السلام عليكم ورحمة الله وبركاته
بدخل في الموضوع على طوول وابغ احكيلكم قصة ولادتي
في مرة من المراريرر ماحسيت بحركة الجنين وكنت في بداية الاسبوع الرابع من الشهر التاسع رحت على مستشفى النور اكشف على بطني وسوولي تخطيط جنين وسونار وقالولي ان الجنين كويس والموية كويسة وكتبولي تنويم عشان يتاكدون من صحة الجنين وعشان مابقي لي شي على التاسع طلعت التنويم وفي اليوم الثاني امي الله يخليها ليا جابت لي حليب مع القرفة وكان في نفس الوقت معايا تحجر في بطني قالت لي عمتي (ام زوجي) انه هاذا التحجر من علامات الولادة وقالت لي ماما يالله يابنت شدي حيلك نبغاكي الليلة تولدين انا اتحمست وقلت خلاص ابغ اشد الهمة مع اني ماكنت ناوية اولد وكنت احسب ولادتي بتطول لاني بكرية امي راحت من هنا وانا جلست اشرب القرفة واشرب البنات اللي معايا في التنويم وكمان جلست امشي في الممرات خلصت كوبين وبعدين حسيت بالم زي الم الدورة خفيييف وكملت مشي ولا اعرته اي اهتمام بعدين الالم زاد شويا وسار يجي كل عشر دقايق تقريبا على طول اتصلت على زوجي ابشره انه جاني الطلق واكلمه وانا جالسة اضحك ماني مصدقة انوولادتي قربت شويا شويا والالم يزييييييييد على طول رحت عند السستر قلتلها انه بطني مررة يعورني كشفت عليا من تحت قالت لي 1سم اشتد عليا الطلق بالمرررة وانادي السستر مرة ثانية وكشفت قالت لي 3سم وبعدين استفرغت <<<<مرررة مو وقته بعدين يوم شافوني مرة جالسة اتالم وابكي نزلوني الكشك يممممه شكله يخوف ومررررررة بارد على بال مايجهزون الاشياء حقت التوليد وياخذون اسمي وبياناتي اعطوني بعدها ابرة تقول انها مهدية وحسستني بالدوخ بس والله الالم هوا هوا ماراح جلست شويا واحس حاجة بتنزل من تحت ناديت السستر بعدين نزلت مويا كثييييرة وكشفت الدكتورة وقالت ماشاء الله 10سم وتنادي الدكتورة ويالله دفي وادف يمكن اربع مرات بعدين قالولي خلاص انا ماصدقت انو بنتي نزلت لانه ماحسيت براسها وبعدين قالت لي السستر ماشاء الله (مافي سوي شق)وسوولي غرزة وحدة وقالت لي خلاص انتي دحين عروسة اخذوا بنتي وجالسة اشوفها جنبي يااللــــــــــــــــــــــــــــــــــــــــــه ماني مصدقة انه عندي بنت احساس مرررة حلوو وبعدين ودوني الغرفة الثانية وجلسوني ساعتين تقريبا وجات السستر تقولي(يالله روح حماام سوي بول)تخيلوا يابنات جالسة الله يكرمكم اتبول قدامها وافصخ قدامها واقول الله يالدنيا على اخر عمري جاوية تكشف عليا وبعدين جابوا لي بنتي ونيموها جنبي وتوتا توتا خلصت الحتوتة
للفائـــــــــــــــــــــــــــــدة
الطلق استمر عليا اربع ساعات وكل ساعة بيوم عندي من الالم
تبغين طلقك يمر بسرعة وينفتح الرحم خذي نفس قوي كل مايجيك الالم وللمعلومية كمان ترى اللي تاخذ نفس مايشيل الالم حسب ماسمعت
اول ماجيت المستشفى في الطوارئ قالولي مفتوح نص سم
ادعوا يابنات ترى والله الدعاء يفيدك وتتيسر ولادتك باذن الرحمن
ترى كل ولادة تختلف عن الثانية لانه البنات اللي معايا ماولدوا الا بعد اسبوعين ووحدة ثانية ولدت بعد اسبوع من ولادتي يعني مو كل الولادات زي بعض
خذي معاااكي احتياطاااااات كثير(فوط) لانه الدم مرة كثييير
اللي تقول انه الولادة سهلة لاتصدقونها لانها مابتخوفكي ولا ترى الولادة موووووووووووووووووت
مستشى النور مررررررررررررررة كويسة واهتمامهم كمان مررة كويس انصح كل حامل تولد فيها
لمن كنت في غرفتي قبل مااولد وقبل مايجيني الطلق جا ممرض سعودي بيطمن على حركة الجنين ويسالني عن عدد الحركات قالي اكشفي على بطنك نصيحتي لكم لاتكشفون لأي رجال انا اعطيته في وجهه قلتله الدكتورة قبل شويا كشفت عليا على طول قلب وجهه ولا عاد شفته لانه لو اعطيته وجه بيكملها ويكشف عليا من تحت زي الاخت اللي جنبي انتبهوا على انفسكم مو اي واحد يكشف عليك من تحت انا يالله يالله سمحت للدكتورة تكشف عليا للضرووووووووووورة
الله يسهل لكل حامل ولادتها واي استفساار من الاخوات انا حاضرة
سحابة صغيرة @shab_sghyr
عضوة جديدة
يلزم عليك تسجيل الدخول أولًا لكتابة تعليق.
تعبانه ساعدوني
•
الحمد الله على سلامتك والف مبروك البنوته بس حرام عليك تخوفينا من الولادة فيه بنات يتأثرون نفسيا لات آخذين ذنب احد الله وجزاك خير
الاخت تعبانة ساعدوني الله يسلمك بس اش اسوي اتوقعت الولادة مرررة سهلة لانوا كثيييير طمنوني بس اتفاجأت يعني غصبن عني
مرام الزهراني الله يبارك فيك ويارب تتيسر ولادتك ويحفظ جنينك
مرام الزهراني الله يبارك فيك ويارب تتيسر ولادتك ويحفظ جنينك
الصفحة الأخيرة