نبدا بسم الله ماشاء الله تبارك الله طبعا اكشن ولادتي كان طويييل عرييض اللي فايقه ورايقة تدخل تقرا وجنبها كوب كابتشينو:23: لاننا مطوليين
طبعا انا ولادتي كانت محدده يوم الخميس بطلق صناعي لاني اخذ ابر سيولة فاوقفتها ورحت اولد المهم ليلتها طبعا ما نمت الا ساعتين من التفكير والخوف الين 4 الفجر وصحينا انا وزوجي 8 الصباح وخرجنا رحنا دخلت غرفة التحضير جات الاخصائية سألتني كم سؤال واعطتني الحقنة الشرجية وبعدها رحت الحمام الله يكرمكم وبعد نص ساعه جو حطولي تحميلة الطلق واااه لما يحطوها طبعا بكرية وعذاااب وهما يدخلونها جواااااا ومربوطة بخيط وقعدت طبعا ما بدا معايا الالم الا بعد ساعتين والم خفيييف لا يكاد يذكر وقالولي قومي امش وانا طايحه مشي امتر ممرات المستشفى الدكتورة حطتلي التحميلة 11 الظهر وقعدت امشي وارجع غرفتي امشي وارجع غرفتي وعدت ساعتين ثلاث صار المغرب ومافيي طلق والم مرره خفييف جات 11 الليل وحطولي تحميلة ثانية لان مفعول التحميلة 12 ساعه بس برضه ظليت على نفس الحال وكل ما حطولي التحميلة قاسولي الرحم ما فتح ويوم جات دكتورتي بعد التحميلة الثانية قالتلي لازم اعملك تحريض بيدي وااااه من داك الالم الا توسعلك بايدينها صرت اصارخ بصوتي ووسعتلي واحد ونص سانتي وحطتلي الثانية ونفسسسسس الحااال ظليت تاني يوم والرحم على حالو لا طلق الا خفيييف والم خفيييف جات الصباح قالتلي يابنتي اختاري يا افتحلك موية الراس واحطلك طلق صناعي ودا الخيار انا ماراح اسويلك اياه لانك ماراح تاخذي ابرة الظهر مع انه اكانت مره تنصحني بيها لان تقول ماراح استحمل الم فتح المويا ومحلول الطلق او خيرتني بالخيار التاني انك تروحي البيت الين يجيلك طلق لمدة 5 ايام لو ماجا نولدك بفتح المويا ومحلول طلق وانا انصحك تروحي البيت لو بنتي كان قلتلها روحي البيت خلاص وقالتلي عالغرب خذيلك الابرة المسيلة عشان قعدتي يومين بدونها نخاف على الجنين لان عندي تخثر بالدم قبل كدا وكان سبب لتوقف نبض الجنين المهم رجعت على الظهر بيتي وحطيتها نووووومه للمغرب من الام الا حسيت بيه طول اليومين وصحيت على المغرب واخذت ابرة الهيبارين الا واجي انام ويجيلك ذا الا م :08: شوفو الحظ بدات معاي الام قوييه تخيلو وانا اخذه الابره طبعا تسبب نزيف لا قدر الله لو ولدت خلال 24 ساعه من اخذها استمر معي الام وانا اتوجع يمي يسار طبعا ما نزل معي شي الين الصباح 7 ونص خلااااص موقادرة استحمل قومت زوجي من النوم ورحنا وانا كل طلقه بينها 5 دقايق والله لما تجي الطلقه ما اقدر لا امشي ولا اتكلم كانها عصايا مكهربا تضرب باسفل ظهرك المهم رحنا ودخلوني على الغرفه والله النيرسات حزنو على وانا رايحه جايا
قاسو ولازااال واحد ونص على حطت ايد الدكتورة :freak6: طبعا الدكتوره انا متواصله معاها هاتفيا تقلي لو جيتي المستشفى ولاده كلميني كلمتها هناك وقالولها الوضع قالتلي يابنتي روحي البيت وخذيلك بندول الابيض يسكنلك الام كل 6 ساعات لا ن انتي بوضع ماراح المسك فيه اخذه ابرة سيوله لان الدكتورة فكرت تفتحلي موية الراس وتحطلي محلول لاني تعبت ن الطلق والرحم مقفل المهم رجعت البيت وانا الله ااتقلب بالسياره تقلب كل ما تجي الطلقه رجعت اكلت شي خفيف بسرعه واخدتلي البندول طبعا خفف شويا الام دا الكلام الصبح وانا على طول قمت ما خليت خلطه الا سويتها لفتح الرحم كنت ماخذتها من هنا بالمنتدى قمت دفيتلي زيت زيتون ودهنت بي بطني وحطيت رجلي تحت الدش بمويا دافيا مايله للحرارة و على العصر راح الام نهائيا وقتها قلت خليني اشتغل بنفسي خلطات لفتح الرحم سوين خلطة الياناسون والشمر والحبة السوده والحلبه والمحلب والنينخه والكمون لاخت كانت منزلتها هنا بالمنتدى وفيه خلطة من كتاب عبد الباسط لتقوية الرحم الا هي غليت اورا ق الزيتون وحليت مائها بملعقة عسل وشربتها دا الكلام المغرب على الساعه 12 الليل بدا معي الم الكهرباء اني وقتها خلاااص قعدت ابكي ودقيت على الدكتورة قلتلها دكتوره مو قادره استحمل خلاص الام قويا سوي الا تبي افتحي المويا حطيلي محلول وراح اخذ ابرة الظهر مثل ما تبياهم شي خلاص اولد قالتلي خلاص تعاليالمستشفى اطل عليكي وانا رايحه بيتي لانها كانت مسلمه من عيادتها الله يجزاها دي الدكتورهكل خير يا رب ويوفقها هيا وعيالها وبناتها المهم جيت كالعاده ونظرات الحزن على اعين الممرضات :44: وحده فيهم قالتلي ما انتي للان ما ولدتي والله كنت بسال عن غرفتك عشان اطلع اباركلك المهم رحت المستشفى وزوجي يقلي انا حاسس خلاص انك بتولدي اليوم المهم رحت ركبولي التخطيط وانا كل طلقه تجي تقطعني من الالم جات دكتورتي كشفت الا المفاجأه قالت ما شاء الله اخيرا فتح 3 سانتي :icon28:وعنق الرحم ليييييين يلا على غرفة الولاده ونركبلك محلول الطلق عشا ن راح يساعد بفتحه بسرعه دام انه لييين العنق وبتاخذي ابرة الظهر المهم لبسوني الروب وعلى غرفة الولاده انا هنا كل الخوف راح والله وتبدل بداله فرح :7_5_131: اني خلاص باولد واتخلص من الالم القاتل الا اكل فيني 3 ايام طبعا كالعاده الحقنه الشرجية مره ثانيه اف اكره احساسها الباااارد ببطني وانا كل 5 دقايق برضو طلللق وجت دكتورة التخدير طبعا شرطت دكتورة مابي دكتور وقالتلي امسي المخدة ومسكتها وطبعا كانت مره حذررره لابعد الحدود تقلي الله يخليكي مرره لا تتحركي حتى لو جات طلقه قلتلها طيب وزوجي كان قدامي الا تجي ديك الطلقه وقتها خفت على نفسي هههههه ومسكت ايدين زوجي وضغت عليها بكل قوتي عشان ما اتحرك وقت الطلقه طبعا الابره شكة بسيطه لا يكاد يذكر المها جنب الم الطلق والله ههههههه والله يا بنات من يوم ركبتلي الابره وبعدها ماشاء الله ما حسيت الا بطلقة وحده وبعدها قلت باي باي طلوووووووق :icon35: والله شي رهيييب انصح كل البنات بيها المهم جت الدكتورة حطتلي محلول الطلق وانا اصلا ما دريت انه محلول طلق الا زوجي قالي ترى ركبولك محلول الطلق لانه سال الممرضه بالانجلش ايش دا وجت الدكتورة مدري ويش سوت من تحت هيا فتحت المويا او وسعت او ايش سوت الله اعلم هههه ماني حاسة بشي يارب لك الحمد على النعمه العظيمه دي اللي سخرها لعباده بعدين قالتلي ركبتلك قصطرة البول دا الكلام 4 الفجر وطبعاامي مسكينه كل ما ا رحت المستشفى كلمتها هي قالتلي كل ما تروحي كلميني اجي الين يوم قالتلي الدكتورة ولاده الا جات هي وابوي وام زوجي الله يخليهم يارب ودخلو غرفة الولاده سلمو علي وبعدها الدكتورة جات واعطتني منوم قالتلي ريحي يابنتي ساعتين ثلاث الين مايفتح الرحم عشان تقدري تدفعي ويكون قيكي حيل لان شكلك مواصلة وحطتلي كمان محلول الطلق ونمت بعدها بساعتين فجأه صحيت احس كانب ابي اتبرز وشي يدفع قلت لزوجي هو طبعا دخل معاياغرفة الولادة فانادى الممرضات قاسوالرحم لقوماشاء الله فاتح 8 سانتي وعلى طول راحو صحو الدكتورة لانها مسكينه كانت خارجه من عيادتها على وحده واناجيتها فا انطرت تنام وتريح على بال ما يفتح عندي الرحم المهم كل شوي 5 دقايق احس بدفع وكاني ابي اتبرز الله يكرمكم جت الدكتورة شافت الا قالتلي لسا يابنتي ما ابي استعجل عليك لانك بكريه بانتظر الين يوصل 10 سانتي وقالتلي كل ماتحسي انك تبي تدفعي ادفعي بشويش بس انتظرت نص ساعه وانا كل ماحسيت دفعت بشويش الا جات الدكتورة بعدنص ساعة جات الدكتورة وهنا بداالجد وكل ماجات الطلقه بالتخطيط قالولي هي والممرصات ادفعي وانا ادفعع وقعدت والله كتير ادفع فالتلي لانك بكرية تحتاجي دفع كثير امالوكنتي تاني او ثالث طفل كان دفعه اثنين وهو طالع المهم وتجي طلقه وهم يلا ادفعي وانا ادفع بكل ماعندي والله متعب الدفع الا شوي وطلع ولدي حبيبي واسمع بكيته كانت خفيفه احلى لحظه بحياتي يارب لك الحمد انك بلغتي دي اللحظة لاني كنت متاخرة بالحمل 4 سنوات فكان احلى شعوربحياتي المهم لفو وجابلوياه جنبي واخدو من زوجي الجوال وصورنا احنا الثلاثة وخلاص بعدها طبعا خيطتني الدكتورة وراحت وجابولي الفطوراناوزوجي بغرفة الولاده وبعدها بساعه طلعت غرفتي وكانو بانتظاري امي وابوي وام زوجي ..وتوتة توتة خلصت الحتوتي وادعولي الله يعيني على تربيته ويسهلها علي ومايصير يبكي كثير من غير شر
طبعا بالنسبة للمستشفى المركز الطبي الدولي ما اقلكم خدمة تعامل راحة نفسية اكل بجد كانت تجربة مرررررة حلوة فيها والدكتوررة سماء ناظر ااه على دكتورة والله لو امدحلكم من هنا للصبح ما اوفي وصفها من شطارة وتعامل واخلاق والله صبرت على صبر وما استعجلت بقيصري وغيييير الدلع الا تدلعك اياه والله امي ما تدلعني دا الدلع والكلام الحلو :33:ودي كانت مغامرتي بولادة بندر ولدي بالمستشفى فتيحي مع الدكتورة سماء ناظر
وعقبال ياارب كل محرومه انك تبلغها مثل ما بلغتني وحققت لي امنيتي وكان حلمي وامنيتي اكتب قصة ولادتي بعالم حواء وياارب لك الحمد ................
الغلا الطاير @alghla_altayr
محررة برونزية
يلزم عليك تسجيل الدخول أولًا لكتابة تعليق.
الحمد لله ع سلامتك
والله يسخرلي دكتورة حنوووونه مثل دكتورتك
ادعيلي
انا بالتاسع وكل يوم احس بأعراض ولاده
يارب هونها علي واحفظني لأولادي يارب
والله يسخرلي دكتورة حنوووونه مثل دكتورتك
ادعيلي
انا بالتاسع وكل يوم احس بأعراض ولاده
يارب هونها علي واحفظني لأولادي يارب
الف الف مبروووووووووووووووك ياحيااااااتي
مشاءالله تبارك الرحمن يتربى بعزززززززززك
تعبتي مرررره بلولاده عساها اجر يارب :(
مشاءالله تبارك الرحمن يتربى بعزززززززززك
تعبتي مرررره بلولاده عساها اجر يارب :(
الصفحة الأخيرة
عقبالي يارب وكل الحوامل
واشكرك حبيبتي على ذكر تجربتك بمستشفى الطبي الدولي لأني بولد فيه
بس ممكن حبيبتي اذا مافي إحراج اعرف كم الأسعار ازا سمحتي ولو ماتبغي عادي ومشكورة عسولة