السلام عليكم ورحمه الله وبركاته
كيفكم يكروشات وش اخبار الحمل معاكم الله
يسهل عليكم وييسر ولادتكم يارب....
طبعا انا ولدت 7/8/1431ه بس ماجات الفرصه المناسبه لكي اسرد لكن تجربتي الاولى في الولادة(اخسك تعرفين فصحى هههههههاي) المهم انا خلصت التاسع بدون اي بوادر ولادة والرحم مقفل 100%ودخلت العاشر واخذت منه 10أيام طبعا من الشهر الثامن انتفخت اقدامي بشكل فضيع بعد ماكنت البس37مقاس الجزمه(وانتوبكرامه)صرت البس 40ورقبتي سودت وصدري واردافي كبرو بشكل ملحوظ يعني باختصار انواع التشوة وعلى التاسع بديت اثقل وخطواتي صارت ثقيلة وطول الوقت نايمه طبعا بعد ماطوفت تعبت نفسيتي وصرت احوس في المنتديات وادور على خلطات لفتح الرحم قريت كثير لكن كلها تستخدم لما يكون الرحم مفتوح وصرت اكل الرطب واشرب حليب محلى بعسل واتروش بمويه دافيه وكل يوم مشي طبعا زوجي النصاب كان ينزلني في شارع الحوامل ويوقف السيارة اخر الشارع ويقولي اذا تبغين تركبين الحقيني وامشي واذا قربت يدعس لحد ماكمل ساعة وهذا حالي كل يوم لحد ماجاء اليوم اللي اقراء تجربه وحدة من الاخوات في منتدى ثاني تمدح الخروع وتدق الفكرة في راسي بس قلت اسأل دكتورتي اول(تدرون بكرية وخوافة مابي اغامر)رحت اخر موعد لي قبل الولادة بثلاثه ايام سوت لي اشاعة قالت وضع الجنين ممتاز ونازل في الحوض والمويه ممتازو كل حاجة تمام بس باقي الرحم يفتح ونصحتني امشي اكثرواشرب الزنجبيل والقرفة وسالتها عن الخروع قالت مافي مشكله اشربيه خرجت من عندها على الممشى وعلى بيت اهلي طبعا يوميا اروح لاهلي تسويلي امي يوم قرفة ويوم زنجبيل عاد شوفوا الحمام بعد نص ساعة لازم ادخل الحمام اليوم اللي يسبق يوم ولادتي كنت احس باوجاع خفيفة اسفل ظهري وينزل على رجولي لكن كانت الفترات متباعدة طبعا كنت في الممشى كالمعتاد وكان الوقت عشاء وكنت قريبة من مستشفى عبد العزيزللولادة قلت خلوني انزل اشوف يمكن الرحم فتح وبالفعل دخلت وكشفت علية الدكتورة قالت واحد ونص تنويم طبعا رفضت لاني باولد في مستشفى خاااااص وخرجت على مسؤليتي وطيران على الصيدلية اشتريت زيت الخروع انا على نيتي جاب لي زوجي حق الشعر واخذتة بس اشوى اني رحت لاهلي وخاصموني ودقيت على زوجي وجاء رجعة وجاب الخاص بالاكل بنكهة الفروله وجابلي عصير برتقال طازج طبعا حطيت ملعقتين اكل زيت وخلطته بالعصير وشربته كله طبعا الوجع طااااار وسمرت مع اهلي الين الساعه ثلاثة الفجر ورجعت بيتي وصار جماااااااا...........ونمت على الفجر صحي زوجي للدوام الساعة 8 الصبح وقمت معاه طبعا قمت وجلست على النت واقرى في تجارب البنات مع الخروع واشفيني ماتحمس زيااااااادة واقوم بنشاط ارتب البيت وابخرة واجهز اغراضي طبعا هي جاهزة من بداية التاسع بس عاد تعرفون من زود الحماس شيكت عليها مليون مرة على الساعة 10 صكيت بثلاث ملاعق خروع في عصير برتقال ورحت غرفتي شلت الشعر من جسمي وتروشت بمويه دافية مرة واستشورت شعري وشقرت حواجبي طبعا بطني كان متحجر وقاسي مرة مرة وحركة البيبي قلت بس اذا تحركت ترافس بقوة وقمت على الظهر اسوي الغداء جاء زوجي الساعه اثنين الظهروجاب معاه الحلتيت كمان قريته عنه لكن الصراحة ماستفدت منه حطيتها في الزبالة ريحتها قويه بغيت استفرغ منها وغير كذا تثبت ريحتها طبعا تغديت وكانت شهيتي مفتوحة ابغى اكل كل شيء عبيت كرشتي المنفوخه وغسلت مواعيني وعلى الفراش نوووووووم اليييييين الساعة سبعة المغرب فجأه صحيت ابغى الحمام ورحت الحمام الله يكرمكم لكن احس اني لسى ماخلصت احس في شيء يبغى ينزل ومرة متضايقة واول ماوقفت انفكت موية الجنين عاد انا هنابغيت اتجنن من الخوف وجلست ابكي وخرجت من الحمام والموية مي راضية توقف تنزل مع رجولي وغيرت ملابسي ولبست فوطة وصحيت زوجي وجلس يهديني ويقرأ علي ولبست عبايتي وعلى المستشفى دخلت الكشك على طول دقيت على الدكتورة دوامها خلص لانها داومت الصبح لكن جات على طول على بال ماكمل زوجي الاوراق الاهي عندي لانها ساكنة في نفس المستشفى في السكن اول مادخلت ودخلوني جوة سالتني اذابكر ولا لا جات بتكشف عليةممرضة مصرية لكني رفضت لان اظافرها طويلة جلست ابكي وخلتني وجات الدكتورة كشفت علية قالت مفتوح اقل من السانتي وعنق الرحم قاسي لازم طلق صناعي قلت خلاص اللي تشوفينه سويه وقع زوجي على الاوراق جابولي لبس الولادة ياساااااتر بس طبعا مكان فيني الم مرةوداقة الكاشخة الشعر مستشور والحواجب ياعيني عليها والشفايف لطختها بالروج السحري عشان اللون يدوم اطول فترة ممكنه(مدريت وش بيجيني)ومنسدحة اختكم تاكل علك مو امضغة بس كذا اكلتة بس والله الدموع في عيوني والعبرة تخنقني جات الدكتورة مرة ثانية وحطتلي التحميلة في المهبل وقالت لاتتحركين ربع ساعة وانا متجمدة اسمع الكلام وجات ممرضة فلبينية صغيرة تزنن ياناس طيوبة وعسل جابت حاجة زي الأنبوب موصول بكيس دخلتة في فتحت الشرج طبعا جلست ابكي ماعرفتة على بالي ابرة وبتدخلها فيني هدوني الممرضات وقالوا لي هذا عشان بطنك ينظف ودخلتة بدون ماحس بحاجة ماخرجتة الا وانا ابغى الحمام وسييييييييدة على الحمام يازينة نظف لي بطني ورجعت على السرير ركبولي جهاز الطلق وكنت الى الأن بدون اوجاع كلمت امي قلت لها بيجيني ضيوف في البيت وبعشيهم واجيكم بعدين لاحد يزعجني قالت خلاص واقفل واجلس ابكي من صوت امي المهم جات الساعة 9 الليل وبدء الطلق يشتغل فيني على خفيف ودكتورتي قالتلي انا بطلع واذا بغيتي شيء دقي علية خرجت لزوجي قالتة روح مابتولد الاعلى6الفجرطبعا زوجي ماراح يقول ماقدرت اروح واخليك لحالك وجلس مسكين في الانتظار لحد ماولدت طبعا الطلق شد علية مرة وحدة وهذا عيب الطلق الصناعي يعني الم متواصل طوال الوقت طبعا الاخلاق اللي قبل شوية انتهت بديت اصيح شوي انادي عليهم جوعندي قالوا لسى خفيف الطلق وورتني الطلق في الجهاز صرت اكتم صياحي الساعة عشرة ماقدرت اتحمل الم جلست على ركبي وجوعندي قلت فكو الجهاز ورفضوا قلت في نفسي مافي الاحل واحد اقول برجع وعلى طول فكوني ورحت الصاله كبيرة والحريم يمشون ولاوحدة صاحت منهم مافي الا انا وجلست امشي واجلس على الارض ويقوموني واروح عند اللي جالسة على المكتب قلت دقي على الدكتورة وعيت وجلست اخاصم لحد مادقت وكلمت الدكتورة وانا ابكي وقالت خلاص ساعة واجيك ورميت السماعة وارجع امشي واجلس في الارض واصيح طبعا انا الوحيدة اللي طلق صناعي ومعايه تسع حالات ولادة مااسمع الاانين وانا اللي قلبت المستشفى والله يلوم اللي تلومني جات قابلة اسمها نشوى مرة حزنت علية لما عرفت اني طلق صناعي مسكتني من يدي ودخلتني غرفتي وقاست الرحم لقيتة توة اثنين والطلق كل مالة يزيد راحت جابتلي مسكن والله ماعد شفت حاجة نمت لكن احس باوجاع وكاني احلم واسمع الممرضات يتكلمون عند راسي واسمع جوالي يدق بس كاني في حلم الساعة 12وربع جات الدكتورة وانا نايمة على جنبي اليمين وجهاز الطلق والنبض مومركب فيني وجلست تخاصم في الممرضات وكلهم تجمعوا عندي في الغرفة والدكتورة مرة معصبة وشافت الطلق قالت ركبوا لها الاكسجين الطلق مرة حامي وجلست تدعي لي بصوت عالي والقابلة نشوى ماسكة يدي وتدعي لي وانا صوتي انبح ماعاد فيني صوت بس دموع واتنفس بصعوبة وجلست الدكتورة تدور نبض الجنين وبالقوة حصلتة كشفت علية قالت 4سانتي:icon28:حسيت اني انبسطت قالت لي اذا حسيتي بالم مرة قولي وجاتني الطلقة وصحت وحطت كريم في يدها ودخلت يدها توسع قالت 5سانتي وجات خارجة من عندي وصحت ودخلت يدها وتصيح دفي واناادف قالت 6ونص ورجعت الطلقة كمان ونفس الشيء وسعت لحد ماوصلت 9سانتي قالت خلاص ولادة قومي خذي لفة على الصالة وتعالي على السرير الثاني وقمت والسستر معاية واروح الحمام وهي تسحبني تقول بيبي وانااقول لا حمام وسحبوني الممرضات قالوا امشي وانا ابكي ورافعه الثوب وفخوذي طالعة وصدري خارج واقولهم لاخلاص يالله تعالو ولدوني واسحبهم واروح فوق سرير الولادة وهم ميتين ضحك وارفع رجولي المنطقه اللي تحت مااحس فيها بنجوها الساعة 1ونص شرفت بنتي الغالية في وسط صريخ الممرضات والدكتورة وانانوموني على طول ولاقمت الأفي غرفتي ولاشفتهم يخيطوني ولاشيء زوجي يقول دقيت الباب عشان اجيب لك عشاء لاني مارديت على الجوال الايقول تخرج لي الممرضة وتقولي مدام ولدت وبنتك في الحضانة يقول مومصدق زوجتي ولادت اخيرا يقول تقولي معاك حق ماتصدق احنا ماصدقنا متى ولدت لاعاد تجيبها عندنايقول واروح الحضانة وميت ضحك من كلامها شكلك جننتيهم وشاف البنت واذن في اذنها واتصل على امي واهله وراح جابهم المستشفى وصحيت من بوسات زوجي وبكى امي وارجع انام مرة ثانية وماصحصت الا الساعة خمسة الفجر وجابو بنتي كانت بيضاء وزي القمرالحين عمرها 8شهور الله يحفظها لي امي تقولي بس دخلت الكشك مسكوني الممرضات ودكتورتي ويورنها يدينهم والخموش اللي سويتها فيهم ويحكون لها عني والحمد الله على سلامتي للافادة/ ولدت في الطايف في مستشفى الأمين عندالدكتورة اميمةب2000ريال فقط بدون الحضانة لان بنتي نامت عندي
دلوعةجيمي @dloaagymy
عضوة نشيطة
يلزم عليك تسجيل الدخول أولًا لكتابة تعليق.
sweet hope girl
•
الحمدلله على السلامه والله يفرج عليا يااااااااارب
الحمدلله على سلامتك يا قلبي
انا ولدت بقيصرية الله يعين بس بصراحه من اللي اسمعه احسها اهوووووووووون
انا ولدت بقيصرية الله يعين بس بصراحه من اللي اسمعه احسها اهوووووووووون
الصفحة الأخيرة