*** قصة ولادتي تنذكر وماتنعاد ***

السلام عليكم ورحمة الله وبركاته
انا ولادتي بولدي :arb: غير شكل أقرأوها ولاتسونها
انا اول ماتزوجت كنت عايشه بالرياض وحملت ببنتي وجبتها عند اهلى وبعدين حملت بولدي وصمم زوجي اني اولد عنده بالرياض ويوم جاني الوجع كان ماشاءالله لاقوة الابالله طلقه حار وسريع بعكس اخته وقلت لا مأبغى استعجل (بسوي نفسي حرمه سنعه) قال ايش مأبغى اروح المستشفى الابعد مايحمى الطلق وولدت في البيت وراح زوجي جاب الدكتور من مركز صحي قريب من البيت طبيب عام
(الغريق يتعلق بقشه) ولما جاء الدكتور قال مأقدر اسوي لها شئ غير اني راح اقص السر فقط لانه كان عندي نزيف وحالة اغماء وبعدين لفوني بشرشف و شالوني على المستشفى لا وأزيدكم من الشعر بيت ماوداني زوجي على المستشفى إلي اراجع فيه وقريب من بيتي إلا وداني على مستشفى بعيد من بيتنا بمسافه شوي بعيد (ماينلام مسكين انرج وكان خايف عليه وعلى البيبي )لان الدكتور قال له لاتحاول تتأخر لاني كنت انزف والمشيمه مازالت فيه وممسوكه بمقص وكنت متشققه ومتبهذله وبعد هذا كله رحت للمستشفى (مستشفى الشميسي ) (الله لايبارك فيهم )وحطوني على السرير في كشك الولاده وسكروا الستاره عليه وراحوا وأنا بين صاحيه ونايمه وكنت ارجع الله يكرمكم وأنزف ومحد حولي وخلوني من الساعه ثمانيه صباحا الى الساعه الحاديه عشر علما اني ولدت الساعه السادسه الصبح على مازوجي راح وجاب الدكتور وجاني وشالوني ودخلوني المستشفى وسوى الأوراق وانا طايحه بس أصدر وأورد ماشاء الله الحريم يدخلون يولدون ويخرجون وأنا محد عندي اللين جات دكتوره بنت حلال سعوديه زي العسل شكله كان وقت مرور الدكاتره ويوم فتحت الستاره قالت ليه انتي كذا جالسه؟ ومن متى وإنتي هنا ؟ وليش محد مقابلك ؟!تحسب اني والده عندهم ولما قلتلها قصتي صيحت على الممرضات والقابلات وقالت انتي مشققه وتنزفين ومجرى البول الله يكرمكم مشقق كيف راح تتبولين والرحم عندك قفل وجفت المويات اللي فيكي والمشيمه جوه بس حطت لي المحلول المغذي وإبر وحاولت تفتح الرحم اااااااااااه والله كنها ولاده من أول وجديد وتعبت معي الدكتوره اللين حاولت تفتح الرحم وخرجت المشيمه بعد مشقه وتعب وبعد ماشفت الموووووووت وشفت الويل وتعبت اكثر من الولاده نفسها والله إني ماتوقعت اني بخرج من ذيك الغرفه بسلام واتوقعت اني بموت عندهم لكن الحمدلله على كل حال وبعدين سوت لي خياط جامد وقسطره للبول الله يكرمكم وقعدت في المستشفى ثلاث ايام وخرجت والحمدلله بالسلامه انا وولدي :icon28:
ادري اني طولت عليكم لكن هذي قصتي حبيت اقصها لكم عشان ماتسون زي ومن يوم تحسون بوجع الولاده على طول تروحون للمستشفى أفضل وأحسن
وبسميها قصه

( تنذكر وماتنعاد )

وسلامتكم