**قصة ولادتي بعد أنتظار السنوات ,,,,وأخيراً تحقق الحلم**

بسم الله الرحمن الرحيم

أخيراً لقيت فرصه أكتب قصه ولاتي وأسوي نفس الحريم خخخخخخخخخخخخخخخخ




طبعا ًمثل ما يعرف بعض العضوات أنه تم حملي بعد مرور عشر سنوات من زواجي

تخللها مرتين حمل طبيعي لكن كان خارج الرحم وثلاث عمليات أطفال أنابيب فاشلة

والرابعة بفضل الله ومنته تم الحمل فيها والحمد لله كم ينبغي لجلاله وعظيم سلطانه

وتم ترجيع الأجنة بنفس يوم تاريخ زواجي ولكن تاريخ زواجي العاشر ...

حالفة بنتي ما احمل فيها الا بعد عشر سنوات ....

والحمد لله مرت شهور الحمل بتعبها وثقلها وأحلامها ومواعيدها وكانت رغم التعب أجمل لحظات مرت في حياتي خاصة لما تتحرك في بطني ولما أشوفها بالسونار وقلبها الصغنون يطقطق وكل يوم أتامل بطني يكبر حقيقة مو خيال ولا هو مخدة مثل ماكنت أسوي بالسنوات المريرة .............


ومن الفرحة من عرفت أني حامل وانا خايفة يكون حلم وكل يوم بعد كل فريضة أصلي ركعتين شكر لله

طول الشهور الأولى إلى ان جاء اليوم اللي شفتها بالسونار تتحرررررررررررك ببطني....

مانمت ذاك اليوم من الفرحة ....

الله لايحرم كل انثى من هالشعور ويرزق أخواتنا المنتظرات ياااااااااااااااااااااااااارب

والحمد لله من قبل ومن بعد

لكن بنتي العنيدة طول فترة حملي ماعرفت جنسها وكل سونار يقولون الجنين مسكر رجوله ومن الشهر الرابع وعلى هالحال إلى أن جاء الشهر الثامن وقالوا الجنين جالس وأن شاء الله يتعدل وإذا ماتعدل نسوي قيصرية

قلتلهم أحسن أنا ما إبغى طبيعي ..خليه مرتاح جنيني طلعوه ولا تتعبوه وأنا مو مشكله .....

وأروح للموعد بعد الاسبوع 37 وأسوي الأشعه قالوا الجنين مقعدي والمويه حواليه قليله لازم ولادة بسرررررررررعه
..
..
..
..
..أنا ما صدقت سمعي معقولة ..أخيرررررا....ً أشوف مولودي اللي طال أنتظاره ......

بس أنصدمت ....فجأه بكرة يتحقق الحلم ...صار مزيج من الخوف والفرح والسعادة ومشاعر مختلطة

وزوجي معي مستانس يقول أروح أجيب الشنطة ..قلت سلامات وش فيك أصبر ...كبف يعني بكرة أولد....

خلااااااااااااااااااااااااااااااااااااااااااااااااااااااااااص.....

يقول أنتي وش فيك؟؟؟؟؟ أيه بكرة قلت مومستوعبه

قلت له خلنا نتفاهم ...قال وش نتفاهم عليه ....قلت باقي كم حاجة ما أشتريتها...قاال أنا أشتري الباقي بس أنتي تجهزي ...قلت وش أتجهز له .....قال للعمليه...................الحمد لله بس ....مدري وش يبغاني أسوي لها
قلت له لا تعلم أحد إلى أن أولد ....قال :لا ابي أعلم أمي ...اقوله لا تقولها.. يقول.. الا كل يوم تسأل تنتظر هاليوم
قلت خير أن شاء الله ...بس ما ابغي أحد يخاف علي وأبيهم يتفاجأون اني ولدت ويفرحون وخصوصا اني بأول شهري ....
وأتصل على أمي وأقولها أبروح للسوق وابجيكم بكرة وش اخباركم واسولف علشان ما تشك بشي


وتنومت وصوموني الساعه 12والصبح الساعه 7 جت الممرضه ومعاها جهاز التخطيط وتطمنا على البيبي

والساعة 8 جت ومعها سرير العمليات يلا مدام روه (روح) امليه(عمليه)....وأنا كأني مو بالدنيا ...ولا أقولكم كأني رايحة للسوق قلت يلا مشينا .................................................
ونروح للغرفه ويجي دكتور التخدير قلت له ابغى بنج نصفي ....قال حلو سهلتي علي أنا كنت بقنعك فيه

قلتله أبشوف البيبي .....وأسئله طويله عن تاريخي وعن حالتي وقالو....ا يالله بيبي أوت ............

ويمشون السرير لغرفة العمليات وقالوا وش بتسمين البيبي قلتلهم انا ما اعرف هو ولد ولا بنت علشان اقولكم اسمه
ضحكوا يحسبوني خايفة يسوووون جو علشان أتحمس للولادة وما أخاف من العمليه بحكم أنها أول بيبي واول مره
ودخلنا الغرفه كل شي أخضر طوووووووووووووووووووووووووووووووووووووووووط

انقطع الارسال مافيه تفاصيل اكثر........................ عن الغرفه طبعاً

ويبدون يعقمون يديهم ويبدأ يركب أبرة البنج بالظهر وطول فيها يمكن 20 دقيقه لانها تبغالها دقه
وبعدها بدت الحرارة من نصف بطني الى نهايه رجولي وسدحوني على السرير وحطوا الستارة بيني وبينهم وركبوا الأكسجين وبدوا يشتغلون وأنا أدعي وأتابع خطواتهم بسمعي ...

أول قصوا الجلد اللي برى ...أها بدوا بالبطن ...بالرحم ....حسيت بأنواع الظغط وفتح البطن بس طبعاً بدون ألم بس كأنهم يحكون الجسم وشوي وأسمع أحلى صوت بالدنيا ..اللحظه اللي كنت أتمناها وطال انتظاره ويأسني الشيطان اني لا يمكن أسمعها.... بس ربي كريم



واء واء واء واء واء واء

صوت درونتي الحلوة بس كان بعيد بالغرفة الثانيه
وقف الأحساس بالدنيا بهذة اللحظه كأني أشوف مسلسل مو أنا ....لكنه أنا............. أنا صرت أم

والدكتور اللي فوق راسي قال مبروك ودكتور التخدير قال مبروك البيبي قلت الله يبارك فيه ولد ولا بنت ؟؟؟؟؟
قالوا اللحين ينظفونه وتشوفيه ..قلت حرام عليك قل لي ولد ولا بنت ؟؟؟؟
طبعاً ماتفرق بس جننتني أخيراً طلع المستخبي وجت اللحظه اللي أعرف وش اللي ببطني ..

قالوا الدكتور يقولك .....قال الدكتور بيبي قيرل وهو مو فاضي ويجيبوها لي















ياربي







ما انسى هاللحظه

تساوي عمري كله

مفتحة عين ومسكرة عين وحمررررررررررررررراوفاتحين رجولها علشان اشوف العضو وقالوا هذه بنتك بدت عيوني تدمع وبديت أستوعب انها حقيقه مو خيال وحطيت اصبعي بيدها الزعنووووونه فديت اصابعها ياناس


وأخذوها وكملنا العمليه ويطلعوني بعد ماخلص كل شي وأروح لغرفه الأفاقه إلى أن فك البنج وانا نفسي أبشر زوجي ..أبروح للغرفه بسرعه علشان اخذ جوالي وأبشره واخذوني للجناح ودخلت المصعد واسمع صوت زوجي يقول هاذي امومة(...............اسمي) واتكلم وهم مغطيني قلت أي انا

قال وو الدنيا ماهي سايعته من الفرحة شفتي بنتك تهبل ...
قلت أي قمر شعرها قليل ونتفه صغيرونه قال الحمد لله. وشلون تبغينها توها مولودة...........قلت تخيلتها شكل ثاني..بعدين تذكر وقال الحمد لله على السلامة ..قلت في نفسي اللحين يبوس راسي ولا يتحرك احساس رومانسي..........ماعندك احد ......طيرت عقله دارين ...وانا كأني في حلم عميق واروح لغرفتي ويباركون لي القيصريات اللي مثلي وجاء زوجي معي وجوالي وجواله ماوقف ولا لحظه وانتظار بعد .من كل مكان ....
وانا اون من الألم وارد على الاتصالات وما عاد ادري وش اسوي....

كان فعلا حدث عالمي ....الدنيا كلها عرفت بقدوم دارين حريم وعجايز ورجال وسوينا لها تمايم وعشاء كبير كأنه زواج وسويناه بأستراحة .....
وأخيراً تحقق الحلم

وأسفه على سرد التفاصيل والاطاله وكان فيه تفاصيل اكثر من الاحاسيس والمشاعر اللي ما أقدر اوصفها بكلمات ولاورق ولا ازار كيبورد ..........

لليوم هذا اذا شفت بنتي تضحك ولا لعبتها ولا غسلت ملابسها وبربتوزاتها الصغنونات تدمع عيوني وابكي واحمد ربي واشكره على نعمته لانه اقر عيني بشوفتها ....


وكتبت هذي الكلمات من قلبي بعد ما شفتها

أشرقت الدنيا بنور دارين
بعد ما أظلمت حياتي أيام وسنين
نعمة من رب العالمين
يارب تحفظها من الحسد والعين
شوفتها بالدنيا تروي قلبي الحزين
اللي أظماه الشوق والحنين
ياعساك بحياتك تهنين
ويجعلك ربي من عبادة الصالحين
أحمد ربي وأشكره كل حين
اللي نور حياتي بنور دارين
واذكروا الله يالسامعين
ترى ذكره حصن حصين

كتبت قصه الولادة بالمستشفى..............
ادعولبنتي بالشفاء لانها تعبانه وعمرها شهرين وصار معها جفاف ونوموها علشان كذا فضيت وكتبتها بالمستشفى لانه عندم مافيه نوم ولا راحة ممرضات ودوشه وازعاج*ازعاج
قلت خلني استغل الفرصه وتشاركوني فرحتي

والله يرزق المتأخرات عاجلا غير اجل ويصلح لنا النيه والذريه