السلام عليكم ورحمة الله وبركاته
انا قبل كم يوم حطيت موضوع وكنت متضااااااااااااايقه بجد كنت في حاله كآبه
وردو علي بعض الاخوات وواسوني وصراحه لهم بعد الله فضل كبييير في تحسن حالتي النفسيه
وكل اللي دخلو يدعون لي ويباركوون حسيت ان الدنيا لساتها بخير وان فيه ناس تحب الخير للغير مثلكم يا بنات حوا يا احلى خوات
انتم اخواتي اللي ماجابتهم امي ..
..
والآن اكتب لكم قصة ولادتي بالتفصيل بناءً على وعدي لكم روحي جيبي لك كاسة كابتشينو ولا شاهي واقري لأني مطوله :
اول شي كنت اتابع بالمستشفى السعودي البريطاني وكنت مخططه اولد عندهم لكن شاء ربي اني اولد في مدينة الملك فهد الطبيه
تضايقت كثييير يوم عرفت اني مستحييل اولد بالبريطاني لكن كانت كلمتي ( لعله خير ) وان شاءالله انه خيره لي ..
المهم .. حددت لي الدكتوره موعد دخولي للمستشفى تنويم لان ولادتي عملية قيصريه والسبب اني والده قبل كذا قيصري طلعت هذاك اليوم الي قبل العمليه للمستشفى وكنت خاايفه ومرتبكه وحالتي مايعلم فيا الا الله
اهم شي .. رحت ودخلت غرفتي (( انا اخذت غرفه خاصه بـ 650 ريال )) كنت اطالع كل شي فيها كئيب الـ t.v الوان الغرفه السرير لاحظو اني جايه من البريطاني والبريطاني مستشفى فندقي يعني فررررق وهذا اثر كثيير على نفسيتي
ليتني ماتابعت بالبريطاني وماعرفته لكن ارجع واقول خيره ان شالله ,,
اهم شي ماجاني نوووووم من التفكير والقلق النفسي والحيره في البنج كنت خااايفه من البنج النصفي وماودي بالكامل لاني مجربته وصرااحه موووووت خاصة اول ما تفيقين من البنج غير الكحه وغير الدوووخه والمضاعفاات
المهم حددو موعد العمليه الساعه 9 ونص صباحاً , وانا في خوووووف مايعلمه الا الله قمت وصليت استخاره عشان البنج وحاولت انااام ماقدررررررررررررت وكنت ميييته من الجووع والعطش لانهم صوموني من بدرري وانا جايتهم وانا مااكلت
جات الساعه 7 ونص جتني الممرضه تقول يالله مدام عشان بعد شويه عمليه قلت هم قالو 9 ونص قالت ماادرري بس الحين يقولو خليك مستعده
الساعه 8 ونص جابو السرير اللي بينقلني لغرفة العمليات ولكم ان تتخيلووون وضعي يا الله مااضعف ابن آدم خفت خوووف غيرت ملابسي ولبست ملابسهم وانسدحت ع السرير وابي اقرا او ادعي انربط لساني من الرووعه واسمي واذكر الله واردد هالدعا ( حسبي الله لا اله الا هو عليه توكلت وهو رب العرش العظيم )
توكلت على اللي عينه ماتنام سبحانه ..مالي غيرك يارب يارب كنت مسلمه امررري خلااص وادق على زوجي اقول له تعال قال جااي قرييب بكون معااك لا تخاافي انا قايله له ابيك معاي وقت العمليه لانه كان معاي بعملياتي اللي قبل وشفته متردد وحرررصت عليه قلت لااازم تكون معااي قال طيب ان شالله
غطوني بالشرشف الابيض ودفوني الين مكان قبل غرفة العلمليات وطول ماهم يدفوني ادعي ويدي ترتجف من الخوووف المهم جاني دكتور التخدير وكان زوجي معه يوم شفت زوجي ارتحت شوي قال الدكتور ليش خايفه شكلك معصبه هدي اعصابك قلت لا والله يا دكتور الا خااايفه موت من النصفي اهم شي شرح لي محاسن البنج النصفي وانه مايحتاج انبوب وحووسه
ونصحني فيه وقال انتي براحتك تبين نصفي او كامل وانا انصحك بالنصفي ماراح تحسين بالم بس بتحسين مثل اللمس او شي يدف ويتحرك بس الم ماراح تحسين قلت توكلت على الله نصفي قال خير ان شالله
اهم شي حانت اللحظه حان الوقت غطوني ومشو فيني رايحين لغرفة العمليات وانا اقول ابي زوجي معااي قالو يصير خير وهم مبيتين النيه قايلين له مستحيل تدخل ممنوووع !!!
دخلت غرفة العمليات وكانت باااااااااااااااااااااااااااااااااارده وانا اساساً بردانه من الخوف تجمدت اهم شي انتقلت للسرير الثاني تبع العمليات مسطح ونحيييف وله يدين وجلست على طرف السرير واعطوني مخده احظنها عشان ابرة البنج وقدامي ممرضه ماسكتني مثبتتني
وكان اللي بيضرب ابرة البنج شاب متدرب الظاهر لان استشاري التخدير موجود لكن الشاب هو اللي بيضرب الابره بناءً على تعليمات من الاستشاري وانا مسلمه امررري لله ..واطالع مكان المولود بعد مايطلع ومعداتهم واللمبات ,,اهم شي قام يحدد مكان ضرب الابره اخيراً قال الحين بعطيك ابره تبنج الجلد بعدين اعطيك ابرة الظهر قلت طيب وخزه خفييفه تبنج الجلد جلست شوي بعدين حسيت بشي بالعظم مثل البروده الكهربه مدرري كيف المهم سألني قال تحسين بكهربه برجلك اليمين ولا اليسار قلت اليمين بعدين شوي الا واحس بكهربه برجلي اليسار بعدين قال خلاص انتهينا يالله انسدحي << قلبي طررربق طررربق
انسدحت وانا خاااايفه وادعي بنفس الدعااا الاول نسيت كل الادعيه وما عرفت اقرا من الروعه المهم حطو قدام وجهي على طوول فوق صدرري حاجز عشان مااشووفهم واللمبات اللي فووق مرررعبه قال حركي رجولك واحركها الا خدراانه الا شوي لاني متوحمه على الكابتشينو فكنت مدمنه طووول الحمل وانا شرررب بهالكابتشينو فتتحرك اطراف اصابع رجلي واحتار الدكتور وقامو يتكلمون قلت لهم ماابي بنج كاامل ماابي متحمله الم الابره وحالتي حاله عشان مابي كامل ومعاناة الانبوب والكحه قال ماراح نعطيك كامل تطمني
شوي قال حركيها وماقدرت قامت الدكتوره تعمل تست على بطني واحس فيها مثل وخز الابر وانا اللي اصررخ لااااااا تشقووني توني احس فيكم لا تشقووون اصبرررووو << والله اني اضحك وانرحم بنفس الوقت
قالت الدكتوره انتي ليش خايفه هدييي ماراح نعمل شي اليين تتخدرين طولت شوي كله من الكابتشينوو !!! بعدين بدا الجد .. حطو الاكسجين علي قلت لااا ماابي مااابي << من الخووف حسيت اني بنكتم ويهوووش علي الاستشاري حق التخدير هو نيجيري يتكلم فصحى قال : هذا ليس من اجلك هذا من اجل الطفل وانا اللي اهجد خفت منه طول بعرض واسممممرررر <<< الحين يوم اتذكر الموقف اضحك
سببت لهم ربكه وزززعطه .. بدت تشق البطن وآآآه من هذاك الاحساااس شي غريب يابناات صح مافي الم بس تحسين شي ينفرط شي ينفتح مع انه مافي الم ابدا قلت : آآه لا اصبروو احس بشي غريب احس فيكم عصبت الدكتوره علي طلت علي قالت اغادير انتي تبين ناجل العمليه لبكره خلاص بكيفك ولا تبين تخلصين وترتاحين قلت بخلص قالت خلاص اهدي واذكري الله وجنبي دكتوره حبووووبه ماسكه يدي طوووووول الوقت وتهدي فيني وتذكرني تقول ادعي الله يسعدهااا
قلت لهم وين زووجي ماشفته قالو بيجي بعد شوي يسلكون لي يبوني اهجد المهم اني خفت وسببت لهم ربكه جا استشاري التخدير ومعه بيده ابره قال هذي منومه عشان ترتاحين شوي << يبي يتخلص مني قلت لا لا لا ابي اكون صاحيه ابي اسمع صوت البيبي لما يطلع ابي احس باحساس كل ام لما يطلع ولدها قال بعصبيه : اذاً اغلقي فمك قلت طيب بغلقه بس لا تنوموني << ياقلبي انرررحم
المهم شفت يدينهم تضغططط بقوه على بطني اثاريهم بيطلعوونه لبى قلبه اجعوني شوي من ضغطهم على بطني قلت ااه قالت الدكتوره بس بنطلع البيبي تحملي شوي وشوي الا اسمه واااااااء <<< الله يووم سمعت صوووته قلت وينه ابي اشووفه بس ماجابووه قاعدين ينضفونه ويجهزونه اطل عليهم ابي اشووفه ماقدرت صح حسيت بشي غريب بعد ماطلع حسيت بفراااغ وحسيت بيدينهم يشتغلوون ببطني جواااا احساااس غريب بس تفكيري انشغل بولدي ابي اشووفه وهم يشفطوون ويحفرون ومدرري شيسوون بس مافي الم بس مثل الدف والحركه
اخيراً جابولي الشيخ شوي ثوااني ماامداني اشووفه بس بسته بووسه وحده وشالوووه وانا بس احمد الله الحمدلله الحمدلله وادعي وادعي اخيرا ً قالت الدكتوره خلصنا يا اغادير بس بننظف مكان العمليه ونوديك لغرفتك .. ارتحت بعدهااا قلت الحمدلله
ودوني اول شي لغرفة الافاقه لين خف البنج من رجولي وقدرت احركهن وبعدين ودوني لغرفتي كانت الساعه تقريبا ً 11 صباح ..اول مابدا يخف البنج بدت الالآم ومع الابر المسكنه اشواا ارتاح وانااام بس تخيلو يا بناات جابو لي الطفل الظهر وخلووه عندي الين طلعت من المستشفى هذا واحد من عيوبهم يعني حرام عليهم والده بعمليه وحالتي حاله وجايبينه مايمديني انام الا هو يصيح ومااقدر اشيله وماعندي مرافق وحالتي مايعلم فيها الا الله بس الحمدلله فتره وعدت ..
الابر المسكنه اعطوني اياها اول وثاني يووم ثالث يوم رفضوو يعطوني ابره بس حبوب بنادول وش تسوي البنادول بالالم اللي يذذذبح كانت حالتي تككسسف حتى الجرس ادق عليهم ابيهم يجيوون البزر يصيح ومااقدر اتحرك اجيبه مااحد يرررد علي قهروووني صرااحه ويجونك ريحة عطوراتهم تصرررع قويه قويه حييييييييييل وانا بعدها جاني غثيان وبغيت امووت من الغاززات بس الحمدلله الكحه ارتحت منهاااا مو مثل الكامل .. والدكتوره مرة علي اليوم الثاني وفكت اللزق تبع العمليه
واليوم الرابع يبون يفكون الغرز وعييت قلت لاااا خفت تنتفح العمليه
الزبده :
البنج النصفي افضل بميه مليون مره من الكامل
عيوبه انك صاحيه معاهم وقت العمليه لحظه بلحظه والاحساس الغريب لما يفتحون بطنك ويدفون البيبي شي غرررررريب ومخييييف بجد
ألم مكان الابره
واحسن مافيه ماتجيك الكحه اللي تموووت الصراحه بالبنج الكامل الكحه تسبب لي اززززمه
اي صح نسيت القسطره شالوها بنهاية اليوم يعني انا سويت العمليه الصبح شالوها المغرب وكانت معانااااة عشان اروح للحمام وانتو بكرامه
المعاناة اللي عانيت منهااا وبغيت امووووووووووووت هي الغازااات
والحين البواااسير ذابحتني يا بناات
اللي عندها حل وعلاج فوري مسكن للبواسير لا تبخل علي تدلني ولها دعوه بظهر الغيب
والغرز شالوها الا غرزتين تقول الجلد ما التأم
نجي للمستشفى :
تقييمي لهم من 10 اعطيهم 6 / 10
اللي يقهر يا بنات ان الدكتوره مااعطتني موعد عشان تشوفني وتشوف عمليتها ولا اهتمت واللي شالت الغرز لي ممرضه
ومااعطتني موعد للطفل ماادرري عاادي ولا لازم يعطونك موعد للطفل عشان يشيكون عليه ؟
الممرضات استاجبتهم يوم اناديهم اول يوم حلوه على طووووول يجوون ثاني يوم هه هه ثالث يوم سحبو علي وما احد عبرني
الطفل عندي 24 ساعه ولاازم ارضعه طيب تعبانه مااقدر لااازم ماهمهم وتخيلو اللهايه ( المصاصه ) ممنوعه والرضاعه ممنوعه يعنني مع الرضاعه الطبيعيه وحليب الام
ماقلنا شي بس كل واحد وظرووفه !!
...
لي ساعتين ونص اكتب :angry:كله عشان تستفيدون من تجربتي بليز يا بنات اقل شي اقل شي ادعي ان الله ييخلصني من الام البواسير ويعافييني ويشافيني ويهدي وليدي ويصلحه ويخلي اخوانه لي ويرزقني برهم حتى لو مارديتي ادعي :(
لكم مني كل الحب
:26:
اغا دير @agha_dyr
محررة
يلزم عليك تسجيل الدخول أولًا لكتابة تعليق.
ماشاءالله مبروووووك يتربى بعزك انتي وابوه ... والله يطرح فيه البركه هو وأخوانه ,,,
والله يشفيك من الآلآم اللي تعانين منها ,,, ويارب يرزقك برهم ....
صراحه حكايتك شي ,,, الله يعافيك ولااااااااا تعبتي ...
دعواتك لي بالذريه الصالحه ...ياااارب
والله يشفيك من الآلآم اللي تعانين منها ,,, ويارب يرزقك برهم ....
صراحه حكايتك شي ,,, الله يعافيك ولااااااااا تعبتي ...
دعواتك لي بالذريه الصالحه ...ياااارب
الصفحة الأخيرة
بالنسبه للبواسير
فيه تحاميل مرة رررروعه اسمها نيوهيلار