الله يهون وييسر لكل حامل يارب
كنت بكتب قصتي على طول بس تعرفون تعب الولاده وطلعت البيت
لكن مانسيتكم فديتكم اولا الله يجزى كل وحدة الله ساعدتني في أي موضوع كتبته او أي استفسار
او دعت لي بالسر ....
قصتي كما وعدتكم
طبعا الاغلب يعرف قصتي مع السونار سويت سونار في مستشفى احمد ابانمي
وقالت ان عظمة الفخذ قصيرة وماتنمو ورحت بالاشعه لقوى الامن يوم الاحد واعادو لي الاشعه
وقالت تقريبا نفس الكلام..بعد الولادة تقاوبلي دكتور الاطفال ويشرح لك
تو كلت على الله ولازمت الاستغفار والدعاء والحمدلله على كل حال,,
وقالت لي انتي الحين مخلصة التاسع بنعطيك 10 ايام اذا ماولدتي الاربعاء الجاي هذا موعد تنويم ونعطيك طلق صناعي رحت للبيت وكل يوم زوجي يقدم اجازته ولااولد يرجع لهم ويكنسل ويقول كل زملائي عارفين عنك ينتظرون متى اخذ الاجازة
واخوانه كل يوم يتصلون يبون من ياخذون اجازة عشان يتقابلون المهم كل مادخل زوجي من الدوام قال الحين بحصلها تعبانه ولادخل حصلني قدامه رازة ههههه جا الاربعا وقال زوجي انا معزوم هالكلام المغرب قالت امي لاتتاخر يمكن نحتاجك تضحك قلت انا الاروح وانبسط قال ماعندها ولاده شكلها بتكمل سنه راح وطلعت انا وامي بالحوش شربنا عصير وحطيت بالعصير خروع باقي العلبه لانها من قالت الرحم مفتوح 2سم بديت اشرب على خفيف
وخلصت ورحت سويت العشا صينيه خضار وتعشينا واحس بالالم على الساعه10 ونص حسيت بس ماتاكدت وكل ماعورني بطني جلست اناظر بالنت وامي تقول تعشي المهم تعشينا وجلست مع امي والالم يزيد شوي شوي ابي امي تنام جا الساعه12 جازوجي وقامت امي تنام امي ليليا ماتنام تنتظرني تقول الحين بتناديني تقول ولادة الاذاك اليوم نامت نومه جامده ههههه
جلس مع زوجي شوي وقال وجهك متغير شكلك بتولدني جلست اضحك قلت يمكن راح نام وجلست انا بدا الالم يزيد بسرعه رحت لدورة المياه وانتو بكرامه وامسح واحصل دم خفيف ضحكت مستانسه وقلبي يرجف خوف طلعت ورحت اخذت7 تمرات وشربت موية زمزم مقري فيها وفيها زعفران ورحت اقر ى سورة مريم وادع ربيي
واروح امشي بالسيب واناظر الساعه وكل شوي يقل الوقت بين كل طلقه والاخرى وقلت بنتظر الين ياذن الفجر عشان ينامون شوي زوجي كان مداوم الصباح ويوم اذن ماقامو قلت غريبة من امي قال واطلع من المجلس بروح اصحيهم الازوجي مواجهني قال تعبانه اوديك قلت صل وتعال
رحت صحيت امي وصحت ولبست عبايتي ورجع زوجي من الصلاه ونزلناعلى 6 رحت قوى الامن لقيته شبة فاضي اخذونا من الطواري للكشف وكشفت وقالت5سم ولادة وانا اجلس ارجع وانتوبكرامه واقول ابي مويه حلقي نشف قالت بعدين بعدين طلعنا لغرفة الولاده وحطت لي الجهاز حق النبض ومغذي والكمام وقلت ابي مويه ازعجتهم جابولي يمكن ملعقة مويه بكاسه صغيرة بللت ريقي وقلت ابي ابرة ظهر قالت لا انتي مفتوح5سم والابرة لازم اخذ دم واجلس ساعه بالتحليل قلت عادي قالت اذا ماولدتي اعطيناك قت انا بموت قالت لاحرام لاتقولي كذا انتي مسلمة وهذا هديه من الله وماعاد طلبتها خفت وقت الجد
وقلت ابي مسكن طيب قالت اعطيك بس شوي قبل ماتولدي كانت قابله ماليزيه الله يوفقها
وقلت حطي بفاين مويه واعطيني بمسح وجهي واعطتني ابرة بالفخذ ثم راحت وجتني فلبينيه شكلها يخوف بس تنافخ الفت مهم الساعه عاد 7ونص واقوم اصيح قلت بيطلع وقامت مسرعه كشفت قلت ادفعي خلاص طلع الحيوانه دخلت يدها قمت سحبت يدها واضربيني على يدي وربي الم يدها اقوى من الطلقه وادفع 3مرة طلع كتكوتي فديته..
ثم اعطتني ابرتين مسكن بعد البشيمه وخيطتني طولي
وتنومت يوم وطلعت والحمدلله طلع ولدي سليم مافيه الا العافيه كان كل كلامهم كذب قالو فخذه ماينمو وقالو وزنه يمكن يكون كبير وراح تجيبة طبيعي طلع وزنه2كيلو و900جم
اسال الله لي ولكم التوفيق
كنت بكتب قصتي قبل بس فصل النت علي سامحوني...
ام يارا55 @am_yara55
عضوة نشيطة
يلزم عليك تسجيل الدخول أولًا لكتابة تعليق.
"ام صالح"
•
الف الف الحمد لله على السلامة
الصفحة الأخيرة