السلام عليكم ورحمة الله وبركاته
طبعا تعرفون المرحلة اللي مريت فيها بنهاية حملي وكيف كنت خايفه من هالولاده وجاني احساس غريب اني ممكن افقد حياتي او بنتي في الولاده
اعوذ بالله من الشيطان كان يوسوس لي بشكل فضيع وكل ماكنت احس بألم اقعد ارتجف وخايفه
ونصيحه خواتي خلو لسانكم دايما رطب بالاذكار وتوكلي على الله يمكن اللي صار لي بسبب كثر خوفي :06:
المهم بعد مارديت عليكم في الموضوع ونصحتني اختي وادي الامان بشرب زيت الخروع مع عصير حسيت شوي العصر خف الالم واصلا كان لي تقريبا اربع ايام تنزل لي افرازات مع دم والم بالليل والنهار مره خفيف ومره قوي وتعرفون عاد لا نوم لا راحه والنفسيه كانت بالحضيض
كلمتني عمتي ام زوجي وقالت لي تعالي عندي عشان لو زاد نروح المستشفى وعشان بعد امشيك شوي رحت لها بعد المغرب وقعدت لين صلاة العشا كل شوي اقوم وامشي بالحوش شوي وارجع ارتاح في الغرفه وعلى هالحال لما صارت الساعه قريب العشر كلمتني صديقتي وكانت تدري ان فيني طلق وتعبانه سالتها عن ابرة الظهر لانها خذتها مرتين ومن الخوف كنت ابغي اي شي عشان ارتاح مع اني كنت متردده الا اني جاني اصرار رهيب على اني اخذها فقالت لي عادي توكلي على الله وخذيها انا خذتها بعيالي وريحتني ولا حسيت باي شي لانها تولد قيصري
قلت حق زوجي وقالي على راحتك رحنا المستشفى وكان الطلق يزيد لما وصلت على طول قلت للنيرس ابغي ابرة الظهر قالت لي اول اسوي فحص اذا فوق الاربعه سانتي بنعطيك الابره فحصتني ولقت انفس 2 ونصصصصصصصصصصصصصصص !!! تخيلو التحطيم
المهم جت الدكتوره وقالت الالم قوي وان شاء الله ماتطلولين وتفتح بسرعه بس خلينا نعطيك وقت لين تفتح فوق الاربعه وشوفي نفسك تقدرين تستحملين بدون ابره والا لا
المهم قعدت لين الساعه 12 بالليل والالم يزيد والنفس مب راضيه تفتح بسرعه لما قاست لقتها يادوب توها 4 سانتي المهم 12 نص طلبو طبيب اللتخدير ومع اني طالبه دكتوره الا انهم قالو لي الدكتوره مب موجوده واللي ممكن يعطيك اياها هو الدكتور بس :44:
وافقت وجا الدكتور وغطوني كامل ماعدا المكان اللي بيعطوني فيه الابره ولما عطاني الابره حسيت بمثل شكت الدبوس واللي بعده ماحسيت فيه لانهم اصلا يخدرون المكان كامل قبل لا يدخلون الانبوب
المهم خذ له تقريبا 10 الى 15 دقيقه لين خلص وبعدين بدا الالم يخف وقالي يمكن الابره تخلي الولاده تطول ساعه او ساعتين وممكن العكس تسرعها وانتي ماراح تحسيت باي الم ماعدا عند طلعت الراس بتحسين بضغط للاسفل والم بسيط يمكن بنسبه 20 الى 30 بالمئه بس
قلت له الحمد لله وقعدت اراقب الالم في التخطيط على الجهاز واسولف انا واختي وام ازوجي طلعت ترتاح برا ولاحظة ان بديت احس بالالم كل ماصار في طلق وهالكلام بعد ماعطاني الابره بساعتين !!! والالم يزيد فحصتني القابله ولقت النفس 4 ونص سانتي بسسسسسسسسسسسسس !!!
وتقول لي تحسن بضغط للاسفل اقولها ايوه واحس بالالم يزيد مب قادره استحمله ومن هنا بدت المعاناة وكانت الساعه 2 او 3 الفجر اتصلو بالطبيب قالهم عطوها جرعه زياده في الانبوب من مخدر ثاني وعطتني الابره حسيت بتنميل بشفايفي ورجولي ودوخه بس الالم مازال وقوي غير مستحمل المهم طلبو لي الدكتوره وجت فحصتني ولقت راس البيبي مايل على جنب يعني مب سيده وعنق الرحم غليض وراد على ورا !!! بالله عليكم سمعتو عن هالشي انا اول مره اسمع فيه وراس البيبي بعيد مب قريب
قعدت تحاول تعدل الوضع وانا احس روحي بتطلع واترجاهم يطلبون دكتور التخدير عشان يشوف الوضع كلموه وقالهم عطوها مخدر مره ثانيه !!! ونفس الحاله كنت مازلت احس بالالم ومب اي الم الم فضيع من الطلق ومن الفحص ومحاولت تعديل را س البيبي
ومره ثالثه يعطوني ابره بالانبوب والوضع هو نفسه ولكم ان تتخيلون حالتي كنت ابكي ومنهاره وام زوجي تصبرني واختي تقولي استحملي شوي وتولدين خلاص هانت
فحصوني على الساعه 5 ونص ولقت النفس بين ال5 و6 سانتي صبرت الساعه 7 فحصتني لقتها مازالت 6 !!
وانا خلاص بموت من حرارة الالم
وكل شوي مجموعه من القابلات يفحصوني وكل وحده ترطن للثانيه بالهندي ومستغربه من الوضع وطلبو لي دكتوره ثانيه جت وفحصت وهنا خلاص حسيت روحي بتطلع تخيلو ايديها الثنتين داخل وايد القابله وانا ابغي ادفع وهم يقولون لي لا تدفعين لانك توك 8 سانتي والراس بعيد مب راضي لا يعتدل ولا ينزل تحت
المهم قعدت اصرخ ابغي عمليه واترجاهم وهم يصبروني ومافي فايده وبعدين لما شافوني خلاص منهاره عطوني ابرة العضل وحطو لي الكمام وخلو نسبة التخدير عاليه بالكمام لدرجه اني كنت احس نفسي بعالم ثاني ولو مب الله ثم هالمخدر مادري شو كان صار لي بس كنت احسب نفسي مت وانا بالعالم الثاني وقعدت على هالحاله بعدين حسيت في الدكتوره وهي تحاول مره ثانيه والممرضات يمكن اربع معاها الكل يشد من صوب والدكتوره تمسك الراس واحس بكل اصبع من اصابعها والله اني صرخت بكل قوتي وقعدت اصرخ واصرخ لين خلاص بغيت اجن ثلاث مرات كنت بطيح من السرير اتلوى واصرخ ومب حاسه بنفسي
وربي سهل هالمره وتعدل الراس وقالو لي ادفعي لما تحسين بالالم وبنفس الوقت القابله ماسكه الراس عشان لا يرجع يلف على جنب او يرتفع مره ثانيه وكانو اصلا حاطين جهاز على راس البيبي لان نبضه ضعف وحاطين لي اكسجين يعني كمامين واحد للاكسجين وفوقه كمام المخدر وربي عطاني القوه وقمت ادفع لين حسيت الراس بدا يطلع وبعدين كم مره وطلع جسم البنت وهذا كله وانا كاني احلم ومب في وعيي
هالكلام كان الساعه 9 و 25 دقيقه يعني كنت ابغي ادفع والنفس فوق ال8 سانتي من الساعه 7 ونص ولحد ما ولدت الساعه 9 و25 :time:
سمعت صوت بنتي وهي تبكي ومب قادره افتح عيوني من التعب وبعدين شوي شوي بديت افوق واسمع اصوات اللي حوالي ولما فتحت عيوني جت ام زوجي وهي تبكي تبارك لي واختي كانت ميته خوف وعيونها مليانه دموع تقولي خلاص ولدتي وربي عطاك بنت وانا مش مصدقه احسب نفسي احلم واقولهم انا احلم والا هاي حقيقه :35:
وماصدقت لين حطوها على صدري وشفتها :27:
كانت كتكوته وزنها 3 كيلو و125 جرام وانا كنت فاكره كل عسر هالولاده بسبب حجمها الكبير
نظفوني وعطوني ابره عن النزيف لاني نزفت والدم نزل عندي بعد ماكان 12 صار 8 وكل شوي مغذي وابر ولما رحت كرمتو الحمام تغير لي القابله وتغسلني لقيت ايديني كلها كدمات وكنت اصلا مش قادره امشي من الاشياء اللي سووها فيني 4 ايام مش قادره اتحرك ولا امشي زي الناس اليوم احس نفسي شوي احسن
هاي قصتي بكل ما فيها من معاناة وعلى فكره اختصرت وايد ههههههه كل هذا ومختصره برجع لكم بعدين لان زوجي يبغي غدا وبناتي جو من المدرسه
اشوفكم بعدين
غرشوب رعبوب @ghrshob_raabob
محررة برونزية
يلزم عليك تسجيل الدخول أولًا لكتابة تعليق.
amsah
•
الف الف مبروك البنوته واجر وعافيه يارب يرزقك الخير والهنا على وجهها
ممكن سؤال انتي في اي مستشفى ولدتي ؟؟
وهادي الولاده رقم كم؟؟ماشاءالله (ابي اطمن عل نفسي )لاني حامل يالثالثه
ممكن سؤال انتي في اي مستشفى ولدتي ؟؟
وهادي الولاده رقم كم؟؟ماشاءالله (ابي اطمن عل نفسي )لاني حامل يالثالثه
الحمد لله علاسلامه
والولاده تدرين ما تعرفين شنو يصير فيج مفاجاه بس الوحده من تولد تنسى كل شى
صارت قصتج ذكرى شفنى اشلون وكل حملت ذكريات
الله يخلى بنتج ويبلغك فيها
والولاده تدرين ما تعرفين شنو يصير فيج مفاجاه بس الوحده من تولد تنسى كل شى
صارت قصتج ذكرى شفنى اشلون وكل حملت ذكريات
الله يخلى بنتج ويبلغك فيها
الصفحة الأخيرة
انا ماجربت الطبيعي بس سلفتي تقول الولاده الطبيعيه سهله وماتاخذ ابره ظهر ولاشي
ومتيسره ولادتها تقول الناس تبي تخوفك لانك ماجربتي الطبيعي بس يوم قريت معناتك دمعت عيوني
الله يخلي لك البنوته اميييييييييييييييين واخوانها واخواتها