قصتي قصة واتمنى كل وحده في هالمنتدى على وشك ولادة انها ماتذوق الي ذقته ولادتي في 22 مايو والمفترض تكون الولادة في 13 مايو لكن بقدرة ربي عوشرت وطولت ماولدت وغير هذا مافي اي بوادر ولادة لا طلق ولا افرزات ولا مويه ولا غيرة يعني بالعربي الفصيح ماكأني في التاسع ومن دخلت العاشر وانا اروح المستشفى عشان التخطيط في وقتها كنت عند أهلي لان زوجي كان منتدب خارج السعودية ويوم دخلت الاسبوع 42 كلمو المستشفى علي يوم الاحد الصباح وطلبواني اجيهم اليوم لان الدكتورة كتبت لي تنويم وغرفتي جهزوها احترت في أمري لاني مابي امي تدري اني راح اولد لان أمي ماتتحمل هالمواقف طلبت من امي اني اخذ الشغاله وثنتين من خواتي على اساس اني بنظف شقتي لان زوجي الاثنين راح يجي من السفر ورحت انا وثنتين من خواتي وخوي والشغاله الشغاله وحده من خواتي خليتهم بشقه على اساس ترتب شقتي ورحت وانا وحده من خواتي مع اخوي للمستشفى من دون ابوي وامي يدرون حتى زوجي لما كلمني كلمته على اساس انا ماراح ادخل المستشفى لحد مايوصل لاني كنت ابيها مفاجئة على بالي ساعات وأولد :09:
درعمت يعني رحت للمستشفى وكانت المعنويات مرتفعه كان عندي ثقه مفرطه لابعد الحدود انا ولادتي راح تتسهل حلو التفائل بس ماهو حلو بنسبة الي كانت موجوده عندي كنت اقول ساعات بسيطة راح احس بألم الولادة واذا وصلت 4 سم راح يضربوني ابرة الظهر عند اكبر استشاري لانهم كاتبين ابرة الظهر في ملفي من الشهر الثامن يعني قمة في الثقه
جلست يوم الاحد في غرفتي انا واختي وكله ضحك وتعليق ونطلب كلوب ساندوتش وعصيرات وفله ونرتب اماكن الكنبات على عشان الزوار وكان الجناح بتاعي روعه مما اعطاني زيادة في جرعة الثقه جت الدكتورة صباح الاثنين واعطتني الطلق الصناعي وكان الطلق خفيف يروح ويجي وبعدين اعطوني الابرة الثانية وكانت الاقوى والأمر وجلست اطلق الاثنين وجا زوجي من السفر وصل 12 في الليل قال انا بالمطار والحين بمر بيت اهلك جاي اخذك قلت لا تاخذني لاني نايمة تعال بوكره كنت ابيه يجي للمستشفى بعد ماياخذ راحته من رحلته الطويله <= الحرمة قلبها حنين :42:
جاء فجر الثلاثاء واشتد الطلق جت الساعه 12 الظهر نزلوني لغرفه الولادة برغم انا الرحم مسكر
ارسلت مسج لزوجي اخبرة اني بغرفة الولادة وجاء على طول وكنت في قمة الالم والتوجع عطوني ابرة الورك وبد الرحم ينفتح لحد 3سم الساعه 5 العصر قلت خلااااااااااااااص ماعاد فيني حيله ابي ابرة الظهر جاني استشاري امريكي مسلم وعطاني الابرة من دون ماحس فيها بس راح مفعول الابرة وانا لسة 5سم رجعت للألم وضربوني ابرة الورك مره ثانية راح مفعولها زاادو جرعة ابرة الظهر برضو راح مفعولها وانا لسة عطوني الاكسجين الي فيه نسبة مخدرة لحد ماوصلت 10 سم الساعه 10 الليل قلت جاء الفرج احاول ادفع بس مافي فايدة جلست ادفع ساعه كامله مافيش فايدة اكتشفو انا البيبي وضع الراس مايسمح للخروج والحوض عندي ضيق جت 11 قالو على غرفة العمليات :icon33: ولادة قيصري دخلت الغرفه وانا اصيح بأعلى صوتي اعطوني بنج موضعي بس لاني كنت منهارة تخيلو من الاثنين وانا اطلق اضطرو يبنجوني بنج كامل وفي الساعه 11 و40 دقيقه جبت بنوته تسوى الدنيا ومافيها والحمد لله على كل حال جعله تكفير ان شاء الله :)
الشي المستفاد
1- انا الولادة لا يخطط لها مهما كانت المقومات شريت مشد واخذت رقم وحده تمسج وكنت اقول لزوجي راح اسوي وراح اسوي وانا ماحطيت ولا 1% اني راح اولد قيصري :icon33:
المفترض اني ماخطط ولا احكي لحد ماشوف وضعي
2- الولادة سهولتها وصعوبتها بيد رب العالمين والله لو تولدين في البيت وربي كتب انها تسهل راح تسهل ولو تجبين لك اكبر اخصائية وربي ماكتب انها تسهل ماراح تسهل كنت اراجع عند اكبر استشارية يكفي انها رئيسة قسم النساء والولادة في اكبر مستشفى الي هو التخصصي ومع كذا مالله اراد انها تسهل الولادة جابو لي اكبر اخصائي تخدير في المستشفى وماستفدت منها إلا ساعه او ساعتين بالكثير لان ولادتي طولت:(
عموما كل شي يهوووووووووووووون لما تشوفين طفل سليم معافى بين يدينك وهذا هو الاهم والمهم وكل شي في هالحظة :)
وإذا سمحتيلي بسألك
ليش هالأستشاريه ما اكتشفت وضع راس الجنين .. وقياس حوضك.. قبل ما تعطيك طلق صناعي ..؟؟
مو المفروض انها تتاكد من وضع الجنين قبل تقرر لك ...
وجعل الله لك كل زفرة الم مغفرة لذنوبك ..