قصة ولادتي بالتفصيل........

بنات كيفكم ان شاء الله تكونوا كلكم بخير وبالاخص بنات تجمعي يوليو

اذا فيكم صبر اقروا قصتي لاني بأكتبها بالتفصيل عشان تستفيدوا من اغلاطي........
انا موعد ولادتي اللي حددته الدكتوره كان 20-7-2007 الجمعه اللي فاتت
اكون كملت الاسبوع ال40
وانا من خلصت الاسبوع ال39 وانا خلاص ابي اولد
لاني من دخلت التاسع وانا كنت حاسه ان الولد حركته قلت كثير ونادر اللي تكون حركته عاديه
كنت اصحى من النوم اتحسس عليه
خبرت البنات هنا
وخبرت امي والكل يقول لي عادي بالتاسع تقل الحركه
لكن انا افرق لان فيه ايام يادوب يتحرك 4 حركات ويوم يتحرك طبيعي
خبرت دكتورتي قلقت صارت تحطني على التخطيط وتشوف البيبي في الترا ساوند
ويطلع كل شي سليم
المهم....
قالت اولدك؟
انا رفضت قلت انا رحمي مسكر واخاف مع الطلق الصناعي مايفتح واظطر بعدين على القيصريه
وكنت مصره ان الولاده تجي من عند الله طبيعيه حتى بطلقها

نسيت اقولكم ان مشيمتي في الاشهر الاولى كانت نازله ولا ارتفعت الابالشهر السابع
وكنت خايفه انهم يسون لي قيصريه وفرحت انها ارتفعت بشكل موطبيعي

وقبل الولاده باسبوعين جتني كحه مع شرقه شديده اذا تتذكرون
وكنت اقول لكم خايفه تأثر علي المشيمه وتنزل او اولد وتأثر على خيوطي من تحت>>>>>>>والحين انا قيصريه ومعي كحه تخيلوا؟؟؟؟؟؟؟؟؟؟؟
المهم لما دخلت الاسبوع الاربعين ابتديت العب فعمري وشربت خروع السبت والاحد تلاقون قصته معي منزلته
ولا سوالي شي
ويوم صار الاربعاء 18-7-2007
ابدتيت اشرب قرفه -وشربت بابونج+ملعقه حبه سوداء صغيره وعسل وكاس مويه حار هذا الثلاثاء
واستمريت على القرفه الخميس وشربت الفجر كاس كف مريم والظهركاس
مع العلم ان ماكان معي اي طلق ومجرد الم غريب بدء معي اسبوع وهو يمسك من تحت من وراى
لدرجه مااقدر ادخل حمام حسيت فجر الخميس بمغص خفيف تروشت على بالي ولاده الاراح رجعت نمنت
ومافيه شي
وكان هالالم ماسك معي وكان ودي ادخل حمام بس مقدر اسوي شي
فكرتها بواسير؟
ظهر الخميس قبل مااشرب كف مريم لثاني مره نزل معي افرازات خفيفه معها خيوط خخخخخففففففففففيييييييييييففففففففففففه مره دم يعني مو باين لولا اني انا مدخله وجي ابي ولاده وادورها تدوير
المهمم مغرب الخميس نزل معي قطعة بيضاء سايله ومعها دم وصار معي افرازات بس بدون اي طلق قلت باصبر لين الليل بلكي يجي طلق بعد كذا رحت تكبيت ولماجا رجلي يأخذني رحت للمستشفى عشان اشوف رحمي هل انفتح او لا
مع ان امي كانت مصره اني ما اروح واستعجل
بس انا وزوجي كنا قلقانين ورحت للمستشفى
استقبلتني نيرس لبنانيه نفسها بخشمها لان الايستشاريات المناوبات كانوا مشغولين
حطتني على تخطيط الطلق ونبض البيبي
وشافت رحمي مفتوح واحد سانتي
والافرازات طلعت عاديه مو مويه راس
وقالت مافيك طلق
جتني الاستشاريه الهنديه وقالت متى عندك موعد مع دكتورتك؟
قلت الاثنين قالت لا لازم نحطلك موعد اقرب عشان تشوف الدم اللي نزل
وقالت انا اكلمكم واحددلكم موعد
ملاحظه:
لما كنت جالسه على التخطيط كنت اسمع وحده تطلق وتصرخ كانها فملاهي روعتني
وجلست ابكي وبغيت اهرب لكن زوجي جلسني وجت الدكتوره تهديني
رجعنا فجر الجمعه من المستشفى وصليت الفجر لما جيت ابي انام مسكني طلق
بس كان المه غريب موزي ما سمعت من الحريم كان يمسكني من تحت من وراء ومن ظهري ومن بطني مغص واحس ابي حمام ولما اروح مااقدر اسوي شي
صار كل نص ساعه يجي واستمر من 4الفجر الى10 الصباح
قلت اصبر بلكي يجي اقوى وانا ياما ابكي او اقراء وادور في البيت
وكل مادخلت وبنام صحاني الطلق
الساعه 9ونص قلت البس ملابس المستشفى وانام واذا استمر اروح
الا اختفى ورااااااااااااااااااااااااااااااااااااااااااح؟؟؟؟؟؟؟؟؟؟؟؟؟؟؟؟
يوم صار العصر تغدينا وقررت اشرب خروع عشان احمي الطلق
بس بعد مااروح امشي شوي برى طلعت ومشيت ساعه الاربع
ولما رجعت للبيت شربت خروع مع عصير ولنا لسى ماكملت الكأس نزلت مني افرازات اقوى من اللي كانت امس وقلت اصبر شوي رحت بيت اهلي وتروشت وجتني مغصه شديده نفس اللي وصفتها لكم كانت من مقعدي
راحت ونزلت مويه على طول صليت العشاء وكلمت رجلي ورحت للمستشفى..................
اكمل لكم القصه بعدين لاني تعبت الحين