السلام عليكم ورحمة الله وبركاته
كيفكم يا حوائيات ان شاء الله تمام وكيف عيالكم وجيرانكم >> سالفتها طويله
بصراحه شفت قصصكم الحلوه وقلت خل اشاركم بقصة ولادتي
اول شي كانت ولادتي بشهر رمضان واتوقع اني خلصت العاشر مو بس التاسع
سبحان الله يمر الشهر كانه سنه
وكنت اكره شي لمن احد يدق علي ويقول هاه ولدتي ما عندك ولاده كانه بكيفي
والله تعبت اخر الايام عشان هالسالفه
المهم كان عندي موعد يوم الاحد وانا فرحانه :icon28: قلت بس الحين بيمسكوني ويقولو نعطيك طلق صناعي >> خبله
ودخلت ع الدكتوره وقالت بنسوي لك تخطيط وانا الضحكه ساقه وجهي وادق ع زوجي ابشرك بيسون لي تخطيط
قال يعني قلت شكلي بولد :hahaha:
وقفلت من عند الرجال وادخل وتحط لي الجهاز شوي تقول الممرضه يلا روح بيت وانا اقول لها وبهين قويه ليه ما فيه ولاده
وتضحك علي تقول لا ما فيه واروح لدكتوره قالت راح نعطيك اسبوع كمان وموعدنا يوم السبت بندخلك تنويم
وارجع مكسورة الخاطر وبقووووه كمان
وجاء ابو الشباب قال يهون علي الموضوع خلاص ولا يهمك بجيب الفطور اليوم من برا وانتي امري تدللي
ورجعت البيت وضيت وصليت وجلست ادعي خلاص طفشت>>مستعجله الاخت وحطيت راسي ونمت لمن العصر صحيت لقي عمتي الله يسعده قدها مجهزه شوربه وفطاير وسلطات قالت اليوم بنفطر عندكم
انحرجت لاني ما سويت لهم شي واذن المغرب وفطرنا وقلت زوجي بطلع امشي وطلعنا ومشيت شوي الا احس اني تعبت مو زي العاده اخذ الممشى روحه ورجعه
ورجعت البيت ودخلت الحمام وانتو بكرامه الا وفيه افرازات بنيه انا خفت وبطني مغصني ما ادري ليه وع طول بس لفيت الفوطه علي وطلعت ادق ع اختي اقول لها قلت بس الحين بتقول روحي المستشفى :icon28:
الا تقول لي ايه ولادتك قربت قلت يعني قالت ما ادري بس دام ما فيه دم او الم يعني يمكن بعد يومين كذا :mad: قلت مع السلامه واقفل بوجهها >> هههههههههه قليلة خاتمه واروح اخذ هالدش الحلو وحسيت اني ارتحت شوي وجلست مع زوجي وتقهوينا وجلس هو ع النت حسين انه فيه شي نزل مني ع طول قمت الحمام
الا نفس الشي بس هالمره مع خيوط دم واخذ جوالي الا فيه اكثر من مكالمه من اختي وادق عليها الا تقولي يا هبله كنت امزح معك بس برفع ضغطك طنشت قلت فيه دم قالت خلاص ما بطولين انتبهي ع نفسك وكلي رطب
قلت لا تعلمي احد قالت طيب بس لا تروحي بدري الا اذا نزل معك مويه واقفل واروح زوجي والبسمه شاقه الوجه
قالي وشف فيك قلت بس كذا
جاتني فرحه مو طبيعيه >> ما شفت شي باقي
وجاني نشاط من الوناسه اني بولد وقمت نظفت البيت ورتبته ودخلت غرفتي وجلست اجهز باقي اغراضي
وباقي عندي جرعات نشاط قمت قلت حرام اترك ابو الشباب من دون اكل وحركات وماله داعي اتعب عمتي معنا
وادخل المطبخ وتعالو شوفو الشطوره وش سوت سويت له سمبوسه ثلاث انوع وقسمتها باكياس وسويت بيتزا وجمدتها وفطاير وسويت صينيتن ودخلتهم الثلاجه
دخل علي يقول انتي مو بصاحيه ليه كذا
قلت بس ابي اشغل نفسي وراح نام وعمتي نامت
جلست شوي ع النت واقراء ما بقيت شي ما قريته هههههههههههههه
قلت خل اجلس مع نفسي يمكن فيه طلق ومو حاسه >> ما يوجع تروا:hahaha:
واوقف واجلس واتسدح والمس بطني الا ما فيه امل الا قرب وقت السحور واقوم المطبخ الا عمتي الله يحفظها مجهزته وناظرت فيني تقول وجهك مو عاجبني :o>> صدمه
قلت كيف قالت احسن ان فيك شي وما تبين تعلميني قلت لا والله بس عشان اشتغلت شوي فتعبت
وجد من جلست ع السحور احسن اني مكسره بس ابي انسدح
وادخل غرفتي واحط راسي واخذت نومه تجنن الا اقوم ع مغص ببطني وكان احد جالس يفكك بعظام ظهري
قلت خل احسب له هالكلام الساعه 7 الصبح وادق ع اختي الدكتوره حقتنا هههههههه >> عندها عيال مجربه
واعلمها قالت احسبي له كم اذا منتظم روحي المستشفى مسكينه صحيتها من النوم
واحسب له طلع كل ربع ساعه قلت اكيد بدري خل اروح اخذ لي شاور يقولون يهدي
واعبي البانيو مويه دافيه وانسدح فيه وبسم الله علي نمت بدون ما احس واصحى ع الوجع واناظر الساعه الا 8 ونص تقريبا والله المويه الدافي شي ثاني تريح الوحده وطلعت وصليت وجلست ادعي وامشي بالغرفه واذا جاني الم اوقف وجلست ع هالحاله شور +مشي+صلاه ودعاء لمن 11 الظهر وكل هالزحمه الي مسويتها بالغرفه
ولاخ يشاااخر ولا عنده احد وخلص ما عاد قدرت استحمل الالم >> عاد من غزة ابره الاخت حساسه
والبس عبايتي والم شعري زين زين اهم شي هو واخذ شنطي واحطها عند الباب واوقف عند راس زوجي واصحيه
يالله يفتح عيونه يقول وشفيك قلت قوم شكلي بولد قال طيب ويرجع يلف راسه تو مالفه الا الي نقز من ع السرير قال ايش ولاده عالالم الي فيني الا اني قمت اضحك عليه ولبس بسرعه وراح عند عمتي وصحاها وقامت يا حياتي فرحاانه ونروح المستشفى طبعا ما اقول لكم عن سواقة زوجي العزيز الي يشوفه يقول خلاص النونو بيطلع الحق او ما تلحق وادخل ويعطوني ملابس والبسهم واروح ع سريري وكانت القابله مره عسوووله فلبينه عجوز بس رهيبه وطيوبه حتى كشفت علي وما حسيت بالالم الي بعض الاخوات قالو عنه قالت 3 ونص
بصراحه تحطمت بس ما عليه كله يهون طبعا كنت بغرفه لحالي فيها سرير لي وسرير للبيبي وكرسي مره زوجي وعمتي يتناوبو عليه والاوضاع الحمد لله كل شي كان تمام والاهم ان زوجي كان معي وكل ما جاني الم اكتم في نفسي واقراء سورة الزلزله وادعي او تسمعيني لا الله الا الله بصوت شوي وعمتي تواسيني ايه اذكري الله والله يهون
وجات دكتوره سودانيه وكشفت علي بصراحه عروتني لانه فتحت المويه
ومن انفتحت المويه بداء الطلق يزيد طلبت منهم الاكسجين وااااااااااااااااااااااااااااااااااااااااااااااااااااااااااااااااااااااااااااو عاد هو شي ثاني من جد تحسين انك عالم ثاني
كل ما جاني الم اشفط واشفط واشفط واشفط واشفط >> الى ما لا نهايه :hahaha: وزوجي يقول هاتي اجرب وانا ارفض اخاف يخلصه علي > هههههههههه تحب عمرها ع 6 راحت القابله وجاى وحده هنديه لليوم اتحسب وادعي عليها والله مهمله مهمله بشكل تروح ولا اشوف رقعة وجهها الا بعد فتره واذا دقينا الجرس جاءت تهاوش
فاعتدمت ع عمتي مسكينه كل ما جائتني طلقه اشرت لها وقامت تمسك ظهري ورجولي وزوجي كان متهاوش هو ووحده عن الباب كل شوي تطرده ويدخل مع باب ثاني لدرجة مره دخل من باب الطواري
واذا جاء لانه الرجال يديهم قويه خليته يمسك اخر ظهري ويدف ع جوا والله يريح كثير ويخفف من الالم الي بالظهر
وكل هالوقت وزوجي يقول والله انك شطوره ما تصيحين
حتى انا استغربت من نفسي ما صرخت ولا بكيت مو بالعاده
اول ما دخلت القسم سمعت حرمه تصارخ بصوت عالي قلت يالله باقي اسوي زيها >> طلعت شطوره ع قولة زوجي :p
نزلت عمتي وزوجي افطرو لانه اذن المغرب وبهالوقت اعطتني ابره بصراحه احبها هالابره خلتني اناااام لاني تعبت نومه يالله يمكن احلى نومه بحياتي >> كم كلمت نومه كتبت خخخخخ
وع الساعه9 كشفت علي قال 7 يلا هانت ما بقى شي
عمتي قالت لي الي عندك بنت قلت وش عرفك قالت جبت 4 بنات واعرف الطلوق
ويجي الالم ويروح والحمد لله كله باجره ان شاء الله الساعه 11 كشفت علي مره ثانيه قالت 10 يلا خلاص ما بقى شي طبعا طول ه الوقت مع الاكسجين حبيب قلبي مره صاحيه ومره نايمه وزوجي يقول خفت بعض الاحيان تضحكين وبعض الاوقات وجهك ما ادري كيف جاي
من قبل شالت عني الاكسجين قالت لا ينام البيبي انا استغرب جاءت كشفت قالت 10 وراحت وعمتي تقول لها وين تعالي ولا عندك احد
وزوجي انطرد برا المستشفى كله مو بس القسم
واحس فيه شي بيطلع وادف وادف وعمتي يوم شافتني ادف راحت نادت عليهم وجاءت وقفت ع راسي وتقول لي دفي دفي واقول لها وين الدكتوره قالت فيه ولاده ثاني وتصيح ع راسي دفي دفي وتعبت وقفت شوي
ع الساعه 1 جات الدكتوره شافتني ورحمتني خلاص تعبت وحالتي ما تسر قرت الاوراق قالت انتي لك ساعتين الرحم 10 وناظرت في الممرضه عاد اول مره اشوف بسمتها قالت دكتور مدام ما فيه يعرف دف
لو رجولي مو معلقه بس لاكان رحت توطيت ببطنها :mad:قالت لي الدكتوره دفي
عاد انا استجمع كل قواي الجسديه عشان ابين لها ان القابله كذابه واعطيها دفه تحبها قلوبكم >>هه لا تدققون
عاد لازم تجمهر ع راسي ثلاث ممرضات يلا بوش بوش حسيت كني في مباراه
ناظرت لا دف كويس خل اكشف عليك وكشف الا الصدمه
الراس مايل حبتين >> حلوه حبتين
ركبو التخطيط مره ثانيه بسرعه الا النبض بداء يضعف قالت يا اختي راح نحولك عمليه ناظرت فيها بياس عاد من اول ما بكيت ولا صحت من قالت عمليه وتعالي شوفي دموعي اربع اربع مو من الالم لا والله من القهر و الخوف ع بنتي
وينزلو رجولي ويحطونهم فوق بعض ويقولو لا تدفي النبض خلاص خفيف عاد مو بكيف احس فيه شي يدف نفسه جوا
ويشلوني ع الكرسي واسمع الدكتوره تهزاء في الممرضه حسبي الله ونعم الوكيل فيها
وادخل غرفة العمليات وامسح بهالدموع ويحطون لي كمام وابره ودخلت بغيبوبه
طبعا دخلت وعمتي بالانتظار ما تدري وزوجي برا
صحيت شفت الممرضات حولي مبرك مدام مبروك مدام
ع طول جاء ببالي بنتي اكيد قلت كيف بيبي قالت الممرضه في عنايه >> لاحظو عنايه
من الفهاوه الي براسي ما ركزت ع الكلمه بس عرفت انها حيه رجعت نمت
ودوني التنويم وصارت الساعه 5 الفجر الا زوجي وخالتي عندي وسالتهم عن البنت وقالو الحمد لله طيبه
حمدت ربي قلت ابي اشوفها تلبك زوجي حسيت فيه شي
الا عمتي ترقع تقول ما يعطونك الا بعد يوم لانك عمليه ما دققت بالموضوع وراحو
وع الظهر صحتني الممرضه وساعدنتي قمت تروشت والله يسعدها حتى شعري مشطته لي وقمت مشيت شوي ورجعت
ويدقون علي اهلي يباركون لي والاقارب وادق ع اختي وتسألني هاه كيف البنوته طلعت من العنايه تو ما لاحظت الكلمه ويرجع لي كل الي امس ما انتبهت له واقول لها ليه في العنايه قالت هاه واساله واحلفها بالله قالت والله ما ندري غير انها تعبت شوي وانها في العنايه
واقفل واجلس اصيح وتهدي فيني الممرضه وبس ابكي وادعي وادق عزوجب قال خلاص الحين جايعند الباب يوم جاء واخاصمه ما ادري ليه بس اكل الي فيه النصيب :icon33:
قال يلا قومي اوديك لها وراح طلع ورقه عشان ندخل وانا لبست عبايتي قلت ابي امشي ورحت لهاوشفتها حاطينها يقزازه ولافينها وموصلين الاسلاك فيها
يا حياتي شكلها كان يقطع القلب وراسها كان وارم واقول لزوجي شوف راسه يقول لا الحمد لله افضل من امس يعني كان اكبر من كذا
راسها ورم لانه لمن كنت ادف الراس يجي بالعظم وكثر الدف سبب لها كذا
وكمان تبولت وانتو بكرامه
فتروكها عندهم يومين بالعنايه بس كنت اشوفها من وراء هالقزاز وقلبي يتقطع عليها وبعدهاليومين جابوها والحمد لله كانت مثل القمر الله يحفظها يارب
اسفه طولت عليكم بس احب انقل التفااصيل
الله يقوم كل حامل بالسلامه يارب ويرزق كل محروم ومحرومه ويسهل عليكم يارب
واقول لكل بكريه لا تهولي الولاده والله انتي يسريها وهي تهون
حبيبة زوجها A @hbyb_zogha_a
عضوة فعالة
يلزم عليك تسجيل الدخول أولًا لكتابة تعليق.
~ دلع و سنع ~
•
الف مبروووك
زائرة
•
الف مبروك وحمد الله ع السلامه
الوحده مفروض تولد قيصري وتريح راسها لان مافي عنايه تروح قابله وتجي قابله مفرووض مراقبه لك وتخطيط وسونار مو بس بوش بوش وماهو معروف وضعك والله اعلم وش الاضبط
حمدلله على سلامتك انتي والنونو
حمدلله على سلامتك انتي والنونو
الصفحة الأخيرة