السلام عليكم ورحمة الله وبركاته
صباح الرضا والسعد على حبايبي
شعلومكم عساكم بخير
حبيت اخبركم عن قصتي يوم ولادتي عسى ماتملون منها بس
بسم الله
في يوم الاربعاء بالتحديد يوم 13-10-1431 صحيت الصباح عادي صحتي تمام التمام وكنت معزومه عند عمتي اللي هي ام زوجي فديتها ربي يحفظها
كنت معزومه على الغدا فتجهزت ورحت عندها اهي بيتها قريب من بيتي كثير
المهم ساعدتها في تجهيز الغدا وبعد ماتغدينا غسلت مواعينها ورتبت لها المطبخ فديتها تكسر خاطري لأنها عجوز وشوي يتعبها الشغل
ربي يعطيها الصحه والعافيه ويطول في عمرها
وقتها كنت بروح عند اهلي العصر
وصليت العصر والحمدلله وبعدها تجهزت ورحت في ذاك الوقت كان بطني يبدأ ينتفخ وانا ابد مو على بالي انها من علامات الولاده
وبعدها وصلت عندهم وتقهوينا وسولفنا ومضى الوقت لين اجا بعد العشاء
حضرت يمه العشا وجيت ابي اتعشى ماقدرت من بطني المنتفخ مره حسيت بتعب وماعد قدرت آكل شي
عاد انا حاطه في بالي انو مجرد غازات في بطني ماطلعت فما عطيته اي اهتمام لاني بكريه ومااعرف شي
المهم جاني نوم وانتم تعرفون الحامل تجيها نومه غصب عنها تنام
رحت نمت الساعه تسع وماقدرت انام زين كنت احس بتعب
ولا كنت احس بأي الم بالمره
في وقت كنت نايمه حسيت شي يطلع مني غصب انا صحيت وكانت الساعه اربع الصبح وانا موداريه وشو
فقلت ويه ياربي صرت اتبول (الله يعزكم) وانا نايمه
فأجي ابي احاول امسكه مااقدر ولحظه اجا في بالي انها
موية الجنين تطلع فقلت بروح الحمام اشوف ورحت وفعلا طلع اها المويه
وتورطت ماكان فيه احد صاحي من اهلي غير اخواني الكبار فماادري ايش اسوي
والله ماكان عندي اي حل
فناديت واحد من اخواني يجي الا واهو اجا مستغرب
فقلت له يصحي اختي ويقول لها تجي بسرعه
والا يروح طاير يصحيها وجت اختي واهي غصب تشوف كانت نايمه والا اقول لها على اللي صار
واهي خافت وراحت تصحي امي
امي مسكينه صحت وجتها حاله ماقدرت تتحرك من الفجعه
فلما صحصحت قامت تنادي ابوي يوديني بسرعه
انا وقتها كنت احس بخوووف لأنها اول تجربه لي
وكمان كنت احس بفرررح يطير قلبي فيه
وماصدقت ان الوقت اجا بعد طول انتظار وتعب
كنت متلهفه اشوف ضناي
المهم رحت المستشفى وراحت اختي معاي وكان كل شوي ابوي يسألني فيني وجع اوشي
وسبحان الله ماجاني ولا وجع ابد
وصلنا المستشفى وكشفو علي وكان الرحم مفتوح حبتين
يعني بطول شوي
دخلوني غرفة الولاده السعه خمسه
وجلست على كرسي الولاده بعد ماتجهزت للولاده
وكنت انتظر متى تجيني الالام ظليت للساعه 6 وقتها بدأ الام شوي شوي كأنه الم الدوره المهم متحملته
وكان يستمر علي الالم لمدة دقيقتين وارتاح منه خمس دقايق وبكذا كان يستمر ساعه ورى ساعه وكل ساعه اقوى من الثانيه
وشوي بدأ يشتد علي من الساعه تسع او عشره ماني بذاكره
المهم كل شوي تجي السيستر تكشف علي وتحصل الرحم مثل ماهو
والام يشتد بس كنت محتسبه وصابره وكنت اسبح كثير واقرا سورة الزلزله والحمدلله
وآخر شي ماانفتح الرحم معاي الا 4 سانتي
وانا خلاص تعبت من الام طلبتهم وقتها يسوون لي عمليه لأني هلكت جوع وعطش ولا عطوني شي ممنوع
ظليت للساعه 12 وانا في عذابي ومو قادرين يسوون لي شي
غير انهم يتفرجون علي ويطبطبون علي
ولما ضعفت كانت الدكتوره محتاره تسوي لي عمليه او تتركني
المهم قالت لهم يعطوني ابرة طلق صناعي
وعطتني الابره وجلست شوي وانا حسيت بالطلق واللي اهو الام الصجي
والرحم انفتح 7 وجت الدكتوره وقامو يجهزون كل شي وانا قاعده اصرخ < مو كثير شوي
المهم انا قمت ادفع بكل مافيني من قوه والا الدكتوره تشجعني وفرحت
والا شوي اتعب واهون لما اجت بنتي تطلع شقت العجان والله اني ماحسيت بشي من الام
والمشكله ان نبضها بدأ يضعف ياقلبي عليها
والا الممرضات والدكتوره يصرخون علي والخوف بادي عليهم ادفي شدي بقوى الجنين بيموت وانا خفت ودفعت بكل كل قوتي
والحمدلله طلعت والا انا اطيح وابكي الحمدلله ارتحت واقوم واسأل عن بنتي فديتها اهي بخير والا لا وصوتي منتهي من الصراخ والتعب
والحمدلله قالو لي بخير وبشروني انها بنت
ويه فديتها يازينها من لحظه
وربي يابنات اني نسيت كل الم وكل تعب تسعة شهور لمن سمعت صوت بنتي
ربي يحفظها لي
وربي احلى احلى احلى لحظات
صحيح انك تتعبين بس وربي لحظات حلوووه لمن تشيلين وضناك في حضنك
بعدين خاطت لي الدكتوره وارتحت وخلوني لمده ساعه او ساعتين في غرفة الولاده حتى تخلص المغذيه
وبعدها جت امي والدموع بعيونها ربي يحفظها مو مصدقه من الفرحه
احسها بتطير
والحمدلله على كل حال وجلست في المستشفى لليوم الثاني وطلعت
وربي انها كانت ميسره بفضل ربي الحمدلله والشكر له
حبيت اقول لكم انا كنت اول ماحملت آكل تمر كثير تخيلو كنت اخلص كرتون
وكنت امشي كثير
وطبعا لا تنسون الدعاء كنت ادعي ربي
ربي لك الحمد والشكر
وانتهت قصة ولادتي الممتعه
واللحين صار لي شهرين من يوم ولادتي الحمدلله على زود نعمه
ربي يحفظ لي جوهرتي الصغيره
ربي يسعد كل وحده تقرا قصتي
مودتي
om ryooma @om_ryooma
عضوة نشيطة
يلزم عليك تسجيل الدخول أولًا لكتابة تعليق.
نــــور الدنيــــا
•
الحمد لله على سلامتك وتتربى بعزكم ان شاء الله
الصفحة الأخيرة