أول شئ اللهم لك الحمد والشكر
ثاني شئ وحشتوني كلكم
هذا ياطويلين العمر
يوم 23-9 الموافق 23-8
الساعه 1 بالليل حسيت ألم خفيف لا يذكر وطنشت قلت يمكن تعاديل
نزلت الدور الأرضي للمطبخ الرئيسي أسوي سحور زوجي ورقيت الدرج وتسحر وطول الوقت أطالع بالساعه أنتبهت أن الألم منتظم كل 10 دقايق قلت لزوجي قوم نروح المستشفى للطوارئ بمستشفى تداوي المهم يوم رحنا المستشفى ولا على بالي شئ
الا الدكتورة تقول فاتح 4 سم أنا أستانست قالت تنويم ما تطلعين
وركبت لي جهاز التخطيط لمدة 20 دقيقه وبعدها قالت طلق بارد كثير الدكتورة هندية صرت أتكلم زيها قالت لي معاك لين الساعه 12 الظهر إذا طلقك ما قوى لازم توليد قلت لها كيف فهميني يعني أيش توليد
قالت بعدين فيه معلوم
المهم الساعه 12 جات الممرضة وركبت التخطيط ولقت الطلق بارد
وطلعوني غرفة الولادة جات الدكتورة تازين وفتحت الموية وقالت إذا الطلق بعد 30 دقيقة ما يجي نحطلك طلق صناعي
قلت طيب المهم سلمت أمري لله وقمت أدعي للي جو على بالي ما خليت أحد
بعد 30 دقيقة جات وقالت بنركب لك طلق صناعي قلت أجل أبي أبرة الظهر وبعد ما ركبوا لي أبرة الظهر عطوني الطلق الصناعي وكلها نص ساعه وولدت أحلى بنت على وجه الأرض
وسوتلي الدكتورة خياطة تجميلية
من ناحية المستشفى الحمدلله كل شئ تمام الخدمة ممتازة
الغرفة كانت ممتازة والنظافة 100%
اللحين شوفوا الصور
هذي صور الغرفة
خلاص تعبت والله من الجلسة
أدعولي أخلص نفاسي على خير
وقومني بسلامه يااااارب