السلام عليكم ورحمة الله وبركاته ..
اخواتي حابه احكي لكم قصة ولادتي بطفلي الاول ولو انها متأخره لأني الان على وشك الولاده بالثاني ومحتاجه جدا جدا لدعواتكم انالله يهون علي وييسر ولادتي ويخرج طفلي سليم معافى ويعافيني انا برضو .. مثلكم عارف الدعوه في ظهر الغيب مجابه بإذن الله ..
انا حملت بطفلي الاول بعد زواجي بفتره قصيره على اني كنت مخططه ان الحمل مايكون الا بعد 6 شهور او سنه بس قدر الله وماشاء فعل .. تعبت جدا بحملي كان معاي دم واخذت مثبتات مدة 3 شهور وكنت دائما اروح للمستشفى اما ينزل معاي دم او احس بألالام مو طبيعيه وجاني حصر بالبول وتورمت بشكل مو طبيعي بالشهرين الاخيرات لدرجة اني البس جزم مقاس 40-41 وانا كنت البس قبل الحمل 37 واحيانا 36 تخيلتوا الورم كيف صاير :44:
نجي للولاده كنت مخططه يكون ولادتي بمدينة الملك فهد وكنت اقول لزوجي لو مايبقى الا الشميسي ماولدت فيه المهم ماكان لي ملف باي مستشفى لاني كنت اتنقل مابين الرياض والخبر فكل متابعاتي واشعاتي بمستوصفات اهليه يعني انواع الشتات .. المهم قبل ولادتي بيومين حسيت ان حركة البيبي خفت شوي قال زوجي سوي اشعه طلعت لمستوصف اهلي وسويت اشعه قالت لي الدكتوره وين ناويه تولدين فيه قلت مدينة الملك فهد قالت امشي له حالا ارتعت صراحه قلت ليش قالت مافيه مويات ابدا حول الجنين انقلبت موازيني بلحظه قلت كم ممكن اقدر استنى قالت يوم يومين بالكثيير وبعدها يموت الطفل .. رجعت للبيت ابكي قال زوجي يمكن ماعندها سالفه بآخر الليل رحت لمدينة الملك فهد رفضوا استقبالي وقال الشميسي افضل مكان لحالتك .. طلعت من عندهم وانا اقول مستحيل اروح للشميسي رحت للجامعي سوت لي كشف وقالت مفتوح 1 سم وروحي للشميسي افضل مكان طلعت الدنيا تدور فيني مستحيل الشميسي وانا اقول لو مايبقى الا هو ماولدت فيه خذاني زوجي لاسعاف الشميسي وانا بقسم النساء انتظر الدور تخيلو جت وحده شكلها واصله ومعاها وحده ماسكتها تساعدها عالمشي طلبوا من الحامل عينة بول دخلت الحمام وعلى طول طلعت قالت مااقدر اسوي شي خلاص احس البيبي بيطلع وقامت تصارخ كل هذا بالانتظار جوها الممرضات وقالوا لالا استني قامت تصارخ وجلست على ركبتها وهم يتراكضون اللي تجيب الكرسي المتحرك واللي بتساعدها على انها توقف وتقعد عالكرسي وانا ابكي فجأه صرخت صرخه وطلع البيبي ولدت ياناس قدامنا .. انا خلاص انهرت مررررررره طلعت ابكي المنظر مرعب خصوصا اني بكريه واشوف اهمال المستشفى لها :icon33: طلعت للشارع ابكي واقول لزوجي خلاص تعال خذني مستحيل اجلس جاء فعلا خذاني ورجعت للبيت وقام يهديني وقال الحمد لله الحرمه ارتاحت ثواني وهي ولدت وماادري ايش لما قمنا من النوم وداني للطوارئ مره ثانيه وسووا تخطيط للبيبي واشعه ولقوا فعلا المويات ناشفه وقالوا تنويم قلت لهم بليز بطلع وارجع لكم بالليل وقعوني على الكلام هذا وطلعت ورحت لبيت اهلي عشان الماما ماتقلق وماتتوقع ولادتي لآني انا بكريتها برضو وتخاف علي مووووووت .. بالليل جاء خذاني زوجي ورحنا لبيتنا وجلست شوي وقال يالله خلاص قومي للمستشفى وانا مررره مرعوبه رحنا وطلبوا من زوجي طلب غريب انه يتبرع بالدم هو ومعاه 4 اشخاص اجباري والا مايولدوني المهم جاء المسكين الصباح مبكر ومعاه 3 وتبرع هو عن شخصين وتعب المسكين مررررره نزلوني عالساعه 9 الصباح واعطوني طلق صناعي يااااااارب ارحمنا برحمتك بس تألمت ألم مو طبيعي خلاص حسيت اني بموووت صراخ وتعب وماعندك احد ومافيه أي وسيله لتخفيف الالم مع اني بكريه المفروض يهتمون فيني اجلس بغرفة الولاده نص ساعه مايمر علي أحد وانا ميته من الالم والصراخ ابغاهم يولدوني قيصري تعبت مرررررره .. جوني دكتورين سودانيات كشفت لقت الرحم مفتوح 9 سم تقول لي يالله ادفعي وانا احاول بقدر الامكان بس مافيه فايده قامت وقفت عند باب الغرفه وقالت عمر ابوكي ماولدتي وطلعت وخلتني بالله عليكم هذا اسلوب مافيه أي رحمه حرام .. المهم وسعوا لي مرتين المره الاوله حطوا لي بنج المره الثانيه قصت زياده بدون بنج والله يابنات الالم براسي اللحين انهرت انا خلاص بمووووووت وش هالقساوه فيهم .. بعد عناء 6 ساعات مع الطلق الصناعي جبت ولدي وبعد ماخيطوني جاني نزيف مادري من ايش وحطوني بالملاحظه كم ساعه وبعدها طلبت منهم يطلعوني للغرفه تخيلوا يابنات بوقف ارجع ادوووخ من النزيف يوم كامل مارحت لدورة المياه اعزكم الله لاني مااقدر اوقف او امشي اصلا ومافيه احد يساعدني تضغطين الجرس ماتضغطين ماعندك احد انادي عاملات النظافه واوريهم الفلوس مالمك احد ابي احد بس يسندني لين ادخل دورة المياه الله يعزكم مافيه أي استجابه .. جت الصباح وحده تغير المفارش قلت لها ابي احد يساعدني قالت قومي بس بلا دلع بغير المفرش قمت وانا تخنقني العبره لما مشيت خطوتين اغمى علي صحيت وانا عالسرير وهي مرتاعه مرررره جابت لي عصير وتتأسف طلعت من بكره على مسؤوليتي وطلعوا ولدي من غير مايطعمونه تطعيمة الدرن تخيلتوا عطوه موعد بعد يومين ووداه ابوه يطعمونه .. تخلف زي كذا ماشفت .. شفت المووووت بهالولاده والتعب .. والله العظيم اني قعدت 4 شهور بعد الولاده افز بنومي والسبب ولادتي اتذكر تفاصيلها لدرجة كنت اقول ماراح احمل الا لما يدخل ولدي الروضه وقدر الله وحملت بعد سنتين ونص من ولادتي بالاول جاني انهيار عصبي من الروعه .. تكفووووووون دعواتكم لي ان الله يسهل لي هالولاده ويجعلها بردا وسلاما علي وعلى ابني الثاني ..
يلزم عليك تسجيل الدخول أولًا لكتابة تعليق.
nusaibaaa
•
الف الف مبرووووك والله يسهلك يارب
لاحول ولاقوة الا بالله
شي يحزن وش هالمسشتفيات
وش هالاخلاق انفجعت من الحرمة اللي ولدت قدامكم
اهم شي انتي عملتي حسايك على الولادة ذي تختارين مسشتفى اهلي
واحسن مسشتفى بعد
والله يعينك ويسهل علي وعليك يارب
شي يحزن وش هالمسشتفيات
وش هالاخلاق انفجعت من الحرمة اللي ولدت قدامكم
اهم شي انتي عملتي حسايك على الولادة ذي تختارين مسشتفى اهلي
واحسن مسشتفى بعد
والله يعينك ويسهل علي وعليك يارب
الله يسهل ولادتك يارب وعلى حسب مايقولو عسر الولادة وسهولتها على حسب نفسيتك ...والله يسهل عليك وعلينا...موفقه
ودمتي بحفظ المولى ...أختك أم الوليد
ودمتي بحفظ المولى ...أختك أم الوليد
الصفحة الأخيرة