قصة ولادتي بنور عيني ورد

بسم الله الرحمن الرحيم
كيفكم يا عزيزاتي انا ولدت 24 ايلول شهر 9 بنصف الشهر التاسع من الحمل بطلق صناعي
لان المشيمة كبرت والسائل صار قليل على الجنين
قالت لي الطبيبة كل مابكرتي بيكون افضل حجزت الغرفة بنفس اليوم اللي كنت فيه عند الطبيبة يوم الخميس 22 ايلول وحطولي الجهاز تبع الطلق طلع عندي طلق خفيف وكان الرحم فاتح 2 سم وهاد كان الساعة 8 مساء وقالتلي انو رح اصبر عليكي لل12 الفجر ولما اجت قالت رح مدد الوقت لل 8 صباحا والصبح ماكان يقوى الطلق فعطتني جرعة طلق صناعي وقالت نستنى 8 ساعات كان في طلق بس الاحساس شد وضغط بس من فوق البطن والضهر مزعج بس مو مؤلم ووصل الرقم لل 100 بس الغريب انو استحملت عادي جدا وماكان يفتح الرحم اكتر يعني العملية فاشلة الطلق فاشل ومددت الطبيبة الوقت لل 12 الفجر ووقتها فوتتني على غرفة الولادة وهاي اول مرة بفوت عليها لحالي دون زوجي وصرت ابكي بشكل مو طبيعي وصار ضغطي 19 على 10
وصاروا يهدوني وتوعدني الطبيبة انو رح تدخلو بس لينتظم الطلق وتعطيني ابرة منوم ولما طقت مية الراس صار الالم يجي من اسفل البطن لدرجة ماقدرت اتحمل رقم 30 على قياس الطلق الم قوي بس الحمد لله اتالم بس ماابكي واصرخ بس اميل من الالم يمين ويسار واضغط على قطعة القماش اللي جايبتها معي وعلى يد الممرضة
ولما انتظم الطلق صدقت بوعدها لي وعطتني ابرة منوم لمدة ساعة ونص وفوتت زوجي بس للاسف لما فاتت على الغرفة التانية مرضة بتولد طلعوه لبرة واقعد على الرج من خوفو عليي الله يديمو فوق راسي يارب
ولكن مامشي حال المنوم مااقدرت انام بس يرخي بدني شوي وحس بنعاس بس لما يجي الطلق اتالم كتير واميل يمين ويسار وبعد شي نص ساعة من الابرة حسيت بشد قوي لتحت والم مااقدرت اتحملو قلتلها خلص كتيييييير متالمة ولبست اللبس الخاص بالتوليد ولاحظت فعلا فاتح الرحم 10 سم لانو وقت طقت مية الراس فتح 5 سم
ودفشتين طوال مع صرختين وكان طالع ابني الله يحفظو ويجلعلو من الصالحين وحفظة القران الكريم يارب العالمين
ولفوه وارجوني ياه لقيتو ماشاء الله متل القمر وبعد ماطلعوه للخارج اتصل زوجي على موبايل الطبيبة وقللها شو صاير شو في قالتلو ايه اصبع ناقص خير ان شاء الله الحمد لله على كل حال وانت خليتني قللها وهون ايجتني صرخة رهيبة يالطييييييييييييف صدمة وايجت تواسيني وتقللي الحمد لله على كل حال الشاهد اليميني ناقص واصبعتين ملزوقين ببعض كانت يابنات صدمة رهيبة الحمد لله على كل حال ولما رجعت على البيت بنفس اليوم ولدت الساعة 2 الفجر ورجعت البيت 12 الضهر وانا بالبيت المسا مع زوجي عم نتفقد ايد ورد الحبيب لقينا فعلا باليد اليمين ناقصو الاصبع الصغير مو الشاهد لله الحمد والاصبعين الشاهد والوسطى ملزوقين ببعض والكف صغير عن الكف اليسار وحتى الساعد انحف من اليسار لله الحمد مداد كلماته وزنة عرشه
والان طلع معو صفار وزاد ومارضيت الطبيبة تحطو بالحاضنة قالت استنوا لبكرة ومنشوف وصفتلو رضعو كتير واعطيه مي وسكر ولبكرة بشوف ازا نزل الحمد لله وازا لا لله الحمد على كل شيئ رح ندخلو الحاضنة 24 ساعة
ادعولو الله يشفيه ويجعلو من المتميزيين دنيا واخرة دينا وخلقا وعلما بحق لا اله الا هو امين يارب العالمين
وبتمنى اللي عندها اي معلومات تفيدني عن وضع حنوني ورد ماتقصر الله يجزيكم الخير دنيا واخر جميعا
وازا في اي عنوان لاي مكان بقدر نستفاد منو بالنسبة الو

ولدت بمشفى الجزيرة بالرياض عند الدكتورة افتخار العلبي الله يجزاها الخير يارب هي والممرضات اللي معا وحتى طبيبة الاطفال الاسشارية ليلى اللي اكتر من رائعة اللي شدتلي عزيمتي بالنسبة للرضاعة
بتمنى للجميع دوام الصحة والعافية والله يرزق الزرية لصالحة لكل محرومة وتكون كاملة الخلق والخلقة بازنه تعالى
عزرا على الاطالة