قصة ولادتي .. بمستشفى دله

  السلام عليكم ورحمة الله وبركاته 

طبعا يابناات انا بكريه ولما جيت بالسابع مخططه اولد بمستشفى المملكه بس محد مدحه لي كلهم ذموه .. المدح كله ل دله توكلت ع الله ورحت لدله وفتحت ملف عند الدكتوره .. ايه .. راجعت معها شهر قالت انا باخذ اجازه وحولتني ع الدكتوره ..رانيا.. المهم وتمشي الايام ودخلت التاسع وجاء موعد ولادتي ولا ولدت ورحت لهم عندي موعد سوت لي تخطيط 😩 
قالت نبض البيبي مره ضعيف ولازم تنويم وطلق صناعي الكلام كان يوم السبت العشاء بالليل تنومت .. الفجر عطون طلق صناعي مافاد معي 😣 عطوني كذا تحميله ماجابت نتيجه وبدى التحطيم من الدكاتره .. يقولون انتي عنق الرحم عندك قاسي مانقتح الا نص سانتي انتي مستحيل تولدين طبيعي تحطيم حسبي الله 😔 
جلست يومين بالتنويم وكل شوي طلق صناعي وماجاب نتيجه جننوني شفت الموت الم فضيع 

قدر الله تولد بنت عمي يوم الاثنين الصبح جت تبشرني وباركت لها < اخلصي 🙈 

وجتني دكتورتي قالت خلاص الظهر بندخلك غرفة العمليات توكلت ع الله ووافقت جت الساعه 10 الصباح الا موية الجنين تنفك الحمدالله يااااارب جاء الفرج كشفو قالو لسى 1 سانتي 

دخلوني غرفة الولاده 😣😔 الظهر وطلبت ابرة الظهر وخذتها بس ماخفيكم ماخذتها وتالمت حيييل كني ماخذتها 

جاء دكتور التخدير عراقي اعطاني اياها .. اللي مشرفه بقسم التوليد ارتيريه نفسيه مره مره مره انا بكريه المفروض ماينافخون علي مدري وش السالفه 
المهم جاء المغرب مانفتح الا 2 😓 اااه يارب صبرك ويجوني ويحطموني انتي بنولدك عمليه جربنا معك الطلق بالوريد ولا فاد اقووولكم كله يحطموني تصبرت ودعيت ان الله يفرجها .. ومن العصر وانا احس بشي يدفع وساااكته وصار يدفع بقوه مره اقولهم احس شي بيطلع سافهيني جت وحده كشفت علي قالت لسى 3 قلت ابيي عمليه بمووت قالو لاتدفعين يطلع راس البيبي طويل وادفع مو قادره امسك نفسي 😞 واصارخ ولا احد لمي سافهيني مره احس شي بيشقني يموتني 
جت النيرس ورفعت رجولي وانا ادفع قامت تصارخ الراس طلع وتركض ويجون كلهم ويتاسفون وانا ادعي عليهم كانت الساعه 11 الليل الا على دخلت دكتوده مناوبه اسمها .. عويضه .. وادفع مره ولا عاد احس بشي ويقولون ادفعي الراس بيطلع وادفع بقوووووووه وتطلع بنتي نظر عيني واقعد اصارخ الحمدالله الحمدالله وابككي الله لا يوريكم ههه وتقعد تصيح وانا اقول يااابعد روحي بعد قلبي 😘
المهم شالوها ونظفوها وخيطوني .. ومر على نفاسنا انا وبنت عمي يمكن 20 يوم جتني تحاكيني قالت شفتي اللي ولدتني ماخيطتني زين فيه لحم زايد وبرجع اخيط من جديد حزنت عليها وقلت الله يكون بعونك وخيطت من جديد 😩 وجاءالموعد اللي تشوف خياطتي قالت كل شي تمام الحمدالله استانست طلعت من النفاس فيني نزيف رحت اكشف بمستوصف بالشفا قالت لي اول ولاده قلت ايه قالت ماخيطوك زين المنطقه عندك واسعه ااااه ياقلبي حسبي الله عليهم قالت تحتاجين خياط من جديد .. جد جد تضايقت رحت لمستشفى دله ودخلت ع الدكتوره اللي شافت خياطتي قلت ليه تقولين لي كل شي تمام وانا وسيعه قالت لا مافيك شي المنطقه زينه وتكشف علي قالت تحتاجين غرزتين ب 5 الاف قلت الغلط منكم انتم حسبي الله عليكم زودن على المعامله الخايسه خياطه شينه ضاايق صدري 😪 

ادري طولتهاا بس ابي اقولكم عن دله الخايس وهي توافيق من رب العالمين بس جد لعبو فيني وفي بنت عمي كرهوني بالحمل والولاده 
وللحين ادور وحده تخيط خياط صاحي ادعولي الاقي وحده زينه تعذبت وانا اول بيبي 😔