السلام عليكم ورحمة الله وبركاته
ابشركم تمت ولادتي يوم الجمعه الساعه 10 ونص بالليل بتاريخ 18/6/2010 وجبت بكري بنوته وسميتها يارا
البدايه كانت موعد للتنويم يوم الخميس بالليل الساعه 12 لاني طول التاسع ماجاني اي بوادر ولاده لا افرازات ولا مغوص ولا شي 00
المهم رحت التنويم فجر الجمعه تاخرت شوي ومعي زوجي وماقلت لاحد بس قلت لاختي الي اكبر مني عندي تنويم الجمعه بالليل مابي احد يقلق المهم سويينا اجراءات التنويم بمستشفى دله طبعا مسويه استدعاء لدكتورتي جيهان
على الساعه خمسه ركبوا فيني جهاز التخطيط يوووووه ياذا الجهاز يطفش ومدته ساعه طبعا قلت لزوجي يروح ينام ويجيني الظهر بعد التخطيط جات الدكتوره المناوبه هنديه اعتفد اسمها لبنى وعطتني اول تحميله بصراحه ايدها خفيفه رغم ان الرحم مسكر ماتالمت وقالت لاتتحركين لمدة ساعه ونص ويرجعون لي التخطيط والقرف لمدة ساعه وتجي دكتورتي جيهان تقريبا الساعه 8 وتطمنت علي وقالت قومي امشي قلت يادكتوره ماقدر مانمت ودي اريح شوي بزعمي بستعد للولاده قالت خلاص نامي شوي بعدين قومي امشي المهم سبحان الله ماجاني نوم تقريبا غفيت ساعه الا ربع وضيعت الوقت بالتقلب المهم قمت 11 وقعدت امشي شوي ومافيني اي الام الا وتجي الممرضه وتقول يالله تخطيط ونرجع نسوسه من 12 الا ربع الين وحده الا ربع وتجي دكتورتي وتكشف وذبحتني وهي تكشف ايدها مرررره مؤلمه وتقولي مافتح ابدا وتعطيني التحميله الثانيه وهي ضايق صدرها وتقولي ساعه وقومي امشي ويركبون التخطيط وتبدا المعاناه وبعد ساعه صرت احس بالام خفيفه يم جت الممرضه تفك التخطيط سالتها فيه طلق قالت لا ويجيني اكتئاب يعني حتى هالالام ميب طلق وراح اقول للمرضه نادي دكتورتي جيهان انا ابي عمليه وانا فعلا مقرره وتهاوشني الممرضه انتي تفكري عمليه مافيه الم هذا الم بعدين واصلا الدكتوره راحت وماراح تجي الا على وقت الولاده اتعوذ من بليس واقوم اتغدى واوضي واصلي الظهر وابدا امشي واحس بالام تروح وتجي كل 3 دقايق وتبدا تشد لدرجة وانا امشي اوقف وقت الالم وانا مدري ذا طلق ولا وشو المهم ماقدرت اكمل مشي يكفيني ارهاق السهر والالام وسبحان الله انتظر صلاة العصر وكلت 7 تمرات وشربت موية زمزم وقعدت اقرا ايات تسهيل الولاده وقمت صليت بصعوبه وشربت كف مريم بعدها صارت الالام غير محتمله اقعد بالسرير وادق على زوجي تعال بموت
بعدها ناديت الممرضه وقلت لها تعبانه مره الم كل 3 دقايق واقل ابي ابرة الظهر نادي الدكتوره المهم ممرضات قسم التنويم خايسات وباردات وتتاخر علي ويجي زوجي ويروح لهم ويقول زوجتي تعبانه نادوا الدكتوره واقعد انتظرها وتجي اسمها نصيره سودانيه وتكشف وبصراحه ايدها خفيفه وقالت مفتوح الرحم 4 سم ونص ودوها قسم الولاده كانت الساعه 5 طبعا اثناء الطلوق استفرغت مرتين اكرمكم الله من التعب ويعطوني حقنه شرجيه وبعدها على قسم الولاده وانا اصيح على زوجي ابرة الظهر ويم وصلت لغرفة الولاده يكلمهم زوجي نبي الابره ويقولون روح حاسب عليها وقيمتها 1700 بين مانعطي زوجتك مغذيتين قبل الابره وتجيني ذيك الصدمه بتحمل الطلق لين تخلص المغذيات المهم واصبر والحمدلله ماطولت نص ساعه ويهيئوني للدكتور عشان الابره لازم اخذها وانا جالسه ويجي الدكتور مدري وش اسمه عراقي معه الجنسيه السعوديه بصراحه رهيب حتى زوجي انبسط منه بمجرد ماعطاني اياها الله يوفقه اسفهليت وقمت اسولف مع زوجي والممرضه ومافيه اي احساس بالطلق صدق ان هالابره نعمه من الله المهم واقعد من 7 الين الساعه 10 ويكشفون يلقونه 10 سم وينقلوني للغرفه الثانيه جنبها عاى طول طبعا قلت لزوجي دورك انتهى هنا وتجي دكتورتي ويالله يبداون كل ماجا طلق قالوا ادفعي وانا ماعرفت ادفع لاني مو حاسه بشي ونقعد على هالمعاناه لين بغوا يحولوني قيصري لولا فرج الله في اخر اللحظات دفعتها وسحبوها بعد بجهاز الجفت وتمت الولاده بحمد الله
ملاحظه الممرضه الي معي بالولاده عسوله مره
لجات لابرة الظهر لان الطلق الصناعي حامي مايريحك دقيقه وبتجربتي لها الحمدلله مافيه اي مضاعفات واعتبر جربت الطلق 4 ساعات قبل الابره الله يعظم الاجر
وجود الزوج معك افضل شي وراحه كبيره الله يخليه لي
اخيرا الله يقوم الجميع بالسلامه
امي اشكرك @amy_ashkrk
عضوة فعالة
يلزم عليك تسجيل الدخول أولًا لكتابة تعليق.
الصفحة الأخيرة
على فكره لاتنسي تغيري التوقيع خلاص فرجت