قصة ولادتي بين يديكم

بسم الله الرحمن الرحيم

راح اقولكم قصة ولادتي الاخيره انا كنت اجيب عيالي بطلق صناعي يعني ادخل العاشر

ويحددون لي يوم اولد فيه وقالوا هذي راح تصير عاده لك الحمد لله على كل حال المهم بعد ماخلصت التاسع

تعبت وطفشت وزوجي كان موديني عند اهلي من شهر والمدرسه على الابواب وعندي بناتي يدرسون

وانا في مدينه ثانيه وقال زوجي معك اليومين اذا ماولدتي خلاص اخذك وتولدين في بيتك وانا ودي اولد عند اهلي

وابغى ولادي تكون بالعسكري كل عيالي جايبتهم فيه متعوده عليهم المهم كان يوم اثنين وكان اخوي صايم

وقلت يله اكسب فيه اجر واروح للبقاله مشي واجيب اغراض الفطور واجي والله واحسن بالالم الي جاني وانا وسط

الشارع ابي ارفع رجلي ماقدرت قلت يارب تستر علي واوصل البيت سالمه واذا خف اسرعت بالمشي واذا جاء وقفت

وجلست ادعي لين وصلت البيت واسوي الفطور لخوي ويوم اذن قلت ادعلي عند افطارك والله ياعمري يدعيلي

هو وامي وابوي ( الله يرحمه ) ونفطر وبعد القطور جاء :arb: خلاص المهله انتهت وقال معي اجازه يومين

نجلس فيها وبعدها خلاص نروح لبيتنا قلت خبر ان شاء الله وكان موعدي بكره عشان تنويم ويولدوني

يوم جاء بعد الفجر والله ويجي طلق شديد ورى بعض وحشر من تحت عرفت انها ولاده وصحي زوجي

قال خلي اخوك يوديك تعبان من السفر وعلى باله زي كل مره ادخل المستشفى اليوم ولا اولد الا بكره

قلت لا هذ ي الروحه لازم تروح معي هذي ولاده ماصدقني بس لبس ووداني وتروح معي مرت اخوي

واختي الي ماتزوجت مدري وش جابها معي من الالم ماتكلمت وانا عاده عندي اذا رحت اولد بس ابكي لو مافي

طلق شلون وانا هلحين معي طلق خايفه اني اولد بالسياره وزوجي واهلي مو مصدقين وادخل الطواري وتكشف علي

قالت فاتح 4 س صعدون فوق بس قالوا بس وحده تدخل معها وكانت مرت اخوي حامل عيت الممرضه عنها ودخلت اختي

معي والعسكري يدخلون معك وحده في كشك الولاده وانا ياربي وش ربي بلاني بهذي جت معي

وتجلس على الكرس عاد بعد الولاده تقول احسبها غرفة تنويم مادريت انها ولاده ولا مان مادخلت معك

انا كنت اكتم في نفسي عشان ماخوفها واتحمل واغطي وجهي عنها لين خلاص وصلت حدي واصيح ومااشوف

الا عباتها طايره من ورى الممرضه وهي تحلطم مدري وش تقول وتطاع من الغرفه والممرضات يتجمعون علي

والحمد لله اولد يالسلامه يدون طلق وكانت اسهل ولاده لي الحمد لله اعلمكم عن اختي تقول يوم صحتي وشغلوا

الجرس الي ينادي القابله عرفت انها ولاده ومن الخوف هجيت واحاول افتح الباب والباب مقفل باب قسم الولاده

تقول وانا بس اقول انا وش جابني انا وش جابني وبعد شوي تجي الممرضه وتقولها خلاص تعالي اختك ولدت

حرام تجيني تبكي صح ولدتي انا تعبانه خلتني اضحك وتشوف الولد وتحبه وهي تبكي حزنتني بس طمنتها

( جبتك ياعبد المعين تعين لقيتك ياعبد المعين تنعان ) اخذت الجوال اتصلت على زوجي قلتله فهود يسلم عليك

قال ايه زين بس وش قالولك متى يولدونك ماصدقني فلت والله ولدت وسكرت التلفون وهو مو مصدق اتصل على

المستشفى وعلموه ومن فرحته يقولون راح وجابلها جاتوهات وعصيرات ويصحيهم من النوم يبشرهم وكل من

فام قال لا كذب مو مصدقين

كانت اسهل ولاده رحت المستشفى الساعه 6 وولدت الساعه 8 الحمد لله كلها بفضل الله ثم دعاء اخوي وفت

الافطار الله يوفقه ويسهل ولادت حرمته توها حامل بالشهر الثاني ادعولها

لا تنسون تظغطون على شكرا لك :39: