1 كان عندي موعد واخذت ماما معايه لاني كنت عارفه انها بتكشف المهم قالت لي خليني اسوي لك فحص لعنق الرحم ويمكن فيني اساعدك واسوي لك تحريض لو كان مفتوح المهم انا سلمت امري لربي لان اكره شي عندي بالولادة الكشف من ولدي الاول بس الحمد لله عدت السالفة على خير لان ماما ربي يطول لي بعمرهاكانت تسولف لي وتمسح علي وتبوسني وعدت السالفةعلى خير والحمد لله لقته مفتوح 1 سم بس طبعا هذا الشي طبيعي للي يجيهم طلق كاذب من بداية التاسع وانا بصراحة بين فترة وفترة احس بمغصات وتقلصات بس قالت لي اشربي قرفة وكلي تمر وامشي كثير وربي يسهل عليك لكن لو ما صار شي الاربعاء 23/1 ضروري تدخلي التنويم والاثنين 21/1 يكون عندك تخطيط المهم طلعنا من عندها انا وماما الله يخليها لي ورجعنا البيت واسوي لي دلة قرفة بالحليب واشرب كوب ورا الثاني وعالساعة 1 بالليل رحت نمت طبعا كنت بالليل اتقلب من المغص بس عادي متعودة على الالم خاصة وانه كان عندي نزلة معوية خفت من فترة بسيطة بس ففكرته نفس القصة بس كنت والله اتقلب كل شوي حتى اختي خافت بالليل مرة لاني نايمة عند اهلي وبالصبح قالت لماما اني تعبانة بس ماما قالت عادي الحامل كذه المهم قمت الظهر وتغديت واشرب حليب مع عسل وزنجبيل لين جا العصر وادخل الحمام بكرامة والاقي وانتو بكرامة افرازات بنية مع دم بس ثقيلة حيل طبعا بما اني من النوع الخواف ناديت ماما وشافته قالت الحمد لله ان شاء الله قرب الفرج وبيني وبينكم انا راح الخوف من قلبي لانه عندي طبيعي احسن من طلق صناعي المهم استمرت معي الافرازات كل ما دخلت لقيت شي جديد ورحنا بنده عشان امشي وعشان الدنيا برد عندنا وانا ماحب البرد اخاف تجيني نزلة معوية جديدة ماصدقت افتك منها المهم مشيت بعدها رحنا المنتزه نمشي كان الجو زوين ونسيت اقولكم المغصات كانت مستمرة معي من قمت تقريبا كل 20 دقيقة او نص ساعة ومن باب ان ماما تتاكد قالت خلينا نمر العيادة وتشوفك الدكتورة دخلت عندها قالت مفتوح 6 سم طبعا انا انهرت بكا من فرحتي وجلست احمد ربي طبعا رجعت البيت قلت مابي اروح الا وانا واصلة

المهم كنت شارية لي شوكليت وحليب جالكسي من بنده وبسكويتات وصرت اوزعها على اخواني ما صار لي نفس لشي المهم انا رجعت من العيادة تقريبا الساعة 6 ونص وجلست بالبيت لين 9ونص تقريبا بعدين ماما خافت قالت خلينا نروح احسن توكلت على ربي وشربت لي قرفة واكلت تمر كثير واخر شي اخذت دش دافي وجلست ابوس ولدي واوصي اهلي عليه وطلعنا وجلسناندور حول المستشفى لاني بولدي الاول تعبت لين جتني الالام الحقيقية تقريبا جلست حول 14 ساعة بالمستشفى وانا مافيني الم بس عشان الموية انفتحت علي نوموني ومابي اعيد القصة فكنا ندور حول المستشفى يوم صارت الساعة 10 دخلت الطوارئ وكلمت زوجي واتودع منه واقوله يسامحني ويدعي لي بتيسير ولادتي للمعلومية زوجي بمنطقة ثانية وانا عند اهلي من بداية السادس المهم وادخل واخوي يخلص اوراقي وتجيني الممرضة واقولها انا مفتوح عندي 6 سم وخافت وعلى طول تدخلني كشك الولادة وتجي دكتورة زي العسل باكستانية وتكشف وتلقاه عندي 7 سم قالت الحمد لله ان شاء الله ماتطولي بس بعد كذه استقر وضعي عى ذي الحاله ويوم جت الساعة 2 بالليل وتفتح موية الراس طبعا بعدها صرت بين الحياه والموت لا اقدر اتنفس ولا مسكن نفع ولا كمام نفع وبموت من الطلق ويجيني هبوط بالضغط طبعا صار عرقي يصب وانا ارجف كلي من فوق لتحت ويجيبو لي بطانيه حارة يازينها زيناه ويجيبو لي زي الجهاز من عند رجولي يدف هواء حار والحمدلله بديت ادفى بس المشكلة الالم اللي يذبح واجلس على ذي الحالة لين الساعة 3 ونص وتجي الممرضة تكشف قالت الحمد لله مفتح من 8 ونص لين 9 خلاص الحين اذا في الم من تحت دفي بس انا مو حاسة بشي المهم يوم جتني الطلقة من جديد طبعا صار يجي الالم تقريبا كل دقيقة او دقيقتين من جد شفت الموت ذاك الوقت الراحة الي قبل كلها طلعت بذي الساعتين والله ويوم تجي الطلقة وادف وادف الا فعلا شي يبي يطلع وهم يشجعوني وتجي بعدها يمكن 3 دفعات الا وولدي حبيبي طالع الساعة 4 وربع الفجر يوم الاحد ليلة الاثنين بغيت اموت من الفرحة شعور مرة حلو طبعا بتسالوني ليش اني كنت غبية ومعرف متى بيطلع لان ولدي الاول كانو ساحبينه شفط عشان كذه معرف شي المرة ذي من جد حسيت بكل الم بس شعور حلو احس اني بكرية من جد وبعدها بنجوني وخيطوني وجلست في الملاحظة لين الساعة 6 ونص تقريبا وطلعوني التنويم فوق

الحين ابقولكم نصايحي اللي ان شاء الله انها ساعدتني بعد الله
1- طبعا من اول التاسع وانا امشي كل يوم نص ساعة واطلع وانزل الدرج تقريبا 5 مرات او 10 مرات حسب ما اقدر
2- ونصحتني الدكتورة بمغلي البابونج وكنت يوميا اشرب كوب
3- كنت ادعي ربي كثير واستغفره بنية انه ييسر ولادتي واحسن شي وقت المشي
4- يوم سوت لي الدكتورة التحريض نصحتني بالقرفة بس يمكن عشان ان الرحم كان فاتح معي 1 سم مدري والحمد لله ما اثر علي
5- كنت من بداية التاسع اكل صحن تمر والمعمول بالتمر بعد احبه
6- وقت الطلق كنت ادعي ربي واستغفر ربي وترا الصراخ وربي يتعب على غير داعي صح اني كنت اتالم بس ابكي بصمت وجربت الشهيق والزفير والحمد لله ريحني كثير
وبالنهاية ترا ان شاء الله كلها تجي تساهيل من رب العالمين